maluko 6 - buacou seiso no faeva esvʉtʉ

hopsʉpseni to yane nazalo 'o iesu

¹ mongoi to ic'o 'o iesu, maine'e to iachisi emooana; mo maezo to'ofeihni 'o tesisi.

² micu 'ansokunici, mo yonto kaitoo ho mo'ma'cohio to cou 'o iesu. ne ihe talʉi tomo botngonʉ 'o e'esi acʉhʉ na'no yamci, yainca:

³ o'ai'os'aeno 'o cihi ci taiku taini? o'as'aeno maliya 'o ino taini, o'as'aeno ohaevahe to yakovu, yosefu, yuta ho ito saimong? 'o 'a'ahaesa nota maamespingi o'amos'aeno acʉhʉ no'upu a'to?> ihecu hopsʉpseni 'o iesu.

⁴ isi mi'usni to iesu ho yainca: <'o eyongensa homo noyafo ta emooana, suezopʉ, emoosi la toehunga einva to cou.>

⁵ ko'koeno, homo yonta iachisi emooana o'amo mako peispopo'e, c'o hoe'oci 'omo piyo cimo tma'congo, ho poa yov'oa.

⁶ 'e hiahe o'te tmaa'uzo tamo maica ci cou, isi na'na yamceni. mo a'cʉ'cʉnʉ yonto mo cum'u ci mayoyou 'o iesu ho mo'ma'cohio to cou.

popeoskuna to iesu 'o maskʉ ueso ci tesi

⁷ isi eteuyuna to iesu 'omo maskʉ ueso ci tesi, poa mayoyoso popeoskuna ho emoyafo. isi pafi to tonʉ no meelʉ meyobango to h'aokuv'o,

⁸ a'vinano eutotaveiya ho yainca:

⁹ c'o msapiei nomo coni ci sapiei, maezo o'ate 'ahʉyʉ e'echi no yʉsʉ no as'oya.>

¹⁰ isi ivaha mi'usni ho yainca:

¹¹ 'upena ho cimu sʉc'ʉhʉ nenu, hocihe o'te aʉt'ʉca no yano ic'o na muu, yaeza o'te talʉi na e'emu, temu mongoi no ic'o, topsʉpseni na yompuhu ta caphʉmu, mais'a no imu mi'usni ho engahva.>

¹² micu e'ohʉ ho psoyaski to fukuin, cucufnu to cou ho poa ma'vovei.

¹³ ihe yaeza peobanga 'o man'i ci hicu, siesa to s'os'o 'omo 'enepio ci mo tma'congo ci cou ho poa yov'oa.

mcoi 'o letoonono yohane

¹⁴ na ohsi afu'a hi'hioa to iesu isi acʉha tac'ʉhi to hontehelote, maica ho micu psoengabo ta mauhpʉhpʉngʉ 'o ongko to iesu. panto mo mainca ci cou:

¹⁵ pantomo mainca: pantomo maezo mainca:

¹⁶ isicu talʉi to helote 'emo maica ci e'e, yainca:

¹⁷ mosola smuhnu 'o helote ho tʉtpʉta 'o yohane, seo'eisi ho poekotva to poo'usna, homo maica 'o nia ti'a'ausna to helote moso akoyu no noa ʉmnʉa to hilotei, maica ho isi pevaha to helote 'o hilotei ci nia vcongʉ to ohaesasi ci fuili.

¹⁸ ohsi siho koica to yohane 'o helote:

¹⁹ i'mi tan'e isi ta'sʉsʉ'nova to hilotei 'o yohane, conino 'ucia opcoza, at'inghi o'a isi ahta peepeelʉi.

²⁰ lasi smoyoa to helote 'o yohane, isi cohivi 'o yohane mo mousʉngcʉ ho socofkoya ci cou, lasi bu'a'aʉt'ʉca 'o yohane. cono holasi talʉi to helote 'o lasi hia eʉsvʉsvʉtʉ to yohane, la na'no 'oha ma'sususeomʉ, at'inghi lasin'aso ʉmnʉa talʉi 'o lasi hia eʉsvʉsvʉtʉ.

²¹ petohʉyʉ seoseolʉa 'e lasi totea to hilotei ci hie. to hiesi no yayo 'o helote, ohsi acʉha eho'a 'ola yaahioa to seifu ci matataicini, ho i'o masoso'ehti ta yata ngalilaya.

²² nemo seolʉa no eabobonʉ, 'o oko no mamespingi to hilotei mo yuyafo ho 'otole; 'o helote ho i'o isi eho'a mo acʉhʉ kokaekaebʉ 'o 'tohʉngʉhe. isicu mi'usni to honte ho yainca: <'upena hociko mi'usnu a'o ho m'ene no cuma, te'o acʉha faeni suu.>

²³ acnguhu mio i'vaho esvʉtʉ: <'upena hociko m'ene no cuma, ac'ʉha no aatiska 'e hpʉhpʉngʉ'u, te'oc'o yaeza faeni suu!>

²⁴ micu yuyafo 'o oko no mamespingi ho tuocosi to inosi: isi yut'inga to inosi: <'o fnguu to letoonono ci yohane.>

²⁵ micu osni yuovei to honte 'o oko no mamespingi, m'ene ho yainca:

²⁶ talʉi to honte 'o isi p'enza, cu na'no ma'tutumzo; at'inghi micu'so yonto tuhcu to isi eho'a ho esvʉtʉ, o'amo smeecʉ'ho bʉʉpsʉpsʉ to isi p'enza to oko no mamespingi.

²⁷ isicu osnia pashʉi 'o fafeifeiha ho poa yaeni 'o fnguu to yohane. cu yuyafo 'o fafeifeiha, uhto poo'usna ho hiftunga 'o fnguu to yohane,

²⁸ siya to ceʉ'fʉ. hafa yuovei ho faeni to oko no mamespingi to hilotei; 'o oko no mamespingi isicu faeni to inosi.

