mokusi 2 - buacou seiso no faeva esvʉtʉ

faeni to 'epeso kiokai ci tengami

¹

² os'o cohivi 'e osko hioa; la mainenu na hiasu ngoseo yaahioai, mainenu na hiasu buveici, os'o yaeza cohivi o'a lako peaezoni 'omo kuici cou. ohsula hʉsvʉta i'ola iachi mainca zou sitoo ho o'a a'ʉmtʉ sitoo ci cou, honga ho mio meknuyu.

³ miko yaa luaveica ci 'tohʉngʉ, mosula nomio a'o ho sucaefi to 'atutumzo. ho o'te peteozu.

⁴ at'inghi, panto mo coni ci te'o koa koica suu: 'aeno oskocu payo'a 'o nia ahoisu himngonghi a'o.

⁵ teko ta'to'tohʉngva, mikocu tma'cʉ'ho nenu ho miko supeohʉ! teko ma'vovei, peisvovei 'o nia yaa himngonghi ci peipeis'ausna to ahoisi. hociko o'te ma'vovei, te'o cmʉ'ho, yaa si isi anana'va tnguci ta totnguca lampusu.

⁶ at'inghi, miko yaa conci ʉmnʉsi: 'aeno lako totiski a'o ho sosʉ'nova 'o lahe hi'hioa to cono taucunu to nikola.

⁷ <<'o isi mi'usneni to makikiokai to seilei ci e'e, namo yaa koyua, la acʉhʉ tmalʉ! <> >

faeni to sumeina kiokai ci tengami

⁸

⁹ os'o cohivi na 'atutumzo ho ina thi'ciasu; at'inghi na a'ʉmtʉsi ma miko atngaso! os'o cohivi ihe ekuzkuzoa tola mainca couyutaya; a'ʉmtʉsi o'as'a a'ʉmtʉ couyutaya. ma 'oahngʉ to satan!

¹⁰ teav'a smoyoa 'o teko esmiza ci 'atutumzo. aiti, tesi hʉsvʉta to 'akuma na muu, tesi to'ayumoneni to poo'usna 'omo piyo ta 'ayumonamu; te mimaski ho temu tiou no 'atutumzo. teko ac'ʉhʉ no mcoi ho meot'ʉcʉ. te'oeno pafi no tafange no nsou.

¹¹ <<'o isi mi'usneni to makikiokai to seilei ci e'e, namo yaa koyua, la acʉhʉ'so tmalʉ! <> >

faeni to peciamo kiokai ci tengami

¹²

¹³ os'o cohivi 'o lako yoni 'aeno 'o lasi yoni bihonte to satan. leako meot'ʉt'ʉcʉ a'o, ac'ʉhʉ ne ohsi opcoza to hupa to satan 'omo meot'ʉcʉ ho 'akasi a'o ci 'antipa, yaeza o'aosko teongasi na singkoosu no mi'usnu a'o.

¹⁴ at'inghi. mo piyo ci hi'hioa te'o koica suu. to 'ayumonamu pantomo fiho to h'omahsʉfta to paalan. 'e paalan eni ohsi eepecvaza 'o palo. euskunu to cou'isolaelu ho poa peiskuisi. bonʉ to oho titha meesi to uacoua ci 'oanʉ. maezo peismi tomo smoc'ou ci peipeis'ausna.

¹⁵ totiski, to 'ayumonamu pantomo to'ofeihni to h'omahsʉfta tomo ma'hi'usnu to nikola.

¹⁶ ko'koeno, teko ma'vovei, hoci o'te ma'vovei, te'o osni cmʉ'ho, boemi ta poyave ta ngayo'u ho 'a'usni 'emo maicaci cou.

¹⁷ <<'o isi mi'usneni to makikiokai to seilei ci e'e, namo yaa koyua, la acʉhʉ'so tmalʉ! <> >

faeni to tuiyatuila kiokai ci tengami

¹⁸

¹⁹ os'o cohivi 'o osko hioa. os'o cohivi 'o himngonghisu, singkoo, fifiho, ho luaveica. os'o cohivi 'o osko hioa maitan'e mo man'ihe ne auyusi.

²⁰ at'inghi, mo coni ci hi'hioa te'o koica suu: osko peteozva 'o iesipi cila iachi mainca eyongensa ci mamespingi. isi euskuna ho engocha smoc'ou 'o soskuskunu'u, bonʉ to oho titha meesi to uacoua ci 'oanʉ.

²¹ o'ula aomanza fii no hie, ho 'ucia poa ma'vovei, at'inghi o'amo mimho mongoi no ceoceona no smoc'ou.

²² aiti, te'o poa tma'congo ho achʉmʉ yonto to hoposi; i'o mosola yupa smoc'ou ci cou, hoci o'te ma'vovei hoc'on'a yupa smoc'ou 'o mamespingi, te'o poa totiski to mamespingi na tahe elʉa ci 'atutumzo.

²³ te'o yaeza 'a'usni 'ola to'ofeihni ci cou, 'e makikiokai tehecueno peelʉi cohivi, la'u so'eusoya 'o 'tohʉngʉ ho koyu ta cou. te'o ieni to ohmula hioa ta macicihi ho patvovei muu.

²⁴ <

²⁵ at'inghi, temula noyʉyʉci na panocu, ac'ʉhʉ ho ta'ucu cmʉ'ho.

^26-28 i'ocu 'omo atpʉtʉ, ho meelʉ ac'ʉhʉ no ataveisi ho meot'ʉcʉ ta h'omahsʉftʉ'u ci cou, te'o pafi no tonʉ, totiski to isi faeni a'o to amo'u; te'o fii no tonʉ ho aʉt'ʉca 'e mauhpʉhpʉngʉ, boemi no s'ofʉ no meemeno ho aʉt'ʉca, mais'a tmo'zo'zo'o no kavo'oe ho t'oz'oz'i. te'o yaeza pafeni tamo atpʉtʉ ci cou 'o tiskova ci congeoha no taseona.

²⁹ <<'o isi mi'usneni to makikiokai to seilei ci e'e, namo yaa koyua, acʉhʉ'so tmalʉ!>> >