sitoo 2 - buacou seiso no faeva esvʉtʉ

ohpueho 'o seilei

¹ conosi hie nemo homeyaya, mo yu'eteuyunu tomo conci 'oyona 'o sinto.

² akameosʉ yaa i'mi ne pepe ci mʉmʉ, mais'a mʉmʉ no mo meinsohʉ cimo taso ci poepe, meingcʉngcʉ ta ihe yoni ci emoo.

³ ihe yaeza aiti 'omo mais'a mi'ausna no puzu ci umo, meiemo'ʉ ho tosvo to feango ta mo macicihi ci cou.

⁴ isi acʉha nongcʉngci to seilei, maito isi pafeni to seilei ci tonʉ ho ahoi mo'engho to e'e no mocmo ci hpʉhpʉngʉ.

⁵ ne mio, pantomo yone 'elusalemu cimo i'vav'ov'o no hpʉhpʉngʉ cila ma'po'ʉ'ʉmtʉ ci couyutaya.

⁶ ne ihecu talʉi 'e mʉmʉ eni, micu yu'eteuyunu 'omo botngonʉ ci cou. acʉhʉ na'no ma'kakaebʉ, maica ho ihe talʉi 'e sinto mo boemi to h'oe'eahe ho aomotʉ'ʉ.

⁷ nemo seolʉa no yamci, ihe yainca:

⁸ mainci mito acʉhʉ tmalʉ ho ihe titha 'o h'oe'eato ho aomotʉ'ʉ?

⁹ ta 'ayumonato mo yaa coupatiya, coumitiya, cou'ilan; ho i'omo i'mi ne misopotamiya, yutaya, kapotoke, pentu, 'azia,

¹⁰ fulika, pangfuiliya, 'ezivuto, ho i'omo i'mi tomo nocmu'u ne kulinai ci cou to mia'usnu to lipiya, panto mo maezo i'mi ne looma,

¹¹ ta'upa 'o couyutaya ho i'omo ma'hi'usnu to yutayakio ci couyafana; panto maezo coukolitho ho cou'alavia. ci mito acʉhʉ tmalʉ homo titho to h'oe'eato ho engha na taunona'vʉ ci lasi hi'hioa to hamo!>

¹² ihe yamceni ho taakoknueva, yupa nia tuocosʉ:

¹³ panto mo cocvo to sinto ci cou ho yainca: <'emo maica ci cou ma mihin'ic'o pemoyomo!>

e'e to petelo

¹⁴ ne mio, mo yac'ʉ 'o petelo ho i'omo maskʉ ucni ci sitoo. mo tmunoi ho mi'usnu tamo botngonʉ ci cou ho yainca: <'e 'oahngʉ ta couyutaya ho i'e mimu afu'u yonta 'elusalemu ci cou, temu cohivi, bumemealʉ tmalʉ ta e'e'u.

¹⁵ imun'asi ta'unano mo emoyomo 'emo maica ci cou? o'amos'a maica, maica ho moc'on'a ma'hisio no taseona 'e huomza hie.

¹⁶ 'e a'a'ausnasi ho mo maica aʉlʉ mais'a 'o ohsi la engha to eyongensa yo'elu:

¹⁷ yainca to hamo: na eni te'o hioa ho tec'u puesona ta hpʉhpʉngʉ: te'o hoyuha ta macicihi 'e piepiya'u. na 'o'okomu tehe patvaha 'e e'e'u; 'e yu'fafoinanamu te baito to mavolosi; 'e mamameoimu te yacei to isi taunona'vʉ.

¹⁸ to hiesi ho mio, te'o hoyuha 'e piepiya'u, ac'ʉha to soskuskunu'u ho i'e soskuskunu no mamespingi; tehe psoevaha 'e e'e'u.

¹⁹ te'o yonta pepe ho peispo'e, yonta ceoa ho hioa 'e isi huunona'vʉ ci hi'hioa; mo yaa hmuyu, yaa puzu, yaa feufeua;

²⁰ tena sveepʉ 'e hie ho o'te tiskova; mais'a hmuyu 'e feohʉ na tesi hia fʉhngoya; auyusi no cmʉ'ho 'o psoevohngʉ ho taunona'vʉ ci hie to nooe'oca, te acʉhʉ esmi 'emo maica.

²¹ ho mio, nate afu'u eyoho'ʉ to ongko to nooe'oca ci cou te asansano noa to'usni.

²² <'oahngʉ'u ta 'isolaelu, temu talʉi 'e e'e'u. na 'emo cofkoya ci hi'hioa to counazalo iesu, isi na'na asansana 'o hamo isi ieni to isi hi'hioa ci po'e, taunona'vʉ ci tonʉ, h'unasi ci hi'hioa, mi'usnu muu ho epa'teni. 'e hi'hioa eni imu iachia cohivi, maica homo esmi ta taicomu.

