mokusi 22 - buacou seiso no faeva esvʉtʉ

¹ isi i'vaha poa aitneni a'o to tensi 'omo mehacni ci va'hʉ no chumu no nsou, 'o psoevohngʉsi mo mais'a ngalasu, mo i'mi to suoca'ha to hamo ho okomoatʉ'nʉ ho moheafo,

² mo yupaezumo to pae'ohsa to taico to hosa. 'o aavai to va'hʉ panto evi no nsou, la i'maskʉ ueso beahci homo conotonsoha, la i'nʉskʉ beahci homo cono feohʉ; 'o ehʉngʉ ta evi la meelʉ aotothomʉ ta mauhpʉhpʉngʉ.

³ ta 'ayumona ta hosa uk'anaci isi patkuzoi to hamo ci hi'hioa. 'o suoca'ha to hamo ho ito okomoatʉ'nʉ te yonta 'ayumona ta hosa tan'e; tehe p'ohkui ta soskuskunusi.

⁴ tehe usa ho aiti 'o hamo, i'o ongkosi te tposi to sapcihe.

⁵ 'o ne'e o'anate ivaho yaa feʉngna; o'ate nama sotiskou no hie ho lampu, maica zou tiskovahe 'o nooe'oca hamo. te honte ho aʉt'ʉcʉ, ac'ʉhʉ no 'auesiesi.

cmʉ'ho 'o iesu

⁶ isi mi'usni to tensi a'o ho yainca: <'e maee'e eni zou mou'ʉmtʉ ho peelʉi tae'oci. i'o moso mofi to seilei to eyongensa ci nooe'oca hamo mo popeosmuhnu to soskuskunu, eʉsvʉta ta masososkuskunusi 'o tena asansano yuyafo ci hi'hioa tamoc'o nanʉhtʉ ci hie.>

⁷ yainca to iesu:

⁸ na a'o - yohane os'o talʉi a'vinano aiti 'e acʉcʉhʉ ci hi'hioa. ataveisi ne os'ocu talʉi ho aiti, m'ocnguyu ta ceoa te'o m'ohkuyu tomo eʉsvʉtʉ a'o ta hi'hioa tan'e ci tensi.

⁹ at'inghi isi mi'usni a'o ho yainca: <'otes'a maica! na a'o ho suu, ho i'o 'oahngʉsu. 'ai'oeno 'o eyongensa ho i'ola afu'u meot'ʉcʉ ta e'e ta tposʉ tan'e, zouc'o acʉhʉ soskuskunu, nteko m'ohkuyu to hamo!>

¹⁰ isi i'vaha mi'usni a'o ho yainca:

¹¹ i'ola kokuzo te a'cʉ'cʉnʉ peiskuzkuzo; i'ola ca'i te a'cʉ'cʉnʉ ca'i. i'ola popeislʉlʉ te a'cʉ'cʉnʉ peislʉlʉ; i'ola cofkoya te a'cʉ'cʉnʉ cofkoya.>

¹² yainca to iesu:

¹³ zou 'alafa ho 'omeka a'o, zou peishoi ho peihtavei, zou ahoi ho atavei.>

¹⁴ inala toʉlʉi na yʉsʉsi ci cou te a'ʉmtʉ ʉm'ʉmnʉ! te meelʉ bonʉ to beahci to evi no nsou, a'vinano te meelʉ emomzo to phingi to hosa ho yʉmeʉmʉ to 'ayumonasi.

¹⁵ at'inghi i'omo mais'a av'u, peiseoyoifo, smoc'ou, opcoi, m'ohkuyu to uacoua, lolekoknuyu, me'ʉ'ʉmnʉ ci cou, te acʉha poyafa ta hosa.

¹⁶

¹⁷ 'o seilei ho mamespingi mo mainca: namo afu'u tmalʉ ci cou nte maezo yut'ingi mainca: uhtan'ecu, acʉhʉ uhtan'e namo mecu ci cou; nate smoekaebʉ ci cou te tamaha'o ta chumu no nsou.

eepʉngʉ

¹⁸ na a'o - yohane te'o bumemeala etngoeva 'omo afu'u tmalʉ ta isi eyoca ta tposʉ tan'e ci cou: hoci panonte tmapuhngu no cuma ta e'e tan'e, 'o hamo tesi topceni ta cou tan'e 'o isi afu'a tposi ta tposʉ tan'e ci meakvo'ʉ;

¹⁹ hoci pano cou cinte i'mi ta isi eyoca ta tposʉ tan'e ho smaapayo'ʉ no cuma, tesi saapayo'a to hamo na ongkosi, poa o'te meelʉ tma'upu ta isi afu'a tposi ta tposʉ ci ʉm'ʉmnʉsi to evi no nsou ho cofkoyahosa.

²⁰ isi yainca tomo 'akasi ta tposʉ ci ic'o: <'aeno a'ʉmtʉ, te'ocu mon'i cmʉ'ho!> 'aamen. nooe'oca iesu, nahocu'so cmʉ'ho!

²¹ fii'sio no mengumi to nooe'oca iesu na muu acʉcʉhʉ!