ngalatea 3 - buacou seiso no faeva esvʉtʉ

hoolicu hocieno singkoo

¹ nongonongo ci coungalatea, siya namo i'vaho maspepecvai muu? 'o hi'hioa ho isi spica to zuuzika 'o iesu kilisto, ta tuhcu ta mcoomu o'a mos'aeno yaa husansana ci ongko?

² te makoc'o coni ci hi'hioa na temu eʉsvʉta a'o: homimu tiou no piepiya to hamo nenusi no mimu noe'ocʉ to hoolicu, hocieno o'te ieni no tmaa'uzo to fukuin?

³ mainci mimus'a maica ci hia nongonongo? no ahoisi mimu i'mi no tiou to piepiya to hamo, maitan'e temun'asi mici noe'ocʉ no iachimu tonʉ ho aepʉnga?

⁴ na ohmucula afu'a mia ne auyusi mioeno 'afeungu? o'amo ahtu maica!

⁵ isi pafi no seilei to hamo na muu, a'vinano yonta taicomu ho hioa 'emo man'i ci po'e, mio maica ho mimu mee'ofeihni to hoolicu, hocieno o'te maica ho mimu tmaa'uzo to fukuin?

⁶ aʉlʉ mais'a 'o isi engha to seiso ne isi yainca to 'avulahamu:

⁷ ko'koeno, temu cohivi. namo yaa tmaa'uzo ci cou zou cu a'ʉmtʉ mʉntʉ'ca to 'avulahamu.

⁸ isi so'euyoca ta seiso, 'o hamo tesi poa i'mi no tmaa'uzo 'o couyafana ho poa yaa toseolʉ ci natʉ'ca, ko'koeno ohsicula noana'va psoecʉ'ha to 'avulahamu 'e fukuin eni, yainca: <'e yatatiskova te acʉhʉ i'mi suu ho noa pafi no ʉm'ʉmnʉ to hamo!>

⁹ mo tmaa'uzo 'o 'avulahamu, cu i'mizi no ʉm'ʉmnʉ; maicac'o, namo afu'u tmaa'uzo ci cou te maezo totiski ho tma'upu no ʉm'ʉmnʉ.

¹⁰ i'ola biftongʉ no fiho to hoolicu ci cou mo acʉhʉ yaansou no skufu no patkuzoi. maica ho isi yainca to seiso:

¹¹ tec'u aiti uk'a cite meelʉ biftongʉ no mee'ofeihni to hoolicu ho yaa toseolʉ ci natʉ'ca to hamo; maica ho isi yainca to seiso:

¹² at'inghi, 'o hoolicu o'aisi ieni no tmaa'uzo, mamo mais'a to isi engha to seiso:

¹³ 'o kilisto isicu nomzi a'to ho ngoevi 'e patkuzoi. ieni tan'e ho to'usni a'to ho poa mongoi no patkuzoi to hoolicu; maica isi yainca to seiso:

¹⁴ na atuhcusi ho isi yaica to kilisto. tesi poa i'mi to kilisto iesu 'o couyafana ho elʉ no ohsila teomneni to 'avulahamu to hamo ci ʉm'ʉmnʉ; maicac'o, teto meelʉ i'mi no tmaa'uzo ho tiou no ohsila teomneni to hamo ci seilei.

hoolicu ho i'o teomneni

¹⁵ maanat'ohaesa, teto i'mi ta lato huhucmasa h'oyunsova ho ecni no epo'usa: 'e mo yoso honci yupa tohmʉskʉ nomo coni ci hi'hioa, a'vinano tmopsʉ no tposno esvʉtʉ. o'ate peelʉi aha'va tapuhngi hocieno aovoha.

¹⁶ totiski, 'o hamo ohsicu mi'usni 'o 'avulahamu ho i'o mʉntʉ'casi ho p'eyac'a na ohsila teomneni. 'o seiso o'aisi titha na , ho mas'usnu nomo botngonʉ, mamoc'o titho to , moc'o mas'usnu tamo cihi, 'ai'oeno kilisto.

¹⁷ na 'to'tohʉngʉ'u: mo m'eac'ʉ ta esvʉta 'o hamo, a'vinano teomneni noyʉyʉci 'e esvʉta eni. i'o moso yuyafo ne mohcu tose'sʉpta mtuehu ci hoolicu, o'atesi peelʉi aon'oza 'e esvʉta eni. ho aapayo'a na ohsi teomneni to hamo.

¹⁸ hoci isi ieni no hoolicu ho pafi no ezoezoyʉ to hamo, o'anate noe'ocʉ no ohsi teomneni; at'inghi, 'o hamo ho isi pafi no ezoezoyʉ 'o 'avulahamu mo noe'ocʉ no ohsi teomneni.

¹⁹ homo maica, cuma na atuhcusi ta hoolicu? 'o hoolicu isi p'eyac'a ho akoeva no poa cohivneni zou cuma na peis'epo, ac'ʉhʉ ne mohcu cmʉ'ho 'o isi teomneni to 'avulahamu ho faeni ci mʉntʉ'ca micu aepʉngʉ. 'e hoolicu mo i'mi to tensi ho ieni tomo notaico ci cou ho epeaska.

²⁰ at'inghi, hocic'o noleongʉ ci hi'hioa, o'ate 'ahʉyʉ yaa notaico ci cou, 'o hamo ma moc'o i'leongʉ.

na isi mituhci to hoolicu

²¹ ho isi yaica ci engha, mionana yupa mʉcʉvho 'e hoolicu ho i'o isi teomneni to hamo? o'amo ahtu maica! hocisi peelʉi fii no nsou ta isi epeaska ci hoolicu 'e cou, 'e cou ntec'u meelʉ noe'ocʉ to hoolicu ho yaa toseolʉ ci natʉ'ca 'o hamo.

²² at'inghi, isi yainca to seiso, acʉcʉhʉ 'e yatatiskova isi ta'ayumona no tonʉ no kuisi, akoeva no ieni no tmaa'uzo to iesu kilisto ho i'tohungvi tiou no ohsila teomneni to hamo; 'e teomneni eni isi pafeni tamo afu'u tmaa'uzo ci cou.

²³ at'inghi, auyusi ho o'amocu mo cmʉ'ho na hiesi no , isin'a noʉt'ʉci to hoolicu a'to, mais'a 'ola pocengi to isi poekotva, ac'ʉhʉ ho tac'u hupopayoi 'o .

²⁴ maicac'o, 'e hoolicu zoucu le'aʉt'ʉcʉ a'to, engocha a'to ho e'usna to kilisto, na isi mituhci tesi poa i'mi no na a'to ho poa yaa toseolʉ ci natʉ'ca 'o hamo.

²⁵ ho zoucueno hiesi no maitan'e, 'anatesi 'aoka aʉt'ʉcʉ to hoolicu a'to.

²⁶ mimu acʉhʉ i'mi to hocu tmucni 'o kilisto iesu, meelʉcu tma'oko to hamo.

²⁷ ho mimu tiou no toonono ho tmucni 'o kilisto, aʉlʉ mais'a isi paceofa 'o kilisto, panocu nsousi.

²⁸ o'anate avahvoh'una na couyutaya ho couyafana, hocieno tolei ho ziu, hahocngʉ ho mamespingi, to 'ayumona to nsou to kilisto iesu, mimucu acʉhʉ cono feango,

²⁹ hoci mimu tma'usnu to kilisto, 'acueno mʉntʉ'ca to 'avulahamu, temucu tiuska na ohsila faeni to 'avulahamu to hamo ci teomneni.