matai 23 - buacou seiso no faeva esvʉtʉ

koica 'o lema'cohio seiso ho i'o coufalisai

¹ mo mi'usnu to tesi ho ito botngonʉ 'o iesu ho yainca:

² <'o lema'cohio seiso ho i'o coufalisai la yac'ʉ to suoca'ha to moose ho eʉsvʉsvʉta 'o hoolicu,

³ temu mee'ofeihni to lahe hia mahsʉsʉftʉ, at'inghi 'otela momaemaezo to lahe peipeis'ausna; maica lac'o meelʉ ya'ei, o'a lahe hioa.

⁴ lahe seoteuyuna 'ola ecvʉhʉ ho i'omo ngoveo ho ngov'eni to ei'si to mocmo ci cou, iachi o'ala maka poa aot'ou namo coni ci lulku ho poa e'sop'o na mocmo.

⁵ acʉhʉ 'o lahe hioa lahec'o poa aitneni ta cou. lahe s'ieza 'o meoino efucu no seiso, asuhca poa tacvoh'i 'o pepuehonʉ to yʉsʉhe;

⁶ la kaebʉ hola sutmoyaevonʉ tola eabobonʉ ho itola afnaso ci ca'hʉ to kaitoo;

⁷ la kaebʉ hola toehunga p'ohkui to mocmo homo nouteuyunu, noa yainca <>.

⁸ na a'ʉmtʉsi, o'ante yainca <> na muu; maica mimuc'o acʉhʉ cono ceonʉ, moc'o cihi 'o temu yainca <>.

⁹ teav'a yainca 'emo yonta ceoa ci cou <>, maica moc'o cihi 'o <> cimo yone pepe.

¹⁰ >, maica ina a'ʉmtʉ <> 'ai'oeno kilisto.

¹¹ ta taicomu siya namo sotaicinia, 'aeno siya natemu toehunga soskuskunu.

¹² 'o hamo tesi epeohi 'ola iachi biepe ci cou, hoepzeni 'ola iachi biaceaco ci cou.>

koica 'ola me'ʉ'ʉmnʉ ci cou

¹³ <'e mimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu apa'to yonta tuhcu ta cou ho amʉta 'o phingi to hpʉhpʉngʉ ne pepe, lamu iachi o'te yʉmeʉmʉ, yaeza o'te poa yʉmeʉmʉ 'onte mici yʉmeʉmʉ ci cou!

¹⁵ <'emimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu nomio no 'ucia ev'ov'ihi ho poa fiho muu 'emo cihi ci cou. o'a lamu oyango no smaingabo ta maacaciku ta hpʉhpʉngʉ, totea ho tac'u a'ʉmtʉ bi'usnu muu. lamu teoteai ho poa asuhcu kuzohe muu, nte asuhcuhe tiyou no patvovei ne vooecʉvcana.

¹⁶ <'e mimu bʉkngʉ ci e'mamcohio te elʉ no ku'kuici! lamu yainca: <>

¹⁷ 'e mimu bʉkngʉ ci nongonongo! aʉsvʉta tuocosi zou king namo sotva'esi? hoci o'te i'omo poa cofkoya to king ci seiten namo sotva'esi?

¹⁸ leamu yaeza yainca: <>

¹⁹ 'e mimu mabʉbʉkngʉ! nenusi no sʉ'ta nate sotva'esi? hocieno o'te 'omo koa cofkoya to sʉ'ta ci 'oyona sʉ'tʉ nate sotva'esi?

²⁰ la cohivi, hoci mas'usnu to 'oyona sʉ'tʉ ho esvʉtʉ 'e cou 'aisieno pas'upi 'o 'oyona sʉ'tʉ ho i'o mo yonto 'oyona sʉ'tʉ ci afu'u sʉ'ta ho esvʉtʉ;

²¹ homo mas'usnu to seiten ho esvʉtʉ 'aisieno pas'upi 'o seiten ho i'omo yonto seiten ci hamo ho esvʉtʉ;

²² hoci mas'usnu ne pepe ho esvʉtʉ 'amoeno mas'osʉ ne pepe ho ito mo yusuhngu to suoca'ha ne pepe ci hamo ho esvʉtʉ.

