mokusi 21 - buacou seiso no faeva esvʉtʉ

faeva ci engʉca faeva ci ceoa

¹ acnguhu, os'o aiti 'o faeva ci engʉca faeva ci ceoa. i'o nia auyusi engʉca ho ceoa o'anaisi aiti, maezo aapayo'ʉ 'o nia etʉpʉ.

² os'o i'vaha aiti 'o cofkoyahosa, 'aeno faeva ci 'elusalemu, i'mi to hamo ho ohmi ta pepe ho ohpueho, mais'a 'o micu ae'aepʉngʉ tmaangeai ci mamespingi te yungeou to vcongʉsi.

³ os'o talʉi 'omo i'mi to suoca'ha ci meoino fihngau, yainca: <'o emoo to hamo micu no'upu ta yatatiskova! tesi noteuyuneni 'e cou, 'e cou tesi 'o'oko to hamo. tesi aʉla iachia no'upi to hamo 'e cou, tehe hamo ta cou.

⁴ tesi paipeapi 'e afu'u esʉʉhe; 'anate i'vaho yaa mcoia, maezo uk'ana nac'o, mongsi, hocieno 'atutumzo. na nia hi'hioa ne noana'o micu acʉhʉ sucaefi.>

⁵ tuhcusi tan'e, isi yainca to mo yusuhngu to suoca'ha: isi i'vaha yainca:

⁶ isi i'vaha mi'usni a'o ho yainca:

⁷ nate atpʉtʉ ci cou te meelʉ tiou tamo ma'maica, 'aeno: tesi hamo a'o; te'o oko na taini.

⁸ at'inghi i'ola t'oe'ʉya, tmaakoknuyu, tokuzo, opcoi, smoc'ou, buoyoifo, m'ohkuyu to uacoua, ho i'ola afu'u lolekoknuyu ci cou, panto puzu ho i'o yunzou ci etʉpʉ no liukoo isi totea 'emo maica ci cou; 'aeno ic'o 'ote tupusku mcoi.>

faeva ci 'elusalemu

⁹ 'omo mʉpʉtʉ to pitu ci takubingi, ho songcʉngci tomo pitu ci atavei meakvo'ʉ ci tensi, mo cihi 'omo emo'usnu a'o ho yainca:

¹⁰ isi poʉt'ʉca to seilei a'o; isi hafa to tensi na a'o ho bohsifou to bukeu to pepe ci hcuyu, poa aitneni a'o 'omo i'hoi to hamo, i'mi ta pepe ho ohpueho ci cofkoyahosa 'elusalemu.

¹¹ 'o hosa ic'o isi nongcʉngci to psoevohngʉ to hamo, mais'a psoetiskou no hooseki ho mais'a maesih'i ho cingkoya ci ngalasu,

¹² panto bankake ci tonghifa, to tonghifa panto maskʉ ueso ci phingi, ihe nomʉti to mo maskʉ ueso ci tensi, 'o phingi isi tposi to ongko to maskʉ ueso ci suezopʉ to 'isolaelu.

¹³ to macoconi ci mi'ausna mo tuyu 'o phingisi: mo tuyu to esmomhana, tuyu to meoveana, tuyu to oi'ana, tuyu to omiana.

¹⁴ 'o tonghifa ta hosa isi p'eyac'a tomo maskʉ ueso ci totnguca, 'o totnguca isi tposi to ongko to maskʉ ueso ci sitoo to okomoatʉ'nʉ.

¹⁵ 'omo mi'usnu a'o ho ya'ei ci tensi mo mʉpʉtʉ to mehacni cimo king ci svʉta. tesi svʉti 'o hosa ho phingi to hosa ho i'o tonghifasi.

¹⁶ 'o akuyungu to hosa, mo totiski 'o hia tacvoh'i ho faf'ohʉ; isi yomza to svʉta to tensi ho svʉti 'o hosa: tateuyuna mo posipopsohʉ se'sʉpta kilo, 'o tacvoh'i, faf'ohʉ, bankake mo totiski.

¹⁷ 'o tensi isi ieni ta svʉta to cou ho svʉti 'o tonghifa to hosa, 'o bankakesi mo monmʉhʉ meeta.

¹⁸ 'o tonghifa to hosa isi yomza to cingkoya fatu ho teyai, i'o hosa isi titheni to isi so'eusoya mais'a ngalasu ci king ho teyai.

¹⁹ 'o totnguca to tonghifa isi titheni to mav'ov'o ci hooseki ho hoehongsi: 'omo coni to totnguca zou cingkoya fatu, 'omo yuso zou enghova ci hooseki, 'omo tuyu zou maanao, 'omo sʉptʉ zou foechoe.

²⁰ 'omo eimo zou meefʉhngoya ci maanao, 'omo nomʉ zou fʉhngoya ci hooseki, 'omo pitu zou fatu 'olivu, 'omo voyu zou fatu no enghova, 'omo sio zou hof'oya ngioku, 'omo maskʉ zou fatu enghova, 'omo maskʉ ucni zou fatu enghova, 'omo maskʉ ueso zou ngalasu no enghova.

²¹ 'omo maskʉ ueso ci phingi zou maskʉ ueso ci sinzu, 'omo macoconi ci phingi isi titheni to coni ci sinzu ho teyai. 'o ceonʉ to 'ayumona to hosa zou king, mais'a ngalasu ho so'eusoya.

²² o'aos'o aiti hoci pano seiten ta hosa, maica 'aeno seiten ta hosa tan'e 'o nooe'oca - sotonʉa ci hamo ho i'o okomoatʉ'nʉ.

²³ 'e hosa eni o'a nama yaa tiskova no hie ho feohʉ; maica isi psoetiskovi to psoevohngʉ to hamo, 'o okomoatʉ'nʉ 'aeno lampu ta hosa tan'e.

²⁴ 'e mauhpʉhpʉngʉ ta ceoa te acʉhʉ noe'ocʉ ta tiskova tan'e ho coeconʉ; 'o honte ta ceoa tehe acʉha hafa uhta hosa tan'e na psoevohngʉhe.

²⁵ te conohie maavo 'e phingi ta hosa, 'auesiesi o'ate emʉtʉ. maica uk'a ci feʉngna ne'e.

²⁶ 'o psoevohngʉ no se'einva ta mauhpʉhpʉngʉ tehe acʉha hafa uhta hosa tan'e.

²⁷ at'inghi, 'o o'amo cofkoya, kokuzo 'o peipeis'ausna ho i'ola lolekoknuyu, acʉhʉ o'ate meelʉ yʉmeʉmʉ; i'oc'o isi tposi to tposʉ no nsou to okomoatʉ'nʉ nate meelʉ yʉmeʉmʉ.