sitoo 10 - buacou seiso no faeva esvʉtʉ

psoecʉ'hi to fukuin to petelo 'o koniliu

¹ pantomo cihi ci cou ne kaisalia, zou koniliu 'o ongkosi, zou ngungkang to heetai to looma ne 'italia.

² zou cihi cila ma'po'ʉ'ʉmtʉ ci cou; 'o conosi emoo la acʉhʉ m'ohkuyu to hamo, la asngʉcʉ to'usnu tola thi'cia ci couyutaya, a'vinano asno'zonʉ mi'usnu to hamo ho 'inoli.

³ i'nʉskʉ ataveisi no cohzona no conohie, mia'usnu no ma'hituyu 'o huomzahie, mo baito to conci mavolosi; to mavolosi isi husansana aiti 'o cihi ci soskuskunu to hamo mo yʉmeʉmʉ, eyoho'a:

⁴ mo teochʉmʉ to tensi, kuici yamci, cu yainca: yainca to tensi:

⁵ homo maica teko popeosmuhnu no cou ho uhne yoopa, eho'a 'ola yainca saimong petelo ci cou ho poa uhtan'e.

⁶ mo no'upu to emoo tola lesifkou feo'u ci saimong; 'o emoo to saimong mo noaskiti to etʉpʉ.>

⁷ ne micu mongoi 'o mo mi'usnu ho ya'ei ci tensi, isi eyoho'a to koniliu 'omo yuso ci soskuskunu ho i'ola maezo ma'po'ʉ'ʉmtʉ to hamo ci heetaisi,

⁸ eʉsvʉta 'o isi aiti ci a'a'ausna, isicu skuna ho poa uhne yoopa.

⁹ micu hucma, mo tokokoyu tec'u cum'u ne yoopa. asonʉ mia'usnu no cohzona, mo uhto sofʉ 'o petelo ho 'inoli.

¹⁰ cu sieo, ho mici bonʉ. ne mon'a seolʉa no ayocʉ note oahtua 'o conoemoo to ic'o, mo teolʉ to mo conci mavolosi 'o petelo.

¹¹ aiti mo maavo 'e engʉca, panto conci macucuma cimo tma'pueho, mais'a cono faf'ohʉ ci yʉteʉ, 'o sʉptʉ ci pengpingna to yʉteʉ isi seo'eisi ho pehtu'usna ta ceoa,

¹² to 'ayumonasi panto mayuyuansou ho mazozomʉ ta ceoa, panto maezo mayoyoi.

¹³ mo yaa fihngau isi mi'usni ho yainca:

¹⁴ at'inghi isi yainca to petelo:

¹⁵ 'o fihngau isi i'vaha yainca:

¹⁶ maicac'o acngucnguhu i'toteuhu, cu tasvoveiya ne pepe 'o macucuma ic'o.

¹⁷ mon'a seolʉa no ma'pepecvai 'o petelo, o'aisi cohivi zou cuma na e'a'ausnasi ta isi aiti ci mavolosi; ne mio, i'o isi skuna to koniliu ci cou micu ec'ʉhʉ to emoo to saimong, yac'ʉ to yafana to phingi,

¹⁸ tmunoi tuocosʉ:

¹⁹ ne isin'a 'aoka ta'to'tohʉngva to petelo na e'a'ausna ta isi aiti ci mavolosi, isi mi'usni to seilei ho yainca:

²⁰ teko yʉc'ʉ. ohpueho ho fiho tamo biebimi. 'ote ma'pepecvai. maica 'aeno a'o 'omo popeosmuhnu ho poa uhtan'e.>

²¹ micu ohpueho 'o petelo, mi'usnu to mo biebimi ci cou ho yainca: <'aeno a'o 'o imu i'ima ci cou. cuma na temus'a hioa ho mimu esmi tan'e?>

²² ihe yut'inga: <'ai'o koniliu ci taicinimia 'omo popeosmuhnu a'mi ho poa uhtan'e, la a'ʉmtʉ asno'zonʉ m'ohkuyu to hamo ci coumoʉlʉlʉ, lahe toehunga einva to couyutaya. panto mo cihi ci tensi isi pas'ofeihna, i'ima suu ho poa uhto emoosi, ko'ko tiou no mo'ma'cohiosu.>

²³ isicu e'ayumona to petelo 'emo biebimi, aʉt'ʉca ho poa miskia. cu hucma, cu smouyu'ho 'o petelo ho to'ofeihni; 'omo i'mi ne yoopa ci mo piyo ci sinto mo maezo fiho.

²⁴ micu mivahi, cu esmi ne kaisalia. ma ohsicu acʉha eho'a to koniliu 'o ma'o'oahngʉsi ho i'o maananghiasi ho poa mooteo to emoosi.