²⁹ ihe tac'ʉhi to tesi to yohane, cu usa ho yaa 'o feango to yohane ho efo'a to heuf'a.

poa yoseʉ to iesu 'omo posiyoemohʉ ci cou

³⁰ mo yuovei 'o sitoo ho baito to iesu, mi'usnu to iesu ho acʉha eʉsvʉta na ihe afu'a hi'hioa ho ina ihe psoyaska.

³¹ maica homo angu botngonʉ 'emo yuavovei ci cou, 'amo mako meemeelʉ bonʉ 'o iesu ho i'o tesisi, ko'ko isi mi'usni to iesu ho yainca:

³² micu smo'apangʉ ho e'ohʉ, auc'oc'ou uhto mo no'caciku ci hpʉhpʉngʉ.

³³ at'inghi ihe aiti tomo 'enepio ci cou nemo mongoi, ihe osnia honga, micu i'mi to mahohosa 'o botngonʉ ho yuyafo, yupamumuyo to ceonʉ, muyohe to iesu ho ito tesisi ho esmi to ic'o.

³⁴ ne micu tmo'poyapo to aaskiti 'o iesu, aiti 'emo maica botngonʉ ci cou, mo aot'ou 'o himcocoveoi ci 'tohʉngʉ, maica mo mais'a uk'a le'aʉt'ʉcʉ ci moatʉ'nʉ. isicu ahoza po'pa'cohivi tamo man'i ci hi'hioa.

³⁵ ne micu a'usnu no 'eopsi, mo uhto iesu 'o tesi ho yainca:

³⁶ mate poa aemo'ʉ 'e botngonʉ. poa iachi uhta mo cum'u ci you ho mhino note ana.>

³⁷ yainca to iesu: <'atemueno poa bonʉa.> ihe tuocosi:

³⁸ isi mi'usni to iesu ho yainca: ihe aitin'a cu yainca:

³⁹ isi cucufni to iesu 'o tesi ho poa macocono taucunu 'omo botngonʉ ho poa suspoyʉ to kukuzo.

⁴⁰ micu acʉhʉ yusuhngu, panto mo se'conza 'omo cono taucunu, pantomo meemohʉ 'omo cono taucunu.

⁴¹ isi yaa to iesu 'omo eimo ci pang ho yuso ci yoskʉ, mi'usnu ne pepe, to'aveoveoyʉ to hamo, isicu tipcia 'o pang, faeni to tesi, 'o tesi ihecu aangaeza tamo botngonʉ. totiski, isi yaeza aangaeza 'omo yuso ci yoskʉ.

⁴² mo acʉhʉ bonʉ. a'vinano acʉhʉ yoseʉ.

⁴³ ihe a'pʉ'pʉya to tesi 'o ang'osʉsi to pang ho yoskʉ aʉla teongcʉngci 'omo maskʉ ueso ci skayʉ.

⁴⁴ 'o hia botngonʉ tomo ooyoseʉ, 'oc'o haahocngʉ mo posiyoemohʉ.

coeconʉ to chumu 'o iesu

⁴⁵ ataveisi ta hioa tan'e, isi popeocucufna to iesu 'o tesi ho poa bohsifou to 'apangʉ, poa muyo uhto apihanasi ci posaita, tesin'a totea ho tac'u aemo'ʉ 'omo botngonʉ.

⁴⁶ ne isicu poa e'ohʉa cu uhto hcuyu ho 'inoli.

⁴⁷ a'usnu no 'eopsi, micu smaitaico to etʉpʉ 'o 'apangʉ, mion'a iachi nongaco to aaskiti 'o iesu.

⁴⁸ maica homo emotasufku to poepe 'o 'apangʉ, isi aiti 'o tesi mo huaeca ngoseo homo poʉt'ʉcʉ to 'apangʉ. ne tec'u mon'i tiskova, mo coeconʉ to etʉpʉ 'o iesu ho emo'usnu to tesi, nte mici mito ciengonahe ho sucaefi.

⁴⁹ ihe aiti homo coeconʉ to chumu, ta'unano hicu, cu acʉhʉ mukeici;

⁵⁰ maica ho ihe aiti 'o iesu, acʉhʉ na'no yamci. osnia mi'usni to iesu ho yainca: <'a a'o, teav'a smoyoa!>

⁵¹ micu bohsifou to 'apangʉ 'o iesu, no'upu to tesi, cu tosvo 'o poepe. ihe taunona'vʉ ho maezo ma'kuv'o,

⁵² maica ho o'amocu ihe asansana na a'a'ausnasi ne moso aangae to pang; mon'a nongonongo 'e koyuhe.

aotothoma 'omo tma'congo ci cou to konisalo

⁵³ ne micu ohpihi to etʉpʉ, mo tmo'poyapo to konisalo, ihe seo'tʉneni 'o 'apangʉ.

⁵⁴ ne micu yuyafo to 'apangʉ, ihe osnia honga to mo botngonʉ 'o iesu.

⁵⁵ ihe saingaboa 'o hpʉhpʉngʉ to ic'o, taayaezoi na isi no'ausna to iesu, ihecu yomza to sospoya 'omo tma'congo ci cou ho ngoe'usni to isi yoni to iesu.

⁵⁶ 'upena homo uhto mayoyou, uhto hosa, hocieno tac'o ehuehungu 'o iesu, tahe hafa uhto a'ofeihni to ceonʉ 'o mo tma'congo ci cou, m'eya mako aaso to pepuehonʉ to yʉsʉsi; 'omo afu'u meuaso ci cou cu acʉhʉ yov'o.