mokusi 3 - buacou seiso no faeva esvʉtʉ

faeni to saati kiokai ci tengami

¹

² ko'koeno, teko peihsasmome, amamahtʉica 'on'a ake'isu koa yaa nsou; maica ho os'o honga 'o osko hioa, o'amocumo a'sʉftonʉ ho isi aiti to hamo.

³ ko'koeno, tekola talʉa 'o ohsula talʉi, ho tiova ci h'omahsʉfta, la asansana noyʉyʉci, la ma'vovei. hociko o'te peihsasmome, te'o mais'a thokeainʉ ho aemo'au esmi, o'ateko ahta cohivi na hiesi no te'o hia cmʉ'ho.

⁴ at'inghi, ne saati, mion'a piyo 'omo apaezumo acocofkoya 'o yʉsʉhe; 'emo maica ci cou te 'aseolʉ hote sʉ'eʉsʉ tomo fʉecʉ'za ci yʉsʉ ho to'upu a'o.

⁵ inamo atpʉtʉ ci cou te maezo totiski sʉ'eʉsʉ tomo fʉecʉ'za ci yʉsʉ; o'ate'o ahta saapayo'a to tposno nsou 'o ongkosi. yonto tuhcu to amo'u ho ito tensi, te'o apa'ta esansana mo tma'usnu a'o.

⁶ <<'o isi mi'usneni to makikiokai to seilei ho engha ci e'e, namo yaa koyua acʉhʉ'so tmalʉ!>> >

faeni to fuilatefui kiokai ci tengami

⁷

⁸ os'o cohivi 'o osko hioa; os'o cohivi suu mikoc'o ake'i yaa tonʉa, at'inghi osko noʉt'ʉci 'o e'e'u, maezo meot'ʉcʉ a'o. ta tuhcusu os'ocu paavneni tamo conci phingi, uk'a cite meelʉ emʉtʉ ci cou.

⁹ aiti, i'o 'oahngʉ to satan, 'ola iachi mainca zou couyutaya ho o'a a'ʉmtʉ couyutaya ci totpiei, te'o poa cmʉ'hoa, yonta tuhcu ta t'angosu ho m'ohkuyu, poa cohivneni ho la'u ngohia suu.

¹⁰ maica oskocu fihi 'o mashʉyʉ'u, apaezumo buveici, ko'koeno ho tena cmʉ'ho ta hpʉhpʉngʉ, tiou no hʉsvʉta 'e yatatiskova, te'o noʉt'ʉci suu.

¹¹ tena'ucu cmʉ'ho. teko noyʉyʉci na acʉcʉhʉsu, teav'a poa ti'eingneni no cou na tafange no atpʉtʉ.

¹² inamo atpʉtʉ ci cou, te'o poa sʉesʉ ta taico ta seiten to hamo; 'auesiesi o'anate ahtu mongoi. te'o peo'hongi ta feangosi na ongko no'u hamo ho i'o ongko to hosa'u to amo'u, 'ai'o tenaeno i'mi a'o ho ohpueho ci faeva ci 'elusalemu; te'o yaeza peo'hongi ta feangosi 'e faeva ci ongko'u.

¹³ <<'o isi mi'usneni to makikiokai to seilei ci e'e, namo yaa koyua, acʉhʉ'so tmalʉ!>> >

faeni to lauticia kiokai ci tengami

¹⁴ ci ic'o, 'ai'oeno 'ola meot'ʉcʉ peelʉi noe'oci ci le'akasi, i'o isi i'mizi no koa mooyai ta hpʉhpʉngʉ, isi yainca:

¹⁵ os'o co'cohivi 'o osko hioa; os'o cohivi o'alako coheʉceʉ o'alakoeno cuveu. os'o apuya ʉmnʉa hociko coheʉceʉ hocieno cuveu!

¹⁶ maica ho mikoc'o mais'a noyano ci chumu, o'amoeno coheʉceʉ o'amoeno cuveu, te'o i'mi ta ngayo'u ho teafneni suu!

¹⁷ osko yainca: mi'o at'otngaso, o'ala'u aviovio. at'inghi, o'aiko iachia cohivi lea mainenu nala hia a'ʉmta hucocoveoza! miko thi'cia, bʉkngʉ, maezo yuamaesih'i.

¹⁸ ko'koeno, te'o poucufna suu mi'usnu a'o ho mhino tomo so'ʉmnʉa ci king. poa a'ʉmtʉ atngaso suu; maezo mhino tomo fʉecʉ'za ci yʉsʉ ho paceofa, teeno tomʉti si h'oinveni cimo yuamaesih'i ci feangosu; maezo mhia s'os'o mcoo ho sieseni ta mcoosu, tekoeno meelʉ smo'eusansano.

¹⁹ mi'usnu ta os'o ngohia ci cou, la'u acʉha kokoica. ko'koeno, tekola ma'cucuveu, la ma'vovei.

²⁰ talʉi, mi'o yac'ʉ ta yafana ta phingi ho tmo'totokʉ; hoci panomo tmalʉ ta fihngau'u ci cou ho maavo ta phingi, te'o toehungneni bonʉ. tesi yaeza toehungneni bonʉ a'o.

²¹ inacu mo atpʉtʉ ci cou, te'o pafi no afnaso ci tonʉ, poa su'upu to suoca'ha'u, aʉlʉ mais'a ne mo'ucu atpʉtʉ, mi'ocu totiski su'upu to suoca'ha to amo'u maitan'e.

²² <<'o isi mi'usneni to makikiokai to seilei ci e'e, namo yaa koyua, acʉhʉ'so tmalʉ!>> >