sitoo 20 - buacou seiso no faeva esvʉtʉ

i'vaho mine makitong ho ngilisia 'o poolo ho bobaito

¹ ataveisi ne micu suseomʉ 'o 'afeo'fu'u, isi eteuyuna to poolo 'o sinto, poucucufna, a'vinano mi'usnu ho epeevai. micu mongoi ho emo'usnu ne makitong.

² isi saingaboa 'o mia'usnu ne'e, mi'usneni to sinto ho man'i 'o isi poucucufna ci e'e, ataveicu uhne ngilisia,

³ mo tuyu no feohʉ homo yone'e. nete smouyu'ho yonto 'apangʉ ho uhne siliya 'o poolo, isi honga 'o couyutaya hontehe akoeva no poengoma ho 'a'usni, ko'kocu esvʉtʉ no ma'kuyungu ne makitong ho yuovei.

⁴ i'omo nʉthʉ panto coupiliya ci oko to pilosu ci sopatho, panto coutesalonike ci 'alitaku ho sikontu, coutopi ci kaiyo, ho i'on'a temote ho cou'azia ci tuiciku ho tolofuimo.

⁵ mo muyo 'emo nʉthʉ, yone toloya ho totea a'mi.

⁶ sucaefi 'o meetoasmoof'o, mimzacu i'mi ne fuilipi ho smo'apangʉ, atavei no miemohi cu sʉc'ʉhʉ ne toloya, yuptepteilʉ 'o moso muyo, aʉlʉ mainsohʉ yone'e.

sotavei no uhne tholoya 'o poolo

⁷ yofna no mainomʉ, mimza noteuyunu ho toehungu eabobonʉ, mo mi'usnu tamo noteuyunu ho eʉsvʉsvʉtʉ 'o poolo, maica ho tac'u e'ohʉ ho hucma. ko'ko mo ehʉhʉyʉ. ac'ʉhʉ no taico feʉngna.

⁸ to skoskopna to imza yoni noteuyunu ci aemana mo man'i 'o sotiskova.

⁹ panto cihi ci foinana zou yutuiku 'o ongkosi mo yusuhngu to pethʉ'ta, ne mon'a seolʉa no ehʉhʉyʉ 'o poolo, mo ausuhcu soehʉpʉ, atavei aʉlʉ m'oʉlʉlʉ, cu i'mi to sangkai ho supeohʉ. ihe toehunga ec'ʉvi, aiti ma micu mcoi.

¹⁰ cu ohpueho 'o poolo, p'ocngui 'o feangosi, isi sʉ'fʉni 'o foinana, yainca: <'ote ma'tipvongʉ, 'amion'a yaa nsoua!>

¹¹ mio i'vaho uhto ihe yoni to skoskopna, tipci to pang ho ana. ecngucnguhu ec'ʉhʉ no tiskova, micu mongoi.

¹² ihe poa yaansoua ho hafa maine'e 'o foinana, acʉhʉ meoino noa ao'pou.

i'mi to tholoya ho uhne militu

¹³ mimza auyu yonto 'apangʉ, emo'usnu ne 'aso, akoevano suputi ne'e 'o poolo. ohsi iachia esvʉta eni, maica hote akoyuno smai ceoa.

¹⁴ mimza yuptepteilʉ ne 'aso, imzacu poa yonto 'apangʉ, e'ohʉ emo'usnu ne mituilini.

¹⁵ mimza i'mi ne'e ho i'vaho yonto 'apangʉ, ne micu hucma sʉc'ʉhʉ to apihanasi ci ki'a; ne micu ivaho hucma, tmo'poyapo ne saamo, i'vaho mivahi cu sʉc'ʉhʉ ne militu.

¹⁶ mohcu ma'koyu no o'te tosvo ne 'epeso 'o poolo, te o'te 'aoko ma'na'o ta 'aziasoo. mo tongsoyʉ no aupcio sʉc'ʉhʉ ne 'elusalemu, tata'za no sʉc'ʉhʉ ne'e no auyusi no homeyaya.

e'e no yupepeevai to poolo

¹⁷ mo i'mi ne militu 'o poolo ho smuhnu to cou ho biebimi to coolo to kiokai ne 'epeso, eyoho'a te yupa baito.

