matai 13 - buacou seiso no faeva esvʉtʉ

epo'usa no miyapo

¹ conoc'o hie, mo mongoi to emoo 'o iesu, uhto aaskiti to etʉpʉ, mo yusuhngu 'o iesu,

² mo yu'eteuyunu to tuhcusi 'o botngonʉ ci cou, ko'koeno mo bohsifou tomo conci 'apangʉ, cu yusuhngu; mo biaskiti to chumu 'o botngonʉ ci cou.

³ mo boemi to epo'usa ho esansana 'omo man'i ci hi'hioa. isi yainca:

⁴ ne isi yapneni, piyo ci tutu mo suaskiti to ceonʉ, isi mei'usni to zomʉ ho ana.

⁵ piyo 'omo su'to mo 'oha ceoceoa ci yuyu'eo, maica ho o'amo mʉ'eona 'o ceoasi, mo na'no mon'i cmʉfeʉ;

⁶ at'inghi ne micu hie, cu hikeololva 'o cʉfeʉsi; maica ho o'a mo bimsʉ'eonʉ 'o emisisi, micu oemi'mi.

⁷ panto mo sutaico to cʉcʉmʉ, ne micu cmʉfeʉ 'o cʉmʉ, isicu ta'poe'i 'o cʉfeʉ.

⁸ panto tutu cimo su'to mo ʉmnʉ 'o ceoasi, micu yʉʉlʉlʉ ho beahci, 'o isi tov'oha pantomo se'conza, pantomo monmʉhʉ, panto mo mtuehu.>

⁹ isicu yainca to iesu:

atuhcusi ta epo'uso

¹⁰ mo uhto iesu 'o tesi. tuocosi 'o iesu:

¹¹ yut'inga to iesu:

¹² maica i'o micu afu'u pano, te fii tomo asuhcu man'i, poa atngaso ho yaa ang'osʉa; i'omo afu'u uk'a, te tas'upa 'o nian'a ake'isi ho yaeza ti'einga.

¹³ nomio tan'e, mi'o boemi ta epo'usa ho mi'usnu ta botngonʉ ho aomotʉ'ʉ; maica 'emo botngonʉ la aiti ho o'te honga, talʉi ho o'te ta'hongi, yaeza o'te asansana.

¹⁴ 'o ohsila eyoca to 'izaya aʉlʉ mita feango hin'i; isi yainca: 'e yatatiskova eni la siho siho tmalʉ, o'a mo mako tma'hongʉ; siho siho aiti, o'a isic'o honga.

¹⁵ maica mo amʉtʉ 'o 'tohʉngʉhe. sngʉsnga 'o koyuhe, m'oyʉcʉ 'o mcoohe, hoci o'te maica, tec'u bohngʉ 'o mcoohe. maezo tmalʉ 'o koyuhe, ma'sansano 'o 'tohʉngʉhe ho ma'vovei, te'ocu poa yov'o na hin'i.

¹⁶

¹⁷ te'o a'ʉmta eʉsvʉta muu, mo botngonʉ ci eyongensa ho i'o taotofsi'i ci cou ohela 'ucia aiti 'e imu aiti, o'a ohe so'eʉc'ʉha; 'ucia talʉi 'e imu talʉi, o'a ohe tac'ʉhi.>

esansana 'e epo'usa no miyapo

¹⁸

¹⁹ namo tmalʉ no e'e no hpʉhpʉngʉ ne pepe ho o'te tma'hongʉ ci cou aʉlʉ mais'a 'o tutu mo suaskiti to ceonʉ, mo esmi 'o kokuzo, cu acʉha ti'einga 'o oho yapneni to 'tohʉngʉsi ci e'e.

²⁰ i'o mo su'to yuyu'eo ci tutu, isi pas'usna ta cou hola tmalʉ to e'e. la osni smoekaebʉ ho tiova,

²¹ at'inghi o'amo bimsʉ'eonʉ 'o emisisi, o'ala meelʉ bina'o, hoci nomio ta e'e ho elʉ no ngoveo hocieno pohtutumza, la osnia teongasi.

