maluko 16 - buacou seiso no faeva esvʉtʉ

smoevovei 'o iesu

¹ sucaefi 'o 'ansokunici, 'o maliya to motala, maliya ci ino to yakovu ho i'o salomi, mo mhino to konamusngau, tehe usa ho sieseni to feango to iesu.

² taseonasi no maikayo, moc'on'a aʉlʉ esmomho 'o hie, cu nʉthʉ emo'usnu to heuf'a.

^3-4 nemo pcaceoni, ihe tohtasvʉta no koyuhe: (maica 'o fatu ic'o mo na'no meoisi). at'inghi ne ihecu aiti, ci micu tmaiezuhu 'o fatu.

⁵ mo yʉmeʉmʉ to feongo to heuf'a, teolʉi 'omo cihi ci foinana mo yusuhngu to vhona, sʉ'eʉsʉ tomo fʉecʉ'za ci yʉsʉno tacvoh'i; mo acʉhʉ na'no yamci.

⁶ isi yainca to foinana: <'ote yamci; os'o cohivi imu i'ima 'o oho spica to zuuzika ci counazalo iesu. o'a na mos'a yontan'e, 'amicu smoevovei! aiti, 'aeno tan'e 'o ohe soʉlʉlʉi.

⁷ temu aupcieva eʉsvʉta to tesisi, aavaho 'o petelo, yainca: <> >

⁸ mo acʉhʉ yamci ho ma'sasmoyo, osni toemongoi to heuf'a, emosonʉ e'ohʉ. o'ana ihe maka eʉsvʉta no mocmo na eni, maica homo ngoheʉngeʉ. panto tposno noana'o isi tapicneni 'e oi'isi [

aopa'to to maliya to motala 'o iesu

⁹ taseonasi no maikayo, ataveisi no smoevovei 'o iesu, mo ahoi mi'usnu to maliya to motala 'o iesu ho aopa'to (ohsila peteoyafa to iesu 'omo pitu ci hicu to feangosi.) i'omo piyo ci maamespingi mo uhto petelo ho ito nanghiasi, acʉha eʉsvʉta 'o ohe afu'a talʉi.

¹⁰ isi usa 'ola to'ofeihni to iesu ci cou ho eʉsvʉti; mon'a acʉhʉ seolʉa no nac'o ho mongsi. ataveisi tan'e. isi iachia popeoskuna to iesu 'o tesisi, ahoi to esmomhana ac'ʉhʉ to meoveana, epeaska 'omo socofkoya, o'ate kuzo. poa mayo no 'auesiesi to'usnu ci e'e 'e yatatiskova.]

¹¹ ihe tac'ʉhi homo smoevovei 'o iesu ho eʉsvʉsvʉta ho isicu aiti to maliya, o'aihec'o h'unasa taa'uzva.

aopa'to tomo yoso ci tesi

¹² ataveisi ta hi'hioa tan'e, mo boemi to h'unasi ci mi'a'ausna 'o iesu ho aopa'to tomo yoso cite emo'usnu to you ci tesi.

¹³ 'emo yoso ci tesi mo yuovei ho eʉsvʉta to mocmo ci tesi, o'a ihec'o h'unasa taa'uzva.

aopa'to to maskʉ ucni ci tesi

¹⁴ sotavei, mo mi'usnu tomo seolʉa no bonʉ cimo maskʉ ucni ci tesi 'o iesu ho aopa'to. isi koica 'o tesi; maica homo okosi na singkoo ho yameomʉ, o'te taa'uzva ho ihe eʉsvʉsvʉta to mohcu baito homo smoevovei.

¹⁵ isi mi'usni 'o tesi ho yainca:

¹⁶ nate tmaa'uzo ho tiou no toonono, te asansana to'usni; nate bʉʉpsʉpsʉ, te topci no kuisi.

¹⁷ namo tmaa'uzo te yaa tonʉ no peispopo'e: te boemi ta ongko'u ho meobango no hicu, mo'engho tomo faeva ci e'e no piepiya,

¹⁸ boemi ta emucuhe ho tʉtpʉtʉ no fkoi, hoci mimo tomo mahiz'o ci macucuma maezo o'ate alolongʉ, hoe'oci 'o feango tomo tma'congo, tec'u yov'o 'o tma'congo.>

ohpepe 'o iesu

¹⁹ ataveisi ne isicu eepʉnga to nooe'oca iesu 'emo maica ci e'e, cu noa tiyova ho uhne pepe, yusuhngu to vhona to hamo.

²⁰ yuyafo 'o tesi, nongongabo ho psoyaska 'o fukuin; isi toehungneni yaahioa to nooe'oca, ieni to ihe hioa ci peispopo'e, soomei 'o ihe psoyaska ci e'e zou mou'ʉmtʉ.] panto h'unasi cimo noana'o ci tposʉ mo maica 'o hiasi etavei. [