²³ <'e mimu me'ʉ'ʉmnʉ ci lema'cohio seiso ho coufalisai te elʉ no ku'kuici! leamu ac'ʉha to ha'ka ho itomo meoisi ho okosi ci koa namusngau ho sʉ'teni to hamo 'o amaska conisi, at'inghi i'o a'ʉmtʉ sotva'esa nosi mahsʉsʉftʉ to hoolicu, mais'a 'oeno moulʉlʉ. himcocoveoi. 'o'elʉlʉ, lamu apuya o'te noyʉci. 'ai'emoeno maica ci mahsʉsʉftʉ 'e ntemu a'ʉmta peis'ofeihni, inacu mocmosi yaeza o'ate peaezoni.

²⁴ 'e mimu bʉkngʉ ci lee'ofeihni, lamu peelʉi iseafa 'o okono mo'eocʉ to isi ima, at'inghi lamu eha'vahe 'o coni ci lakuta!

²⁵ <'e mimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu toʉlʉi 'o yafana to 'ootohva, at'inghi 'o 'ayumonasi lamu songcʉngci to ma'konvosʉ ho 'aʉnpʉnpʉ.

²⁶ bʉkngʉ ci coufalisai! la aueva toʉlʉi 'o 'ayumonasi to sooetohva, 'o yafanasi 'atec'ueno maezo cofkoya.

²⁷ <'e mimu me'ʉ'ʉmnʉ ci lema'cohio seiso ho coufalisai te elʉ no ku'kuici! mimu mais'a 'ola thoyoyonghua ci heuf'a. yonghu 'o yafanasi. 'o 'ayumonasi zoueno'so acʉhʉ cʉehʉ nomo mcoi ho ton'on'o ci macucuma.

²⁸ totiski. ho isi huyafi lamu mais'a mo a'sʉftonʉ mouhmʉskʉ. at'inghi na 'tohʉngʉmu mo ngangcʉngcʉ na meknuyu ho kokuzo.>

eyoca ho tahe elʉa na patvovei

²⁹ <'emimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu teyaineni heuf'a 'o nia eyongensa. teovahi 'o heuf'a to ohola koe'ia.

³⁰ a'vinano yainca: <>

³¹ peelʉi humzi ho imucu iachia esansana ho zou mʉntʉ'ca no mosola opcoi to eyongensa ci cou!

³² ci 'atemueno pnanfi ho a'cʉ'cʉna hioa, aepʉnga na peispapak'i no nia maameoimu!

³³ mahiz'o ci fkoi ho ina mʉntʉ'casi! mante mainenu hocimun'a meelʉ momeesih'i no patvoveiya ne vooecʉvcana?

³⁴ temu talʉi, te'o popeosmuhnu to eyongensa, coumotposʉ, ho ito lema'cohio ho poa uhta lamu yoni, panto tamu opcoza, panto tamu spica to zuuzika, panto tena yonto kaitoomu ho noa ti'usna, i'mi tamo coni ci hpʉhpʉngʉ ho peteo'usna to zocni hpʉhpʉngʉ.

³⁵ maicac'o, acʉcʉhʉ na patvoveiya no opcoi no ʉmnʉ ci cou te cmʉ'ho ta feangomu - 'aeno ahoi to hmuyu to yaapo, ac'ʉhʉ to hmuyu to ohmu opcoza to pae'ohsa to seiten ho 'oyona sʉ'tʉ ci oko to palacia ci zakalia.

³⁶ te'o a'ʉmta eʉsvʉta muu, 'e patvoveiya eni te acʉha ta'usna ta cou maitan'e.>

tngisi 'o 'elusalemu

³⁷ <'elusalemu, 'elusalemu, oskocu opcoza 'o eyongensa, boemi to fatu ho mamcozi 'o ohsi popeoskuna to hamo ho poa uso muu ci soskuskunu! la'u siho 'ucia aʉt'ʉca 'e 'o'okosu. mais'a 'o mosko'ʉ ho lasi sko'pʉ'pʉya to yopngusi 'o ciocio. at'inghi o'a lamu mimho!

³⁸ aiti, 'e emoomu tec'u seoovei ho uk'ana cou.

³⁹ te'o eʉsvʉta muu, ahoi tan'e 'anatamu ahtan'a huvahi a'o, ac'ʉhʉ ho tamucu mainca: <> >