²² i'o isi yapneni to cʉcʉmʉ ci tutu. isi pas'usna tola tmalʉ to e'e, la ma'tipvongʉ no h'oyunsova. eepecvazi no mici yuyupasʉ hocu timcoza na ntohsi nsou ta e'e. 'anamo meelʉ beahci.

²³ i'o isi yapneni tomo ʉmnʉ 'o ceoasi ci tutu isi pas'usna ta cou homo tmalʉ ta e'e, a'vinano ta'hongi; micu beahci, 'o isi tov'oha pantola se'conza 'omo apuhngu, pantola monmʉhʉ 'omo apuhngu, pantola mtuehu 'omo apuhngu.>

epo'usa no paihicu

²⁴ isi mi'usni to iesu ho mo'engho tomo h'unasi ci epo'usa: <'o hpʉhpʉngʉ ne pepe mo mais'a hoci pano cou isi yapneni to ezoyʉ 'omo ʉmnʉ ci tutu.

²⁵ nemo seolʉa no acʉhʉ oengʉtʉ, mo esmi 'o hangʉ, yapi to tutu no paihicu 'o taico to heome hocu mongoi.

²⁶ ac'ʉhʉ ne mohcu yʉʉlʉlʉ ho omcu 'o heome, cu yaeza honga 'o paihicu.

²⁷ mo uhto tauke 'o soskuskunu ho yainca: <>

²⁸ isi yut'inga: <<'a hi'hioa to hangʉ na eni.>> ihecu tuocosi: <>

²⁹ isi yainca: <

³⁰ poan'a yu'upu ta heome si paihicu; hotena efeuta, ta'u eutotaveiya 'o te efeutu ci soskuskunu ho auevan'a tum'um'i 'o paihicu, seo'pʉ'pʉya ho hmoi, tac'u a'pʉ'pʉya 'o heome, soteuyuna to fo'fou'u.>> >

epo'usa to chae enghova

³¹ isi mi'usni to iesu 'o tesi ho mo'engho tomo h'unasi ci epo'usa: <'o hpʉhpʉngʉ ne pepe mo mais'a conci tutu no chae enghova, ihe emʉ'a to ezoyʉ to cou.

³² 'e tutu eni mo na'nohe 'o'okosi to mocmo ci maututu, ho micu yʉʉlʉlʉ la meoisihe to mocmo ci chae; la aʉlʉ yu'e'evi, ac'ʉhʉ to zomʉ 'ola meelʉ mooyai sku'u to ehtisi.>

epo'usa to koa smoof'o

³³ mio mo'engho tomo h'unasi ci epo'usa 'o iesu: <'o hpʉhpʉngʉ ne pepe mo mais'a 'o smoof'o, cihi ci mamespingi mo mayo ho siya tomo 40kilo ci tungva, acʉha poa smoof'o 'o cono taucunu ci tungva.>

boemi to epo'usa

³⁴ mo boemi to epo'usa 'o iesu ho mi'usnu tamo botngonʉ ho eʉsvʉsvʉta 'e acʉcʉhʉ; hoci o'tec'o boemi to epo'usa, o'anaisi mi'usni ho mo'engho no mocmosi.

³⁵ ho isi yaica aʉla mia 'o ohela engha to eyongensa ci e'e:

esansana 'o epo'usa to paihicu

³⁶ mo mongoi to botngonʉ 'o iesu, yʉmeʉmʉ to emoo. mio i'vaho uso 'o tesi ho tuocosi:

³⁷ yainca to iesu:

³⁸ 'e ezoyʉ 'ai'eeno hpʉhpʉngʉ; 'o ʉmnʉ ci tutu zou 'omo tma'usnu to hpʉhpʉngʉ ne pepe ci cou; 'o paihicu zou 'omo tma'usnu to kokuzo ci cou;

³⁹ i'omo miyapo to paihicu ci hangʉ 'ai'oeno 'akuma; na efeutu 'aeno na puesona ta hpʉhpʉngʉ maitan'e; 'o soskuskunu no efeutu zou tensi.