²³ 'o hamo mo fiho to iachisi 'tohʉngʉ ho ino isi huyoyoci ho asvʉta no faeni muu 'o iesu; na muu imu ieni tola ma'peu ci cou ho spica to zuuzika. ho opcoza.

²⁴ at'inghi 'o hamo isi poa i'mi to mcoi ho smoevovei, isi aapayo'a 'o 'atutumzo no mcoi, maica 'o iesu o'atesi peelʉi aekotva no mcoi.

²⁵ ohsila pas'osi to tavite 'o iesu ho yainca: la'u conino aiti 'o nooe'oca hola yonta tuhcu'u; hola yonta vhona'u. o'ate'o ahtu tmaot'ou.

²⁶ ko'koeno. la 'aveoveoyʉ co 'tohʉngʉ'u, 'e e'e'u lasi nongcʉngci no kokaekaebʉ; 'e tenala kuzo ci feango'u teec'on'a noulʉlʉ no 'ayumona no yaa ta'usnia.

²⁷ maica o'ateko poa uhne vooecʉvcana a'o, yaeza o'ateko h'unasa teomneni 'e meot'ʉcʉ ci soskuskunusu hoci toapayo'ʉ.

²⁸ oskocu pas'ofeihna na ceonʉ ta nsou'u; ho lako no'upi lasi poa ngangcʉngcʉ na kokaekaebʉ'u.

²⁹

³⁰ zou eyongensa, isi cohivi na ohsila teomneni to hamo: mosola esvʉtʉ 'o hamo, te i'mi ta mʉntʉ'casi ho m'eac'ʉ note cihi ci honte ho yusuhngu to suoca'hasi.

³¹ ohsi ayoca cohivi to tavite na isi ta'koeva to hamo, ko'koeno ne ohsicu ec'ʉha na smoevovei to kilisto, isi yainca: o'a isi noa ciha ne vooecʉvcana; o'amo h'unano toapayo'ʉ 'o feangosi.

³² i'e iesu eni, isicu poa smoevovei to hamo; mimza acʉhʉ 'akasi ta hi'hioa tan'e ci cou.

³³ isicu taspepza ho yonto vhona to hamo, a'vinano i'mi to amosi ho tiova 'o ohsi la teomneni ci seilei. i'e imu aiti talʉi maitan'e, 'aisieno ho'usna a'mi to hamo ci mengumi.

³⁴ 'o tavite o'amoso iachi ohpepe, at'inghi ohsi yainca: 'o nooe'oca mo mi'usnu to nooe'oca'u ho yainca: teko yusuhngu ta vhona'u,

³⁵ totea a'o ho ta'u poa peteozu ta t'angosu 'o hangʉsu.

³⁶

³⁷ ne ihe toehunga talʉi 'e e'e eni, mais'amo ac'ʉc'ʉ 'o 'tohʉngʉhe, mi'usnu to petelo ho ito mocmo ci sitoo ho yainca:

³⁸ isi mi'usni to petelo ho yainca:

³⁹ maica ohsi teomneni to hamo, tesi pafeni no ohsila afu'a eyoho'a to nooe'oca hamo ci cou. 'aeno muu, 'o'okomu, ho i'o acʉcʉhʉ ci mo yone covhi ci cou.>

⁴⁰ mo i'vaho boemi to man'i ci e'e ho 'akasi 'o petelo, eucufna ho yainca:

⁴¹ botngonʉ 'omo tiou to e'esi, a'vinano tiou to toonono; to conosi hie ne mio, mo positoteuhu 'omo apuhngu ci sinto.

⁴² mo conci 'tohʉngʉ ho noa po'pa'cohivi to sitoo, i'upu tola nouteuyunu, o'upu eabobonʉ, toehungu 'inoli.

h'oyunsova no conotaucunu to sinto

⁴³ 'o sitoo mo man'i 'o ihe hioa ci po'e ho taunona'vʉ ci hi'hioa; i'mi tan'e micu yaa einu ci 'tohʉngʉ 'omo macicihi.

⁴⁴ 'o acʉcʉhʉ ci sinto mo a'cʉ'cʉnʉ nouteuyunu, 'o afu'u macucuma ihe toehunga titha.

⁴⁵ ihe yaeza phieni 'o ezoezoyʉ, maino tehe timsoa tamo macicihi ho aangaezeni to peisu.

⁴⁶ mo tohmʉskʉ 'o 'tohʉngʉhe, huhucmasi yu'eteuyunu to seiten, tenan'a apopaevai to macocono emoo ho toehungu eabobonʉ, boemi no 'aveoveoyʉ cofkoya ci 'tohʉngʉ ho toehungu bonʉ.

⁴⁷ la tohmomoengʉ to hamo, acʉhʉ bunananghiya ci natʉ'ca. 'o nooe'oca isi huhucmasa topuhngi to isi to'usni ci cou.