mokusi 13 - buacou seiso no faeva esvʉtʉ

yuso ci yuansou

¹ acnguhu, os'o aiti 'omo coni ci yuansou mo i'mi to etʉpʉ ho tmo'poyapo. mo maskʉ ci sungu ho pitu ci fnguu, 'omo macoconi to sungusi mo acʉhʉ itafange, 'omo macoconi ci fnguu isi acʉha tposi tomo aokoe'i to ongko to hamo.

² 'o os'o aiti ci yuansou mo mais'a conci e'uho yʉn'ʉ; 'o t'angosi mo mais'a t'ango no cmoi, mais'a ngayo no sisi 'o ngayosi. 'o long isi acʉha faeni to yuansou to ic'o 'o taso, suoca'ha honte, ho i'o tonʉsi.

³ 'o coni to fnguu to yuansou mais'a mosola meoino no alolongʉ, at'inghi micu yov'o 'o h'oh'osi. mo acʉhʉ mau'no'na'o 'e yata mauhpʉhpʉngʉ, to'ofeihni to f'uhu to yuansou.

⁴ mo acʉhʉ m'ohkuyu to long, maica ho isi acʉha faeni ta yuansou to long 'o tonʉsi. ihe yaeza p'ohkui 'o yuansou ic'o, yainca:

⁵ 'o yuansou ic'o mo yaa 'o'esvocʉ ho boevovoyo ci ngayo, maezo noa tonʉ ho poa msʉptʉhʉ ueso no feohʉ ho meelʉ mai no 'tohʉngʉsi na tesi peipeis'ausna.

⁶ 'o yuansou ic'o mo aokoe'i to hamo, eoveoya 'o ongkosi, ho i'o lasi yoni, ho i'ola afu'u yonta pepe.

⁷ mo noa teomneni ho pohcingha 'o 'o'oko to hamo, ho atpʉta. maezo noa tonʉ ho atʉkca 'o mayoyou; masusuezopʉ, mauhpʉhpʉngʉ, ho i'o mav'ov'o no e'e ci cou.

⁸ 'e afu'u yatatiskova ta ceoa, to auyusi no teyai 'e hpʉhpʉngʉ, 'o ongko to afu'u o'a oho tposi to tposʉ no nsou to oho opcoza ci okomoatʉ'nʉ, te acʉhʉ m'ohkuyu ta yuansou.

⁹

¹⁰ i'ote anana'va holeo, 'ate ahtao'te holeo; 'ote anana'o mcoi to poyave, ahtuo'te mcoi to poyave. ko'koeno, 'e 'o'oko to hamo te yaa luaveica ho singkoo.>

¹¹ os'o i'vaha aiti 'omo h'unasi ci yuansou mo i'mi ta ceoa ho yuyafo. mo yuso 'o sungusi, mais'a sungu no moatʉ'nʉ, at'inghi homo aomotʉ'ʉ mo mais'a 'o long.

¹² mo yonto tuhcu tomo ahoi yuyafo ci yuansou, hioa 'o isi hioa ci tonʉ to ahoi yuansou. isi pohʉhʉya 'e hpʉhpʉngʉ ho i'omo afu'u yonta ceoa, acʉha poa m'ohkuyu to mosola alolongʉ ho yov'o ci ahoi yuansou.

¹³ 'e toueso ci yuansou isi ivaha hioa 'e meoino taunona'vʉ; mo yonta tuhcu ta cou ho poa i'mi ne pepe 'o puzu ho tma'pueho ta ceoa.

¹⁴ mo mayo to tonʉ, yonto tuhcu to ahoi yuansou ho hioa 'o meoino taunona'vʉ, i'hozi no poa ma'peu 'emo afu'u yonta ceoa ci cou. isi eucufna 'e cou ho teyaineni uacoua 'e moso alolongʉ no poyave hon'a yaansoua ci yuansou.

¹⁵ mo i'vaho mayo to tonʉ 'e toueso ci yuansou, isi peelʉi pee'usni to peucu 'o isi teyai ci uacoua to ahoi yuansou, poa meelʉ ya'ei 'o uacoua, a'vinano opcoza 'omo o'te mimho m'ohkuyu to uacoua ci cou.

¹⁶ 'e yuansou eni isi yaeza 'ahʉhʉya 'o afu'u cou, 'upena 'o mameoi ho 'o'oko, thi'cia ho atngaso, tolei hocieno couziu, acʉha topci to toopca 'o vhona to emucu ho i'o sapcihe.

¹⁷ 'e toopca eni. 'aeno ongko to yuansou ho i'ote tamza no ongkosi ci tposno tmasvʉtʉ; hoci uk'a 'e toopca eni o'ate meelʉ 'amamhimhino.

¹⁸ te boemi no moutʉs'ʉ ta tan'e. namo afu'u mau'to'tohʉngʉ ci cou te acʉhʉ meelʉ tmasvʉtʉ ta hia man'i ta yuansou, maica 'emo conci tposʉ no tmasvʉtʉ tan'e te tamza no cihi ci cou. 'e tposʉ no tmasvʉtʉ zou se'nonmʉha monmʉhʉ unmʉ.