¹⁸ micu esmi, isi mi'usni to poolo ho yainca:

¹⁹ la yono ma'einu ho ma'tipvongʉ ho fifiho to nooe'oca, maezo i'mi ho lahe 'ucia akuzkuzoa to couyutaya ho mitamo man'i ci hʉsvʉta.

²⁰ imu yaeza acʉha cohivi, 'upena to 'oyona nouteuyunu hocieno to iachimu emoo, ho la'u epeaski hocieno ho la'u po'pa'cohivi muu, inante afu'u ake'i koa ʉmnʉ muu, uk'a ci os'o o'te pateafa.

²¹ 'upena hoci mi'usnu to couyutaya ho couyafana, la'u acʉha bumemeala poucufna, poa ma'vovei ho miezuhu to hamo, a'vinano taa'uiva 'o nooe'ocamia ci iesu.

²² maitan'e, nomio no meo'uzo to seilei, te'o uhne 'elusalemu. o'aos'o cohivi te'o nana yupteilʉ nomo mainenu ci hi'hioa ne'e;

²³ os'oc'o cohivi, yonto mahohosa isi pas'ofeihna to seilei a'o, panto poo'usna ho 'atutumzo mo mooteo a'o.

²⁴ at'inghi, os'oeno nama ngohia 'e nsou'u, os'o anga 'ucia peihcʉ'hi 'e te'o hioa, aepʉnga 'e isi toveineni a'o to iesu ci hioa, 'aeno 'akasi 'o yaa mengumi ci fukuin to hamo.

²⁵

²⁶ ko'koeno, te'o bumemeala eʉsvʉta muu, ta 'ayumonamu hoci pano ten'a suhcʉhcʉ ci cou, o'ate yonta a'o na kuisi;

²⁷ maica ho imzacu toʉpsʉpseni mi'usnu muu ho eʉcʉcʉha psoecingha 'o 'tohʉngʉ to hamo.

²⁸ temula iachi bumemealʉ, maezo nomio to ohsila toveineni muu to seilei ho aʉt'ʉca 'e kiokai ho bumemealʉ. la aʉt'ʉca 'o kiokai to hamo - 'aeno 'o isi ieni no mcoi to iachisi oko ho peʉezeni.

²⁹ os'o cohivi ataveisi ho ta'ucu mongoi, te yaa sopak'ia ci av'u yʉn'ʉ te oh'ayumonʉ muu ho akuzkuzo ta moatʉ'nʉ.

³⁰ ac'ʉhʉ ta 'ayumonamu, te maezo yuyafo ho buusumsu ho meknuyu, eepecvai to sinto ho poa to'ofeihni.

³¹ ko'koeno, temula ma'tʉtʉs'ʉ, la talʉa, tamo totueha ci hie, la mainenu na la'u hia huhucmasi yʉesʉ ho po'pa'cohivi, poucufna 'e mimu macicihi.

³²

³³ o'amo'ula ahtu konvosʉ no king nging ho yʉsʉ no mocmo.

³⁴ imu iachia cohivi, la'u boemi ta emucu'u ho yaahioa, poa am'amso 'e la'u tititha a'upu 'o lamia toehungu yaahioa.

³⁵ tamo mav'ov'o ci hi'hioa la'u aa'pucva teongasneni no temula yoyayaeza, eʉsvʉta muu nte anana'o maica na tela hia tvaezoya ho to'usnu tola aviovio ci cou. la talʉa 'o nia e'e to iesu: <> >

³⁶ cu eepʉnga 'e e'e eni, 'o poolo ho i'omo noteuyunu micu toehungu pop'up'ungu ho 'inoli.

³⁷ cu acʉhʉ mongsi, sʉ'fʉni 'o poolo ho kisuneni, tooyokeoi ho yupa eutotavei.

³⁸ mo acʉhʉ nomio ho isi'so yainca to poolo 'anateto ahtun'a i'vaho yupa bobaito ho afnaso nac'o. ihecu peomanzi 'o poolo ho poa uhto 'apangʉ.