matai 5 - buacou seiso no faeva esvʉtʉ

yonto hcuyu ho mahsʉsʉftʉ

¹ aiti to iesu 'emo botngonʉ ci cou, cu uhto hcuyu; ne micu yusuhngu, mo nokuyungu 'o tesisi.

² isicu ahoza po'pa'cohivi:

e'usnu no ʉm'ʉmnʉ

³ <'ola mainca no koyu mo aviovio na piepiya ci cou. a'ʉmtʉs'a ʉm'ʉmnʉ; na hin'i zou 'o'oko to hpʉhpʉngʉ ne pepe!

⁴ 'ola nomio no kuisi ho nac'o ci cou a'ʉmtʉs'a ʉm'ʉmnʉ; tesi ao'pova to hamo!

⁵ 'ola ma'cocacni ci cou a'ʉmtʉs'a ʉm'ʉmnʉ; tahela tiuska 'o ohsila teomneni to hamo ci ezoezoyʉ!

⁶ 'ola tongtongsoyʉ no peismi no 'tohʉngʉ to hamo ci cou; a'ʉmtʉs'a ʉm'ʉmnʉ; tesi a'sʉftona poa am'amso to hamo!

⁷ 'ola boemi no ma'cocacni ho mi'usnu ta cou a'ʉmtʉs'a ʉm'ʉmnʉ; tesi yaeza yomza no ma'cocacni to hamo ho mi'usni!

⁸ 'ola tʉs'ʉ ci 'tohʉngʉ a'ʉmtʉs'a ʉm'ʉmnʉ; tehe teolʉi 'o hamo!

⁹ 'ola cucufnu no moususemʉ ci cou a'ʉmtʉs'a ʉm'ʉmnʉ; tesi ta'okoa to hamo!

¹⁰ 'ola nomio no peiseafi na 'tohʉngʉ to hamo ho noa pohtutumza ci cou a'ʉmtʉs'a ʉm'ʉmnʉ; zou 'o'oko to hpʉhpʉngʉ ne pepe!

¹¹

¹² la 'aveoveoyʉ ho kokaekaebʉ, maica isi songacveni tomo atngaso ci temu hnoo ne pepe; 'o nia eyongensa ne noana'o mosola maica ho noa pohtutumza to cou.>

sieu ho tiskova

¹³

¹⁴

¹⁵ uk'a cite sotiskou ho sof'uf'a no pangka, ahta o'te siya tola tnguci ho poa nopopayoa, tesieno psoetiskovi 'e cono emoo.

¹⁶ totiski, na tiskovamu nte yaeza poa psoetiskou ta tuhcu ta cou, poa aitneni ta cou na ʉmnʉ ci lamu peipeis'ausna, teno tohmomoengʉ tomo yone pepe ci amomu.>

e'usnu no hoolicu

¹⁷

¹⁸ te'o a'ʉmta eʉsvʉta muu, hocin'a afu'u yayo 'e hpʉhpʉngʉ. 'emo conci topca, cono meesʉzʉ ci tposʉ ta hoolicu o'ate aapayo'a, ac'ʉhʉ ho tac'u noepʉngʉ 'e aʉcʉcʉhʉ.

¹⁹ ko'koeno, 'ola yuszozʉ tamo so'okosia ci h'oesvʉta, a'vinano pa'cohivi na mocmo ho poa peis'ofeihni, ho tac'u yonto hpʉhpʉngʉ ne pepe tena so'okosia. apuyu, 'ola meot'ʉcʉ to hoolicu ho yaeza poa peis'ofeihni na mocmo ci cou, ho tac'u yonto hpʉhpʉngʉ ne pepe, tena atva'esi meoisi.

²⁰ te'o eʉsvʉta muu, na temula hia meot'ʉcʉ no 'tohʉngʉ to hamo temu asansano tosa'ohe to lema'cohio seiso ho ito coufalisai niantemu meelʉ yʉmeʉmʉ to hpʉhpʉngʉ ne pepe.>

e'usnu no sʉ'no

²¹ >

²² at'inghi te'o eʉsvʉta muu, nala mi'usnu no nat'ohaesa ho ma'sʉsʉ'no, nte maezo tiou no yʉsvʉta; nala ekvo'ʉ no nat'ohaesa ho yainca <>, te uhne hooin; ekvo'ʉ no nat'ohaesa ho yainca <>, o'ate tomempuesu no puzu ne vooecʉvcana.

²³ ko'koeno, hoteko yonto 'oyona sʉ'tʉ ho mici mofi no sʉ'ta to hamo, hociko talʉa pano mo 'oha toseolʉ suu ci nat'ohaesa,

²⁴ nteko teonʉ'vina'a ta 'oyona sʉ'tʉ na macucuma, osni biebimi ho eususeomʉ, takocu yuovei ho sʉ'teni to hamo na sʉ'tasu.

