mokusi 19 - buacou seiso no faeva esvʉtʉ

¹ ataveisi tan'e, os'o talʉi 'o meoino fihngau, mais'a panomo yone pepe cimo botngonʉ ho moozoyʉ:

² 'o yʉsvʉtʉsi mo mou'ʉmtʉ ho moulʉlʉ! maica ho isi yʉsvʉta 'omo boemi to mseezo ho poa kuzo 'e hpʉhpʉngʉ ci somseezo ci mamespingi, patvovei 'o kuisi no opcoza 'o soskuskunu to hamo.>

³ mo i'vaho i'nʉskʉ moozoyʉ:

⁴ 'omo mpusku uspotʉ ci coolo ho i'o sʉptʉ ci yuansou micu m'ocnguyu m'ohkuyu tomo yusuhngu to suoca'ha ci hamo, mainca: <'aamen! haleluya!>

'atatotovcongʉ to okomoatʉ'nʉ

⁵ acnguhu, panto fihngau cimo i'mi to suoca'ha, yainca:

⁶ os'o i'vaha talʉi 'o mais'a fihngau no botngonʉ ci cou, mais'a mʉmʉ no suyoi ho ak'engʉca, mainca:

⁷ teto moozoyʉ kokaekaebʉ. tohmoengʉi 'o taunona'vʉsi! maica micu esmi 'o hiesi no mevcongʉ 'o okomoatʉ'nʉ; 'o tesi vcongʉ micu aepʉngʉ ae'ayocʉ.

⁸ 'o hamo isicu fii tomo fʉecʉ'ia ho cingkoya ci yʉsʉ no ngei.> ('e yʉsʉ no ngei isi pas'usna no popeislʉlʉ to 'o'oko to hamo.)

⁹ isicu mi'usni to tensi a'o ho yainca: i'vaha yainca to tensi:

¹⁰ mi'o m'ocnguyu to tuhcu to t'angosi, te'o p'ohkui, at'inghi isi mi'usni a'o ho yainca: <'otes'a maica! na suu ho a'o, ho i'o mocmo ci sinto, acʉcʉhʉ 'emo afu'u noʉt'ʉcʉ to isi paavneni to iesu ci so'emio, zouc'o acʉhʉ totiski soskuskunu. 'anteko m'ohkuyu to hamo!> maica 'o isi paavneni to iesu ci so'emio 'aeno maezo i'o mosola tmaot'ou to mayoyongensa ci so'emio.

'omo smopayo to fʉecʉ'ia ci 'uma

¹¹ atavei, os'o aiti 'e pepe mo maavo. aiti, panto conci fʉecʉ'ia ci 'uma, i'omo smopayo to 'uma la yainca ho ; la i'tohungu to moulʉlʉ ho yʉsvʉtʉ ho ehtothomʉ.

¹² 'o mcoosi mo mais'a yafeu, mo iceopngu tomo man'i ci tafange. 'o feangosi isi tposi tomo conci ongko, at'inghi tapeoha na iachisi uk'a cimo bochio no e'a'ausnasi.

¹³ 'o isi paceofa ci yʉsʉ mo aucunu hmuyu. 'o ongkosi isi yainca .

¹⁴ 'o heetai ne pepe mo smopayo to fʉecʉ'ia ci 'uma, maceofʉ to fʉecʉ'ia ci yʉsʉ, ho to'ofeihni.

¹⁵ isi psoyafa to ngayosi 'o feofeo ci poyave; tesi yomza ta poyave tan'e ho atpʉta 'e mauhpʉhpʉngʉ. tesi yomza to s'ofʉ no meemeno ho aʉt'ʉca, a'vinano yonto mo atvohʉ to sʉ'no to sotonʉa hamo ci 'oyona smaspʉcʉ emi ho tmaispʉcʉ to sume ci emi.

¹⁶ to yʉsʉ no tacvoh'i ho ito mabʉyasi isi tposi to ci ongko.

¹⁷ mi'o i'vaho teolʉ tomo cihi ci tensi mo yac'ʉ to hie. mo tmunoi mi'usnu tomo afu'u toesoso ci zomʉ ho moozoyʉ:

¹⁸ uhtan'e ho ana 'e fou to honte, yuozomʉ, ho ito heetai, yaeza ana 'o fou to 'uma ho i'o fou to lesmopayo 'uma, yaeza ana 'o fou to tolei, couziu, suepe suaceaco ho i'o fou to maov'ov'o ci cou!>

¹⁹ os'o i'vaha aiti 'o yuansou ic'o ho i'o mahohonte ta ceoa, ho i'o heetaihe mo yu'e'pʉ'pʉyʉ, mo yupa mi'usnu 'omo smopayo to 'uma ho i'o heetaisi ho ehtotothomʉ.

²⁰ isi holeo 'o yuansou; i'o mosola yonto tuhcusi ho peispopo'e ci meyoyongensa isi yaeza holeo. ('e meyoyongensa eni mosola boemi to peispopo'ehe ho maspepecvai to isi topci to yuansou ho i'ola m'ohkuyu to uayuansoua ci cou.) 'o yuansou ho i'o meyoyongensa isi tobohteni to'seni tomo yunzou ci etʉpʉ no liukoo.

²¹ 'o nia heetaihe isi acʉha poengoma to mo smopayo to 'uma cimo psoyafo to poyave ho opcoza; mo acʉhʉ mei'usnu 'o mazozomʉ ho oʉcʉcʉha 'o nia fouhe.