²⁵ moc'on'a boheʉemʉemʉ 'o petelo, mo yungeou 'o koniliu, m'ocnguyu to tuhcu to t'angosi ho m'ohkuyu.

²⁶ isi aupcieva ec'ʉvi to petelo, yainca:

²⁷ isi yupeahngʉneni to petelo 'o koniliu, ho yʉmeʉmʉ to emoo. isi aiti 'o 'ayumona mo botngonʉ ci cou 'omo yu'eteuyunu,

²⁸ cu mi'usni ho yainca:

²⁹ ko'koeno, ho mimu smuhnu ho eho'a a'o, o'ami'o bʉʉpsʉpsʉ hocu mimho uhtan'e. te'ocu tuocosi, ho imu eho'a a'o cuma co temu atuhca hioa?>

³⁰ yainca to koniliu:

³¹ yainca: <

³² teko popeosmuhnu no cou ho poa uhne yoopa, eho'a 'ola yainca saimong petelo ci cou ho poa uhtan'e. mo yonto emoo tola lesifkou feo'u ci saimong; 'o emoo to saimong mo yonto aaskiti to etʉpʉ.>>

³³ ko'koeno, mi'o osni smuhnu ho eho'a suu; ho miko mimho esmi, a'ʉmtʉs'a so'ʉmnʉa. maitan'e mito acʉhʉ yonta tuhcu to hamo, temia tmalʉ no ohsila eutotaveineni suu ci e'e to nooe'oca.>

aomotʉ'ʉ 'o petelo

³⁴ isi ahoza yainca to petelo:

³⁵ inamo afu'u m'ohkuyu, popeislʉlʉ ci cou, 'upena na suezopʉ no nenu, lasi acʉha ʉmnʉa.

³⁶ imu cohivi, 'o isi ieni to nooe'oca ta yatatiskova ci iesu kilisto ho psoecʉ'ha to cou'isolaelu ci e'e zou suseomʉ ci fukuin.

³⁷ ahoi ne ohsicu la epeaska to yohane 'o fukuin no toonono, i'o moso ahoi ne ngalilaya ho psoengaboa ta yutaya ci meoino hioa imucu acʉha cohivi.

³⁸ imu yaeza cohivi 'o counazalo ci iesu; 'o hamo mo mainenu na hiasi ieni to seilei ho ito meoino tonʉ ho hoyuha to feangosi, poa smaingabo ta mauhpʉhpʉngʉ, peihcocoyʉ to ʉmnʉ ci hi'hioa, aotothoma 'o isi atʉkca no 'akuma ci cou. 'amoeno maica ho isi no'upi to hamo.

³⁹ 'aeno a'mi 'e mimza 'akasi ta ohsila hi'hioa ne moso yone 'elusalemu ho ito mocmo ci hpʉhpʉngʉ to couyutaya. ihe spica to zuuzika 'o iesu.

⁴⁰ at'inghi. ne micu miteuhi, isi poa smoevovei to hamo, a'vinano aopa'to ta cou;

⁴¹ o'amos'a aopa'to tamo botngonʉ, moc'o aopa'to a'mi ci isi epeiya to hamo ho poa 'akasi ci cou. to ataveisi ne mohcu i'mi to mcoi ho smoevovei, omzan'a toehungneni eabobonʉ.

⁴² isi pashʉya a'mi ho epeaska ta yatatiskova 'e fukuin, soomei ho zou isi p'eyac'a to hamo, poa yʉsvʉtʉ tamo yaansou ho mcoi ci cou.

⁴³ acʉcʉhʉ 'o eyongensa ihe yaeza 'akasineni; mo acʉhʉ mainca, namo afu'u tmaa'uzo, te peelʉi ieni to ongkosi ho peteongasa na kuisisi.>

tiou to seilei 'o couyafana

⁴⁴ ne mon'a seolʉano eʉsvʉsvʉtʉ 'o petelo, isi acʉha ohpuehi to seilei 'o feango tomo afu'u tiou to e'e ci cou.

⁴⁵ i'o mo i'mi ne yoopa ho to'ofeihni to petelo ci sinto to yutaya, aiti ho isi yaeza fii no mengumi to seilei to hamo 'e couyafana, acʉhʉ na'no yamci;

⁴⁶ maica ho ihe talʉi 'emo maica ci cou mo epiepiya, a'vinano tohmomoengʉ ho emamau'no'na'o to hamo. isicu yainca to petelo:

⁴⁷ <'emo maica ci cou micu tiou to seilei, ho totiski a'to, siya nate meelʉ motano hin'i hoci tiou no toonono no chumu?>

⁴⁸ i'mi tan'e, isicu eucucufni to petelo ho boemi to ongko to iesu kilisto ho tiou to toonono. mion'a m'eya poa mipiyohi no'upu 'o petelo.