⁴⁰ ho tac'u noc'ʉhi 'e puesona ta hpʉhpʉngʉ maitan'e, 'ola peiskuzkuzo te mais'a 'o paihicu ho tum'um'i, to'seni to puzu ho hmoi.

⁴¹ tesi popeoskuna to okocou 'o tensi, acʉha tʉtpʉta 'o la koa peiskuisi ho i'o afu'u kokuzo ci cou.

⁴² to'seni to pupuzu. yonto ic'o ho mongsi ho sihsikiki.

⁴³ ho mio, 'o coumoʉlʉlʉ te yonto hpʉhpʉngʉ to amopepe, te mais'a hie ho psoetiskou. namo yaa koyua, acʉhʉ'so tmalʉ!>

epo'usa to nootoefʉngʉ ci 'anonua

⁴⁴ <'o hpʉhpʉngʉ ne pepe mo mais'a nootoefʉngʉ to ezoyʉ ci 'anonua. pano cou cimo elʉ, isicu feʉ'sa, micu na'no kokaekaebʉ ho phieni 'o acʉcʉhʉsi, usa ho phini 'o ezoyʉ ic'o.>

epo'usa no sinzu

⁴⁵ <'o hpʉhpʉngʉ ne pepe mio maezo mais'a cihi cila 'amamhimhino ci cou mo biebimi no sopepea ci sinzu.

⁴⁶ ne isicu elʉa 'o sinzu, isicu psʉcʉcʉhneni 'o acʉcʉhʉsi, usa ho phini 'o sinzu ic'o.>

epo'usa no tokeʉpʉ

⁴⁷ <'o hpʉhpʉngʉ ne pepe mio maezo mais'a hoci i'o keʉpʉ no yoskʉ isi tokeʉpneni to etʉpʉ, tolʉ to mav'ov'o ci yoskʉ.

⁴⁸ ne micu ngangcʉngcʉ 'o keʉpʉ, isicu esifova to leeyayoskʉ, yusuhngu to aaskiti ho apopaevaza 'o yoskʉ, epeiya 'omo ʉmnʉ ho siya to kunkunu, ciha 'omo kuzo.

⁴⁹ 'e puesona ta hpʉhpʉngʉ maitan'e tena maezo maica: te yuyafo 'o tensi, i'mi to 'ayumona to ʉmnʉ ci cou ho ah'una 'o kuici cou,

⁵⁰ to'seni to pupuzu. yone'e ho mongsi ho sihsikiki.>

faeva ho noana'o

⁵¹ isi tuocosi to iesu 'o tesi: <'emo maica ci e'e imu acʉha ta'hongi?> ihe yut'inga: <'aimzacu acʉha ta'hongi.>

⁵² yainca to iesu:

hopsʉpseni to yane nazalo 'o iesu

⁵³ eepʉnga to iesu 'emo maica ci epo'usa, cu mongoi to ic'o,

⁵⁴ maine'e to iachisi emooana. mo yonto kaitoo ho mo'ma'cohio to cou; mo acʉhʉ yamci 'omo tmalʉ, yainca:

⁵⁵ na taini o'as'aeno oko to taiku? 'o ino taini o'as'aeno maliya. 'o yakovu, yosefu, saimong, ho i'o yuta o'as'aeno acʉhʉ 'a'ahaesa taini?

⁵⁶ i'o ohaesa nota maamespingi o'alas'aeno acʉhʉ no'upu a'to? 'e acʉcʉhʉ ci tonʉ taini mamos'a i'mi nenu?>

⁵⁷ ihecu hopsʉpseni 'o iesu. isi mi'usni to iesu ho yainca: <'o eyongensa homo noyafo ta iachisi emooana la toehunga einva to cou.>

⁵⁸ maica ho o'aihe taa'uzva, o'amo man'i na isi hioa ci po'e homo yonto ic'o.