sitoo 19 - buacou seiso no faeva esvʉtʉ

yone 'epeso 'o poolo

¹ ne mon'a yone kolinto 'o 'apolo, mo covnʉ 'o poolo ho smaimsʉ'eonʉhe ta hpʉhpʉngʉ, esmi to 'epeso. yone'e, isi lʉa 'o piyo ci sinto,

² isi tuocosi: ihe yut'inga:

³ ivaha tuocosi to poolo: ihe yut'inga:

⁴ yainca to poolo:

⁵ ihecu talʉi 'e e'e eni, cu boemi to ongko to nooe'oca iesu ho tiou to toonono.

⁶ isi hoe'oci to poolo, cu ohpueho to feangohe 'o seilei. micu epiepiya, a'vinano epeaski to e'e to hamo.

⁷ tateuyuna mo asonʉ maskʉ ueso ci cou.

⁸ acngucnguhu tuyu no feohʉ, maito lasi hioa 'o poolo ho uhto kaitoo, e'ʉ'ʉteʉ eʉsvʉsvʉtʉ, mi'usnu to mocmo ho yupa eehcʉvho no hi'hioa to hpʉhpʉngʉ to hamo. poucufnu to cou ho poa tmaa'uzoa.

⁹ to 'ayumonahe panto mo yameomʉ ho o'te mimho tmaa'uzo; yonto tuhcu tomo botngonʉ ho apa'to ekuzkuzo to e'e to nooe'oca. isicu hafa to poolo 'o sinto ho mongoi, huhucmasi yonto 'oyona tmopsʉ to tuilanu ho toʉsvʉsvʉtʉ.

¹⁰ 'emo maica ci hi'hioa mo topuska ho isi acngucnguha hioa, i'mi tan'e 'emo afu'u yonta 'aziasoo ci cou, 'upena 'o couyutaya ho couyafana. cu acʉhʉ tmac'ʉhʉ to e'e to nooe'oca.

oko to sukiua

¹¹ 'o hamo isi ieni to poolo ho hioa 'o taunona'vʉ ci po'e;

¹² ac'ʉhʉ no panto mo mayo to ohsicu titha to poolo ci 'oyomuya hocieno o'te taf'u ho siya to feango tomo tma'congo, poa yov'o 'o tma'congo, maezo yuyafo 'omo cʉnghʉ to feangohe ci h'aokuv'o.

¹³ pantola smaingongabo, meknuyu no meya hicu ci couyutaya, mo maezo mici titho to ongko to iesu ho hioa 'emo maica ci hi'hioa. ihe mi'usni 'o h'aokuv'o ho yainca:

¹⁴ i'emo himhohioa tan'e zou i'o mo pitu ci 'o'oko to sukiua ci saisicoo to yutaya.

¹⁵ at'inghi isi yut'inga to h'aokuv'o:

¹⁶ i'o isi ti'eopi to h'aokuv'o ci cou isicu 'aanana'veni ho pohcingha ho skʉtpʉti. micu acʉhʉ alolongʉ, yaeza ethʉthʉsi 'o nia yʉsʉhe. hocu yuamaesih'i ho toekameosʉ to emoo.

¹⁷ i'omo afu'u yone 'epeso ci couyutaya ho couyafana ihe tac'ʉhi 'e hi'hioa eni, acʉhʉ na'no ngoheʉngeʉ; 'o ongko to nooe'oca iesu ahoi tan'e cu h'unasa einva.

¹⁸ mo 'enepio ci sinto ihecu ahoza epopayoa esansana na ohela hi'hioa ne noana'o.

¹⁹ botngonʉ ci mosola peiseoyoifo ci cou ihe hafa 'o nia tposʉhe ho coe'eni, yonto ihe toehunga aiti ho hmoi. ihe tohtasvʉta na ntesi huphina ta tposʉ tan'e, nte asonʉ eimo no posi maskʉ ci peisu no nging.

²⁰ maicac'o, 'e e'e to nooe'oca cu angabo psoecocoyʉ ho meoino yuayayokeo.

'afeo'fu'u 'o 'epeso

²¹ ataveisi ta hi'hioa tan'e, 'o poolo mo ma'koyu no mine makitong ho 'akaiya, ho uhne 'elusalemu. isi yainca:

²² isicu skuna 'o mo yoso cila leto'usnu - temote ho 'ilatu - poa uhne makitong, iachin'a akameosʉ notavei ta 'aziasoo.

²³ tuhcusi tan'e, nomio to e'e to nooe'oca, mo yuyafo ne 'epeso 'omo meoino 'afeo'fu'u.

