matai 28 - buacou seiso no faeva esvʉtʉ

smoevovei 'o iesu

¹ sucaefi 'o 'ansokunici, moseo'ohngʉ to maikayo, 'o maliya to motala ho i'omon'a cihi ci maliya mo yuyuso uhto heuf'a ho aiti.

² aemo'au tmanoi motoevi, mo i'mine pepe 'o tensi to nooe'oca ho ohpueho, pehtuezuha 'o fatu, yusuhngu to skoskopnasi.

³ mo mais'a moi'hocʉ 'o mi'ausnasi, 'o yʉsʉsi totiski to tofsi'i ci yuho.

⁴ 'o lenoʉt'ʉcʉ mo smoecucunu smo'ʉe'ʉyʉ to hiahe yamci, mais'a 'o lac'u mcoi ci cou.

⁵ 'o tensi ihe mi'usni 'o maamespingi ho yainca: <'ote ngoheʉngeʉ, os'o cohivi imu i'ima 'o oho spica to zuuzika ci iesu.

⁶ 'anamos'a yontan'e, maito nia e'esi, micu smoevovei. 'atemueno uhtan'e, aiti 'e oho soʉlʉlʉi.

⁷ temu aupcio e'ohʉ ho eʉsvʉta to tesisi: <<'amicu smoevovei 'o iesu, te muyohe muu ho uhne ngalilaya; yone'e, temu aiti ne'e 'o iesu.>> temu atatalʉa 'e os'o eʉsvʉta muu ci e'e.>

⁸ micu 'aumeumeusu mongoi to heuf'a 'o maamespingi, mo yamci ho na'no kaebʉ, toemaine'e ho eʉsvʉta to tesisi.

⁹ aemo'au, espayo to ceonʉ 'o iesu, mi'usni 'o maamespingi ho yainca: mo ohcum'u 'o maamespingi, sʉ'fʉni 'o t'angosi ho m'ohkuyu to iesu.

¹⁰ isi mi'usni to iesu ho yainca: <'ote ngoheʉngeʉ, usa 'o nat'ohaesa'u, poa uhne ngalilaya; tehe aiti ne'e a'o.>

hia evaho tomo noʉt'ʉcʉ

¹¹ ne mon'a seolʉano toumeumeusu ne ceonʉ 'o maamespingi, 'o moso noʉt'ʉcʉ to heuf'a ci heetai mo yuovei to hosa, eʉsvʉta to saisicoo 'o ihe aiti ci a'a'ausna.

¹² ataveisi no toʉsvʉsvʉtʉ 'o saisicoo ho i'o coolo, mayo tomo man'i ci peisu ho faeni to heetai,

¹³ mi'usni ho yainca:

¹⁴ hocisi cohivi to sootoku na eni, 'atemzaeno biyafo ho etoto'usni muu, hosoo muu ho uk'a a'a'ausna.>

¹⁵ ihecu tiova to heetai 'o peisu, maito hiahe eutotavi ho hioa. 'e buusumsu eni ac'ʉhʉ maitan'e ihen'a asngʉcva psoecingcingha ta couyutaya.

toveineni to tesi 'o tehe hioa

¹⁶ sʉc'ʉhʉ ne ngalilaya 'omo maskʉ ucni ci tesi, uhto ohsi eutotaveineni to iesu ci hcuyu.

¹⁷ ne ihecu aiti 'o iesu, cu acʉhʉ mi'usnu ho m'ohkuyu; at'inghi panto moc'on'a tmaakoknuyu 'o 'tohʉngʉhe.

¹⁸ mo emocmu'u to tesi 'o iesu. mi'usni ho yainca:

¹⁹ ko'koeno, temu e'ohʉ, poa meelʉ acʉhʉ tesi'u 'e yatatiskova ta mauhpʉhpʉngʉ, boemi to ongko to amo, oko, seilei ho toononvi,

²⁰ a'vinano po'pa'cohivi ho poa meot'ʉcʉ ta os'o afu'a faeni ci mashʉyʉ. talʉa'sio! te'o asngʉcva no'upi muu, ac'ʉhʉ no hiesi no puesona ta hpʉhpʉngʉ.>