sitoo 13 - buacou seiso no faeva esvʉtʉ

isi popeoskuna to seilei 'o panapa ho saulo

¹ to 'ayumona to kiokai ne 'antia, panto piyo ci eyongensa ho lema'cohio, 'ai'oeno panapa, siimen ( 'o tos'ongkasi), coukulinai ci luciu, i'omo yuahmʉhmʉskʉ 'o honte helote ci maanen, ho i'o saulo.

² nemo seolʉa no m'ohkuyu to nooe'oca ho tanzi, isi mi'usni to seilei ho yainca:

³ micu toehungu tanzi ho 'inoli, ihe hoe'oci, popeoskuna ho poa yuyafo.

yone saipulusu

⁴ 'o panapa ho saulo micu noa skuna to seilei, cu uhne siliuki, i'mi ne'e yonto 'apangʉ ho uhne saipulusu.

⁵ ne micu sʉc'ʉhʉ to salami. cu yonto makakaitoo to couyutaya ho epeaski to e'e to hamo, 'o yohane maluko mo maezo yonto ic'o ho to'to'usnu ta hioahe.

⁶ ihe saingaboa 'o hpʉhpʉngʉ to ic'o, ac'ʉhʉ to pafo, yonto ic'o ihe lʉa 'omo cihi cila yainca paiesu ci yoifo, zou couyutaya na eni, tonvonvo mainca zou eyongensa.

⁷ la na'no yupa ʉmnʉ 'o suciu poolo ci sootoku ta hpʉhpʉngʉ tan'e. 'e sootoku la na'no ma'cocoyʉ ci cou; isi eho'a 'e panapa ho saulo, te tmalʉ no e'e to hamo.

⁸ at'inghi 'e yoifo ci 'ilima isi yu'hanga ('e 'ilima zou ongko nosi ngilisia); isi 'ucia vomti 'e sootoku hoci tiou ta singkoo tan'e.

⁹ tuhcusi ne mio, 'e saulo - 'aeno 'o poolo - isi nongcʉngci no seilei, isicu teo'tʉi 'o yoifo,

¹⁰ mi'usni ho yainca:

¹¹ maitan'e te cmʉ'ho suu 'e patvovei to nooe'oca; teko bʉkngʉ, akameosʉ o'te teolʉ ta tiskova.> isi osnia ta'hongi to 'ilima mais'a mo yaa tomʉtʉ ci voecʉvcʉ to mcoosi; micu meuangacʉmʉ ho noa yaakaka to cou, e'fihneni no ceonʉ.

¹² isi aiti to sootoku 'emo esmi ci hi'hioa, micu maezo sinto; isi na'na taunona'vʉ 'emo natʉ'ca to nooe'oca ci hia mahsʉsʉftʉ.

yonto 'antia ne pisiti

¹³ i'mi ne pafo 'o poolo ho i'omo nʉthʉ ci 'oahngʉsi ho yonto 'apangʉ, sʉc'ʉhʉ to peka ne pangfuiliya; 'o yohane maluko mo ahoi ne'e ho ateno, yuovei ne 'elusalemu.

¹⁴ i'mi ne peka ho smai'cʉ'cʉnʉ ta tehe miya, esmi to 'antia ne pisiti. nemo 'ansokunici, mo yʉmeʉmʉ to kaitoo to couyutaya ho yusuhngu.

¹⁵ eepʉnga 'o hoolicu to moose ho i'o tposʉ to eyongensa, 'ola le'aʉt'ʉcʉ to kaitoo mo smuhnu to cou usa ho yainca: <'a'ahaeva, hoci pano temu 'ucia eucucufneni ci e'e tamo botngonʉ, temun'a aomotʉ'ʉ.>

¹⁶ cu yʉc'ʉ 'o poolo, ho meusvʉsvʉtʉ. cu mainca: <'e ma'o'oahngʉ ta 'isolaelu ho i'emo afu'u ma'einu to hamo ci couyafana, temun'a tmalʉ!