²⁵

²⁶ te'o eʉsvʉta suu. teko noekotu, ac'ʉhʉ ho takocu yoepʉngi na sotavei ci peisu no tmuhnoa.>

e'usnu no mseezo

²⁷ >

²⁸ at'inghi te'o eʉsvʉta muu, nala teolʉ no mamespingi ho ma'cac'ou, micu yonta 'tohʉngʉsi ho mseezo ta mamespingi ho ca'i 'e 'tohʉngʉsi.

²⁹ hocisi poa peiskuisi ta vhona ta mcoosu, te yuyafi ho ciha! hoci payo'a 'e moc'o okosi ci 'oahngʉ ta feango te ʉmnʉhe no aucunva to'seni ne vooecʉvcana 'e feango.

³⁰ hocisi poa peiskuisi ta vhona ta emucusu, te hitenva ho ciha! hoci payo'a 'e moc'o okosi ta 'oahngʉ ta feango, te ʉmnʉhe no aucunva to'seni ne vooecʉvcana 'e feango.>

e'usnu no teongasi na vcongʉ

³¹ >

³² at'inghi te'o eʉsvʉta muu, hoci o'te nomio no smoc'ou 'e mamespingi, o'ate peelʉi aha'va ciha ta hahocngʉ. maica, hoci mevaho mevcongʉ 'e mamespingi, 'ateeno mais'a 'e hahocngʉ namo himhohioa ho poa mseezo 'e mamespingi; namo i'vaho himhovcongʉ ci hahocngʉ te ta'upa no yaa kuisi no mseezo.>

e'usnu no esvʉtʉ

³³ >

³⁴ at'inghi te'o eʉsvʉta muu, asansano o'a temu meelʉ esvʉtʉ. 'ote mi'usnu ta engʉca ho esvʉtʉ, maica zou suoca'ha to hamo 'e engʉca;

³⁵ 'ote mi'usnu ta ceoa ho esvʉtʉ, maica lasi 'op'eciha to hamo 'e ceoa; maezo 'ote mas'usnu ta 'elusalemu ho esvʉtʉ, maica zou hosa to someoino honte 'e hosa eni;

³⁶ ac'ʉhʉ no 'ote mi'usnu ta iachisu fnguu ho esvʉtʉ, maica o'a teko peelʉi poa aezuhu kua'onga ho fʉecʉ'za 'e f'ʉsʉsu.

³⁷ hotemula ya'ei, hoci zou, 'ateeno yainca zou, hoci o'a, 'ateeno yainca o'a; hocin'a esuhcu eman'i; micu i'mi no kokuzo.>

e'usnu no auski

³⁸ >

³⁹ at'inghi te'o eʉsvʉta muu, teav'a auska 'ola pohcinghi muu ci cou.

⁴⁰ hoci panote muutu ta vhona ta pinosu, 'ateeno moeza poa t'o'upneni si veinasi! hoci yaa ehpʉngʉ ho e'usna ne hooin na suu, 'ucia yaa na osko as'oya. 'ateeno moeza yo'upneni na osko aoskopa!

⁴¹ hoci panonte e'hʉyʉ suu ho 'ahʉya pahafi no macucumasi ho poa mino mo 1 kilo ci ceonʉ, 'ateeno moeza fihi ho coeconʉ nomo 2 kilo ci ceonʉ!

⁴² hoci panonte mi'usnu suu ho m'eya macucuma, 'ateeno fii; hoci panonte mi'usnu suu ho yuevaho no cuma, 'ateeno poa yuevahneni.>

e'usnu no himngonghi no hangʉ

⁴³ >

⁴⁴ at'inghi te'o eʉsvʉta muu, temu ngohia na hangʉmu, a'vinano 'inolineni nala pohtutumzo muu ci cou.

⁴⁵ maicac'o, niantemu meelʉ tma'oko to amopepe. maica'sio, 'o amopepe lasi psoetiskovi no hie 'omo ʉmnʉ ci cou, lasi yaeza psoetiskovi 'omo kuici cou; lasi fii no mʉchʉ 'ola popeis'ʉ'ʉmnʉ, yaeza fii 'ola popeiskuzkuzo.

⁴⁶ hocimuc'o ngohia nala himngonghi muu, mainci tesi aac'o 'ahʉya tohnoi to hamo na muu? 'alaeno maezo meelʉ maica 'ola letmuhno!

⁴⁷ hocimuc'o mi'usnu no nanghiamu ho tooyokeo, cumanante koa itanveni? ac'ʉhʉ to couyafana 'alaeno maezo maica!

⁴⁸ temula a'sʉftonʉ, aʉlʉ mais'a 'o amomu pepe na hia a'sʉftonʉa.>