sitoo 16 - buacou seiso no faeva esvʉtʉ

i'upu yaahioa to poolo ho siila 'o temote

¹ mo esmi ne thopi ho lusuto 'o poolo. ne lusuto panto cihi ci sinto. temote 'o ongkosi; zou couyutaya 'o inosi, maezo sinto, coungilisia 'o amosi.

² lahe toehunga emomoengʉa to sinto ne lusuto ho 'ikonen 'e temote.

³ tesi engocha to poolo ho nʉtheni, ihecu hioa na s'e'honga, maica ho ihe toehunga cohivi to couyutaya tan'e ho zou coungilisia 'o amosi.

⁴ mo mito mayoyou, faeni ho poa noyʉcneni 'o ohe esvʉta to sitoo ho macocoolo ne 'elusalemu ci h'ofifiha.

⁵ i'mi tan'e, 'o singkoo to makikiokai mo meelʉcu mamahtʉicʉ, maezo huhucmasi ausuhcu botngonʉ 'o sinto.

fihngau no eyoho'ʉ to yane makitong

⁶ mo mitohe ceonʉ to mia'usnu ne fulika ho ngalatea, maica o'aisi teomneni to seilei hoci psoyaski no e'e ne 'aziasoo.

⁷ ne micu sʉc'ʉhʉ to esa ne meisia, mici yʉmeʉmʉ ne pituinisoo, at'inghi isi potani to piepiya to iesu.

⁸ micu ma'kuyungu ne meisia uhne toloya.

⁹ to yofnasi ne mio. mo baito to conci mavolosi 'o poolo. to mavolosi isi aiti 'omo cihi ci coumakitong, mo yac'ʉ ho mainca:

¹⁰ ne isicu aiti to poolo 'e mavolosi eni. mimzacu osni smouyu'ho ho emo'usnu ne makitong, maica imza cohivi isi eyoho'a to hamo a'mi ho uhne'e, poa tmac'ʉhʉ no fukuin 'o cou ne'e.

ma'hi'usnu to nooe'oca 'o litiya

¹¹ mimza i'mi ne toloya yonto 'apangʉ ho e'ohʉ, emosngʉcʉ ne samotola, sʉc'ʉhʉ ne niapoli ne micu hucma.

¹² ahoi ne'e ho emomsʉ'eonʉ to hpʉhpʉngʉ ne'e, esmi to ahoi hosa ne makitong ci fuilipi; 'e hosa eni ihe yaeza sko'ayumona to looma. mimza aʉlʉ mipzohi tan'e.

¹³ nemo 'ansokunici, mimza yuyafo to hosa ho uhto aaskiti to va'hʉ, yainca no koyu, pano las'aeno o'te 'oyona 'inoli no couyutaya to ic'o. mimza yusuhngu, mi'usnu to mo noteuyunu to ic'o ci maamespingi ho epeaski to e'e.

¹⁴ to 'ayumona tomo tmalʉ, panto mo i'mi to hosa ne tuiyatuila ci mamespingi, zou litiya 'o ongkosi; la momhino tatposa ci yʉteʉ 'o lasi hioa. la anana'o m'ohkuyu to hamo; isi paavi to nooe'oca 'o 'tohʉngʉsi, poa tmaayaezoyʉ to e'e to poolo.

¹⁵ 'o litiya ho i'o conosi emoo mo acʉhʉ tiou to toonono. ataveisi, isi mi'usni a'mi: isicu ahʉhʉya tʉtpʉta a'mi.

yonto poo'usna ne fuilipi

¹⁶ moso conci hie, mimza uhto la 'oyona 'inoli to ic'o. cihi ci soskuskunu no mamespingi mo emo'usnu a'mi, 'e soskuskunu eni isi ti'eopi to h'aokuv'o, la meelʉ bohngʉ to tena yuyafo ci hi'hioa ho noana'o, i'mi tan'e ho lasi titha ma'papeisu to taukesi.