¹⁷ 'o hamo ta 'isolaelu ohsila epeiya 'o nia maameoito. ne moso seolʉa no nouchichipi ne 'ezivuto, ohsi poa meoino suezopʉ to hamo, titho to taso ci emucusi ho engocha mongoi ne 'ezivuto,

¹⁸ yone maepuepuhu mo tomsʉptʉha ho isi uveica

¹⁹ isi suapayo'i 'omo pitu no suezopʉ to hpʉhpʉngʉ ne kanan, faeni to 'o'okosi 'o ceoahe;

²⁰ 'emo maica ci hi'hioa moso asonʉ tose'sʉpta meemohʉ ci hie.

²¹ ataveisi, moso m'ene note cihi ci honte, micu i'mi to suezopʉ to penyaming 'o homo ho epeiya 'o oko to kisu ci saulo, ihecu p'eyac'a ho poa honte. ta taicosi mo tomsʉptʉha.

²² ataveisi ne ohsicu teongasi 'o saulo, isi i'vaha p'eyac'a to hamo 'o tavite ho poa honte. e'usna to tavite. yainca to hamo: <>

²³ i'mi to 'ayumona to mʉntʉ'casi, 'o hamo isi ieni to niala esvʉtasi ho p'eyac'a 'o cihi ci leto'usnu ta 'isolaelu, 'ai'oeno iesu.

²⁴ auyusi no ahoi yaahioa 'o iesu, moso mi'usnu ta acʉcʉhʉ ci cou'isolaelu 'o yohane ho psoecinghi to e'e, poa ma'vovei, tiou no toonono.

²⁵ ne tesicu mon'ia aepʉnga to yohane 'o isi hioa, mo mi'usnu ta cou'isolaelu ho yainca: <>

²⁶

²⁷ at'inghi, i'omo yone 'elusalemu ci cou ho i'o masoso'ehtihe o'a ihe cohivi ho zou leto'usnu ci nooe'oca, yaeza o'te ta'sansana 'o lahe engha homo 'ansokunici ci tposʉ to eyongensa. ihe topci to kuisi 'o iesu, ihe apuya miya 'o ohela eyoca to eyongensa ci e'e.

²⁸ e'vono o'a ihe elʉa na koa topci no kuisi no mcoi, mioc'o 'ahʉhʉyʉ m'eya poa opcozneni to pilato.

²⁹ ataveisi ne ihecu hioa 'o isi afu'a tposi to tposʉ to eyongensa ci mo e'u'usnu to iesu ci hi'hioa, cu epeohi to zuuzika ho soʉlʉlʉa to heuf'a.

³⁰ at'inghi, isi i'mi to mcoi ho poa smoevovei to hamo,

³¹ a'vinano tomo nanʉhtʉ ci hie, mo siho aopa'to to moso fiho i'mi ne ngalilaya ho uhne 'elusalemu ci cou. maitan'e 'emo maica ci cou mo no'ayumonʉ ta 'isolaelu hocu 'akasi to iesu.

^32-33 maitan'e. temia psoecingha muu 'e fukuin eni: ieni to smoevovei to iesu, 'e ohsila esvʉta to nia maameoito to hamo cite aepʉnga ci hi'hioa, isicu peiseafi ta mʉntʉ'casi ci a'to. aʉlʉ mais'a 'o isi yainca to toueso to sihen: zou oko'u suu; maitan'e zoucu amosu a'o.

³⁴ e'usna no isi poa i'mi no mcoi ho smoevovei, 'auesiesi o'tena mcoi ci hi'hioa, ohsila yainca to hamo. te'o faeni to tavite 'e o'u teomneni. i'o cofkoya ho peelʉi noe'oci ci mengumi te pafeni muu.

