mokusi 14 - buacou seiso no faeva esvʉtʉ

pasuto'usnu

¹ os'o i'vaha aiti, teolʉi 'o okomoatʉ'nʉ mo yac'ʉ to hcuyu to sii'an, i'omo no'upu mo posise'conia msʉptʉhʉ posisospotʉ ci cou; 'o sapcihe isi acʉha tposi to ongkosi ho ito ongko to amosi.

² mi'o tmalʉ tomo i'mi ne pepe ci fihngau, mais'a mʉmʉ no fozu ci suyoi, maezo mais'a ak'engʉca. 'e os'o talʉi ci fihngau mio maezo mais'a 'o fihngau tola leetngotngo.

³ mo yac'ʉ to tuhcu to suoca'ha ho ito sʉptʉ ci yuansou ho ito macocoolo, pasunaeno tomo faeva ci pasunaenva; 'e pasunaenva eni i'oc'o isi i'mi ta ceoa ho to'usni cimo posise'conia msʉptʉhʉ posisospotʉ ci cou 'omo meelʉ pasunaeno.

⁴ 'emo maica ci cou acʉhʉ o'amocu mosola aaso no mamespingi ci oko no hahocngʉ. hoci uhnenu 'o okomoatʉ'nʉ, te maezo sʉc'ʉhʉ nenu. 'e cou eni isi i'mi ta yatatiskova ho psuovei, ahoza titha ho sʉ'teni to hamo ho ito okomoatʉ'nʉ.

⁵ asonghoi o'ala meknuyu, uk'a cimo ca'i.

tuyu ci tensi

⁶ os'o i'vaha aiti 'omon'a cihi ci tensi mo yonta pepe ho toesoso; panto 'auesiesi ci fukuin tesi mi'usneni ta cou ta mauhpʉhpʉngʉ, mayoyou, masusuezopʉ, ho ito maee'e ho psoyaska.

⁷ mo tmunoi ho yainca:

⁸ mo mat'ofeihni 'omo toueso ci tensi ho yainca:

⁹ 'omo toteu ci tensi mo mat'ofeihni tomo muyo cimo yoso ci tensi ho tmunoi mainca:

¹⁰ te maezo mimo to sume ci emi to hamo; 'e emi eni o'amocu oho popuhngi, pos'usna to sooetohvʉ no moulʉlʉ ci sʉ'no. te yonto tuhcu to cofkoya ci tensi ho ito okomoatʉ'nʉ. tiou to isi yomza to yafeu ho ito liukoo ho tʉ'sʉftona.

¹¹ i'omo pohtutumzo ci feufeu 'auesiesi o'ate tosvo yʉc'ʉ. i'omo m'ohkuyu to yuansou ho ito uacoua no yuansou, ho i'o isi topci to toopca 'o sapci ci cou, huhucmasi o'ate ahtu meelʉ amiocni.>

¹² ko'koeno. i'omo meo'uzo to mashʉyʉ to hamo, meot'ʉcʉ to iesu ci 'o'oko to hamo te yaa luaveica.

¹³ mi'o i'vaho tmalʉ tomo i'mi ne pepe ci fihngau isi yainca: mo yut'ingi 'o seilei: <'aeno a'ʉmtʉ! tehecu peiseʉpngi na peihtutumzo hocu amiocni, maica na beahci no lahe hi'hioa la to'ofeihni.>

heʉm'ʉ ta ceoa

¹⁴ os'o i'vaha aiti, teolʉ tomo tmucni ci cmʉcmʉ, to skoskopnasi mo yusuhngu 'omo mais'a 'o okocou, mo iceopngu tomo king ci tafange, 'o emucusi mo mʉpʉtʉ tomo feofeo ci fu'fu no efeutu.

¹⁵ panto h'unasi ci tensi mo i'mi to seiten ho yuyafo, mi'usnu tomo yusuhngu to cmʉcmʉ ho moozoyʉ:

¹⁶ i'omo yusuhngu to cmʉcmʉ micu mi'usnu ta ceoa ho eot'ova 'o fu'fusi, isicu efeuta 'o heʉm'ʉ ta ceoa.

¹⁷ os'o i'vaha aiti 'omo cihi ci tensi mo i'mi to seiten ta pepe ho yuyafo; mo maezo yaa conci feofeo ci fu'fu no efeutu.

¹⁸ acnguhu, i'vaho yaa cihi cila aʉt'ʉcʉ to puzu ci tensi mo i'mi to 'oyona sʉ'tʉ ho yuyafo, mi'usnu tomo mʉpʉtʉ to feofeo ci fu'fu ci tensi ho tmunoi moozoyʉ:

¹⁹ 'o tensi ic'o micu mi'usnu ta ceoa ho eot'ova 'o fu'fusi, peofeuta 'o amcuyu ta ceoa, to'seni to sʉ'no ci 'oyona smaspʉcʉ emi to hamo.

²⁰ 'o amcuyu mo yonto 'oyona smaspʉcʉ emi to yafana to hosa ho noa psaiei'zi, micu yaa hmuyu cimo i'mi ta 'oyona smaspʉcʉ emi ho moheafo, epʉna 'omo se'tueva kilo, mo asonʉ yuso meeta 'o hiasi mʉ'eona.