²⁴ pantola lemooyai nging ci cou zou timitho 'o ongkosi, la asonghoi mooyai tomo nging ci uaongko to vio no mamespingi ci 'atimi; 'emo maica ci yaezoya lahe toehunga meoino tasmizi to yupasʉ.

²⁵ isi eteuyuna to timitho 'ola yaahioa ho i'o mo totiski 'olahe hioa, mi'usni ho yainca:

²⁶ maitan'e imucu tac'ʉhi, yaeza aiti 'e isi hi'hioa to poolo. isi yainca: <<'e isi teyai ta emucu ta cou ci hamo o'as'a hamo.>> 'e e'e eni isi nia'tecu acʉha poa tmaa'uzo 'e mo botngonʉ ci cou ta 'epeso ho i'e 'aziasoo.

²⁷ ho isi aiti 'e lato hioa isi sokoeva no teto ngoevi na kuici ongko. o'amo anou maica, ac'ʉhʉ ta vio to someoino hicu no mamespingi ci 'atimi tahela yaeza hupotfʉnga, 'ela asonghoza p'ohkui ho koe'ia ta 'aziasoo ho ita mauhpʉhpʉngʉ ci hicu no mamespingi. te maezo aapayo'ʉ na psoevohngʉsi!>

²⁸ ne ihecu talʉi tamo botngonʉ 'e e'e eni, cu kuici ma'sʉsʉ'no, tmuezonʉ mainca: <'e hicu ta cou'epeso ci 'atimi la sotaunona'vʉ!>

²⁹ micu meangabo ta hosa 'emo 'afeo'fu'u. ihecu tʉtpʉta to yu'papak'i 'o yoso cimo nʉthʉ 'o poolo ci yane coumakitong - kaiyo ho 'alitaku - toehungu toemʉemʉ to yoyasva.

³⁰ mo mici emo'usnu to tuhcu to botngonʉ 'o poolo, at'inghi o'aihe poa yʉmeʉmʉ to sinto.

³¹ panto mon'a i'mi ne 'aziasoo ci matataicini, zou nanghia to poolo, maezo smuhnu ho potani 'o poolo, o'te 'ahʉyʉ mooyai sokoeva ho uhto yoyasva.

³² tuhcusi tan'e, acʉhʉ 'e ihe yoni yu'eteuyunu mo ep'ʉcʉ ho yangaevi, panto mo moozoyʉ tan'e, moozoyʉ ne'e, botngonʉhe 'o o'amo mako bochio cuma na koahe yu'eteuyunu.

³³ 'o couyutaya ihe posuhca 'o 'alisanta, panto mo mainca ntesi anana'va sviei 'e hi'hioa eni. mo meuoloʉngʉ 'o 'alisanta, te mici mi'usnu to botngonʉ ho ya'ei.

³⁴ at'inghi, ne ihecu honga ho couyutaya, micu toehungu moozoyʉ: <'o 'atimi ci hicu no mamespingi ta cou'epeso. mo sotaunona'vʉ!> homo maica ci hia moozoyʉ mo aʉlʉ yusno huomza hie.

³⁵ ataveisi, 'o letmotmopsʉ to hosa isi naoputa 'o botngonʉ. isi yainca: <'e cou'epeso, siya namo o'te bochio, 'e hosa ta 'epeso la noʉt'ʉci 'o vio to 'atimi ho i'o mo i'mi ne pepe ho tma'pueho ci cofkoya ci fatu?

³⁶ ho uk'a ci moeno peeco tamo maica ci hi'hioa, 'antemucueno amiocni, 'otes'a yaa peisloʉngʉ ci peipeis'ausna.

³⁷ ho imu hafa uhtan'e 'emo piyo ci cou, at'inghi, mihin'ieno meo'eoi no macucuma ta vio, maezo o'a mihin'i boevovoyo ta hicu no mamespingito.

³⁸ 'e timitho ho i'o lahin'i toehungu yaahioa, hocihin'i 'ucia ehpʉngneni na siya, mioeno o'te yaa esvʉta ci hie ho i'o te tmalʉ no ehpʉngʉ ci taicini, 'atehin'ieno meelʉ yupteilʉ ho yupa esansano.

³⁹ hoci pano mocmo ci hi'hioa, te maezo meelʉ yonto ngikai ho eususeoma.

⁴⁰ mais'a 'e 'afeo'fu'u maitan'e, teeno ahtao'te eseita na temza anana'va sviei. 'emo maica ci 'afeo'fu'u maitan'e o'amo emzo, maezo o'a ito maka iachia asansana na a'ʉmtʉsi 'o'emamzʉ.>

⁴¹ eepʉnga 'e e'esi, isicu poa apeaski 'o moso yu'eteuyunu.