sitoo 12 - buacou seiso no faeva esvʉtʉ

elʉ tomo asuhcu man'i ci akuzkuzoa 'o kiokai

¹ asonʉ tuhcusi tan'e, isi akuzkuzoa to honte helote 'omo 'enepio ci sinto to kiokai.

² isi opcoza 'o ohaeva to yohane ci yakovu.

³ isi cohivi ho ihe ʉm'ʉmnʉa to couyutaya homo maica 'e hi'hioasi, isi i'vaha tʉtpʉta 'o petelo. (ihe hioa nemo meetoasmoof'o na eni.)

⁴ ne isicu tʉtpʉta 'o petelo, isi poekotva to poo'usna, poa noʉt'ʉcneni tomo sʉptʉ no taucunu ci heetai, 'omo cono taucunu mo sʉptʉ ci heetai. isi ta'koeva no tuyafa to helote ho tac'u ataveisi no meem'esa'o, yonto tehe toehunga aiti to botngonʉ ho yʉsvʉta.

⁵ ko'koeno, ihe afnasa noyʉyʉci 'o petelo homo yonto poo'usna; at'inghi 'o maanat'ohaesa to kiokai ihe pnanfi ho mi'usnu to hamo ho 'inolineni.

yuyafo to poo'usna 'o petelo

⁶ to yofnasi no auyusi ho tesi tuyafa to helote 'o petelo ho yʉsvʉta, 'o petelo mo notaico tomo yoso ci heetai ho oengʉtʉ, isi pomʉti tomo mehaeso ci ekʉka, panton'a heetai to yafana ci mo nomʉtʉ.

⁷ akameosʉ, yaa cihi ci tensi to nooe'oca mo yac'ʉ to ic'o; yaa tiskova cimo psoe'ayumonʉ to poo'usna. isi t'oubobaki to tensi 'o ei'si to petelo ho poecʉ'va. yainca: 'o ekʉka mo osni i'mi to emucu to petelo ho supeohʉ.

⁸ yainca to tensi 'o petelo: cu maito e'esi 'o peteloho hioa. isi i'vaha yainca to tensi:

⁹ mo to'ofeihni 'o petelo ho yuyafo to poo'usna, at'inghi o'a isi cohivi 'o isi hioa to tensi zounana a'ʉmtʉ ci hi'hioa, ma'unano mo baito no mavolosi.

¹⁰ ihe yupaezuma 'omo coni ho yusno noomʉta to heetai, atavei sʉc'ʉhʉ to tec'u emo'usnu to hosa ci phingi no meemeno, mo invonvo maavo 'o phingi. micu yuyafo, emocaefi tomo mehacni ci ceonʉ; akameosʉ, micu mongoi to petelo 'o tensi.

¹¹ ne mio, cu peihsasmome 'o petelo, cu yainca:

¹² isi husansana 'emo maica ci a'a'ausna, micu emo'usnu to emoo to maliya ci ino to yohane maluko; mo 'enepio 'omo noteuyunu to ic'o ho 'inoli.

¹³ isi t'ototokʉi to petelo 'o phingi to yafana, panto cihi ci soskuskunu no mamespingi zou loota 'o ongkosi. isi talʉi hocu yuyafo.

¹⁴ isi ta'hongi ho fihngau to petelo, mo angu kaebʉ, o'aisi ta'pangnʉ'va no paavi 'o phingi, cu toevovei ho eʉsvʉta tomo botngonʉ ho yainca mo yac'ʉ ta yafana 'o petelo.

¹⁵ ihe yainca: mo ehʉhʉyʉ 'o soskuskunu no mamespingi ho yainca 'a a'ʉmtʉ. ihecu yainca:

¹⁶ ne mio, mo a'cʉ'cʉnʉ tmo'totokʉ to phingi 'o petelo. ihecu paavi 'o phingi, aiti ma a'ʉmtʉ 'o petelo, mo acʉhʉ na'no yamci.

¹⁷ moc'o meuoloʉngʉ 'o petelo, poa amiocni. cu mi'usni ho eʉsvʉsvʉta isi yainenu to nooe'oca ho isi e'eafi to poo'usna. yaeza eutotaveiya 'omo noteuyunu ho poa eʉsvʉtneni to yakovu ho ito masisinto, micu mongoi ho emo'usnu to mocmo ci hpʉhpʉngʉ.

¹⁸ ne micu tiskova, mo yu'eemo'ʉ 'o maheheetai, o'aihe cohivi na a'a'ausna to petelo.

¹⁹ isi poa i'imneni to helote, at'inghi o'aihe ho'honga na emo'a'ausna to petelo; isi tuucocosi 'o moso pocengi ci heetai, mashʉyʉ ho opcoza 'o heetai. ataveisi ta hioa tan'e, mo mongoi to yutaya 'o helote ho uhne kaisalia, aʉlʉ noomane ne'e.

mcoi 'o helote

²⁰ mo mi'usnu to yane tailo ho saitong 'o helote ho meoino ma'sʉsʉ'no, ko'ko micu epei tomo piyo ci taihio 'o yane'e ho baito to helote. ihe aueva ev'ov'ohi 'ola atuhcu aʉt'ʉcʉ to emoo to honte ci polasutu, atavei micu mi'usnu to helote ho noa eususeomʉ, maica ho la'so tata'e no i'mi to lasi aʉt'ʉca to honte ci hupa ho m'elʉ nontehe la 'oanʉ.

²¹ tola afnasa esvʉta ci hie, mo sʉ'eʉsʉ to yʉsʉno honte 'o helote ho yusuhngu to ca'hʉsi, mi'usnu to yatatiskova ho aomotʉ'ʉ.

²² mo moozoyʉ 'o yatatiskova ho mainca:

²³ isi osnia patvovei to tensi to nooe'oca 'o helote, maica ho o'aisi ta'usna to hamo na psoevohngʉ. isi poa yo'eocneni to yoi hocu mcoi.

²⁴ 'o e'e to hamo mo a'cʉ'cʉnʉ ausuhcu psoecocoyʉ ho yuayayokeo.

²⁵ ne ihecu aepʉnga to panapa ho saulo 'o ihe hioa, cu mongoi ne 'elusalemu ho yuovei; ihe engocha 'o yohane maluko ho nʉtheni.