³⁵ to mon'a zocni, 'o mosola tmopsʉ to sihen yaeza yainca: o'ateko teomneni hoci toapayo'ʉ 'ola meot'ʉcʉ suu ci soskuskunu.

³⁶

³⁷ at'inghi, i'o ohsi poa i'mi to mcoi ho smoevovei ci ic'o o'amo toapayo'ʉ.

^38-39 ma'o'oahngʉ, ntemu acʉhʉ bochio, i'o e'e no peteongaso no kuisi 'ai'oeno iesu 'omo psoecinghi muu. temu cohivi, 'o hoolicu to moose o'atesi peelʉi yungvo'a no kuisi na muu; at'inghi i'omo tmaa'uzo to iesu ci cou te acʉhʉ meelʉ i'mi to kuisi ho psoevoyunga.

⁴⁰ ko'koeno, temu la bumemealʉ, cites'a esmi ta feangomu 'o nia e'e to eyongensa:

⁴¹ 'ela buhpotfʉngʉ to hamo ci cou, aiti, temu yohzʉ. te mcoi! maica i'o o'ula afu'a hioa ta 'ayumonamu ne mio, 'upena hoci pano mo mi'usnu muu ho eʉsvʉsvʉta, lamu conino o'te taa'uzva!>

⁴² nete seolʉano mongoi to kaitoo 'o poolo ho panapa, ihe toehunga eho'a ho tena i'vaho 'ansokunici ho poa esansaneni 'e hi'hioa eni.

⁴³ ataveisi ne micu aemo'ʉ. botngonʉ ci couyutaya ho i'omo bi'usnu to yutayakio ci couyafana mo to'ofeihni to poolo ho panapa, ihe cucufni tamo yoso ci sitoo la a'cʉ'cʉnʉ noe'ocʉ to mengumi to hamo.

⁴⁴ cu i'vaho 'ansokunici, mo nia'te yu'eemʉhʉ 'e cou tamo cono hosa, te tmalʉ no e'e to nooe'oca.

⁴⁵ ihe aiti to couyutaya 'e mo maica botngonʉ ci cou, mo nongcʉngcʉ ta 'tohʉngʉhe na but'u; ihe yʉhcʉvha 'o e'e to poolo, a'vinano aokoe'iya.

⁴⁶ at'inghi, 'o poolo ho panapa nama mo asuhcu e'ʉ'ʉteʉ ho yainca: <'o e'e to hamo te ahtao'te aueva psoecʉ'ha muu. at'inghi, o'a imu tiova, iachi ma'unano o'amo 'aseolʉ no mayo no 'auesiesi nsou. ko'koeno, temia mongoi muu, uhto 'ayumona to couyafana;

⁴⁷ maica ohsicu eucucufna to nooe'oca a'mi ho yainca: os'ocu esvʉta muu temu tiskova ta couyafana, temu hafa 'e to'usnu ho uhta maucuculili ta hpʉhpʉngʉ.>

⁴⁸ ne ihe talʉi ta couyafana 'e e'e eni mo acʉhʉ na'no kaebʉ, tohmomoengʉ to e'e to nooe'oca; i'o micu noa epeiya to hamo ho tiou to 'auesiesi nsou ci cou. cu acʉhʉ sinto.

⁴⁹ 'o e'e to nooe'oca isi psoengaboa to mia'usnu to ic'o.

⁵⁰ at'inghi, 'o couyutaya ihe poot'ova 'omo yaa suoca'ha to ic'o ci cou ho i'ola einva ho tmaa'uzo to hamo ci maamespingi to couyafana, ahozacu akuzkuzoa 'o poolo ho panapa, peteoyafa to hpʉhpʉngʉ to ic'o.

⁵¹ ihe topsʉpseni tomo yoso 'o yompuhu to t'angohe, engahva hocu emo'usnu ne 'ikonen.

⁵² 'o sinto to 'antia mo ngangcʉngcʉ to 'tohʉngʉhe 'o seilei ho i'o kokaekaebʉ.