¹⁷ mo apaezumo to'ofeihni a'mi ho ito poolo, moozoyʉ ho mainca: <'emo maica ci cou zou soskuskunu to sopepea ci hamo, te mi'usnu muu ho epeaska 'o ceonʉ no to'usnu!>

¹⁸ mo aʉlʉ 'enepio no hie homo maica ci moozoyʉ; isi sohpoza to poolo homo koakuzo, miezuhu ho mi'usni 'o h'aokuv'o ho yainca: micu osni yuyafo 'o h'aokuv'o.

¹⁹ isi cohivi to taukesi ho micu antʉhʉ 'o lasi tasmizi no yupasʉ, cu tʉtpʉta 'o poolo ho siila, easasa ho baito to taicini,

²⁰ hafa uhto tuhcu to taicini to looma, ehpʉngʉ ho yainca:

²¹ mihin'i epeaski tamo yuszozʉ ta hoolicu ci h'ofifiha, o'ateto peelʉi tiova ho hioa ta coulooma!>

²² mo maezo tmu'ofeihni 'o botngonʉ ho epopohcinghi, cu eutotaveiya to taicini ho pa'eayʉsʉi ho ti'usna.

²³ 'o heetai ihe tʉ'sʉftona ti'usna 'o poolo ho siila, cu poekotva to poo'usna, a'vinano pashʉi 'omo pocengi ho so'eʉyʉca.

²⁴ mo tmalʉ to eutotavei 'emo pocengi, po'usna to so'ayumona to poo'usna 'o poolo ho siila, seo'eisi 'o t'angohe.

²⁵ cu asonʉ mia'usnu no taico feʉngna, mo 'inoli 'o poolo ho siila, pasunaeno ho tohmomoengʉ to hamo, 'o mocmo ci isi poekotva mo acʉhʉ tmaayaezoyʉ.

²⁶ mo aemo'au tmanoi motoevi, ac'ʉhʉ no tmaot'ou 'o isi tnguci to poo'usna; akameosʉ acʉhʉ maavo 'o phingi to poo'usna, maezo acʉhʉ supeohʉ 'o oho seo'eisneni ci ekʉka to isi poekotva.

²⁷ mo peihsasmome 'o lepocengi to poo'usna, aiti homo acʉhʉ maavo 'o phingi to poo'usna, isi ta'unano micu acʉhʉ pkaako 'o oho poekotva, cu epusku to poyave ho mici invonvo mcoi.

²⁸ isi teolʉi to poolo, mo tmunoi ho zozoya:

²⁹ mo eyoho'ʉ 'ola lepocengi ci cou ho poa suengi, ma'eopeophi ho m'ocnguyu to tuhcu to t'ango to poolo ho siila.

³⁰ cu e'eafi 'omo yoso. tuocosi ho yainca:

³¹ ihe yainca:

³² ihecu mi'usni tamo yoso 'emo cono emoo ho esansana 'o e'e to nooe'oca.

³³ to yofnasi, 'aitoeno tuhcusi ne mio, isi hafa to lepocengi 'omo yoso ho tonzovi 'o h'oh'o to ohe timzi; cu toehungu 'omo cono emoo ho tiou to toonono.

³⁴ isi eho'a 'o poolo ho i'o siila ho poa uhto emoosi, poa eabobonʉ. 'emo cono emoo isi acʉha nongcʉngci no kokaekaebʉ, maica ho micu acʉhʉ tmaa'uzo to hamo.

³⁵ taseona no mivahi, mo smuhnu to kengsacu 'o taicini to looma ho yainca:

³⁶ 'o lepocengi isicu mi'usni 'o poolo ho yainca:

³⁷ at'inghi, isi mi'usni to poolo 'o kengsacu ho yainca:

³⁸ 'o kengsacu isi evaha to taicini 'e e'e. ihe talʉi homo ma'hi'usnu to looma ci cou 'o poolo ho i'o siila, micu ma'sasmoyo 'o 'tohʉngʉ.

³⁹ cu uhto poo'usna ho euteozu, engocha ho yuyafo, poa mongoi ta hosa 'emo yoso.

⁴⁰ yuyafo to poo'usna 'o poolo ho siila, cu emo'usnu to emoo to litiya, mo yonto ic'o ho yupa baito 'o sinto, isi epopoucufnan'a 'o sinto micu mongoi.