maluko 1 - buacou seiso no faeva esvʉtʉ

epeaski to e'e 'o letoonono yohane

¹ 'o oko to hamo, fukuin to iesu kilisto mo maica na ahoisi.

² to tposʉ to eyongensa 'izaya mo maica 'o hiasi tmopsʉ: yainca to hamo: aiti, te'o popeoskuna 'o soskuskunu'u; te papoevʉ suu, ptuceoneni suu.

³ ne maepuepuhu panto mo moozoyʉ ci cou: ayocneni no tesi ceonʉ 'o nooe'oca, ptusngʉcvi 'o tesi mia ci ceonʉ!

⁴ micu maito e'e, mo yuyafo to maepuepuhu 'o yohane, toonono to cou, a'vinano psoyaski:

⁵ 'o botngonʉ ci cou mo i'mi to mauhpʉhpʉngʉ ta yutaya ho ine 'elusalemu ho uhto tuhcu to yohane. ihe esansana na kuisihe; cu yonto c'oeha ne yolutan ho tiou to toonono to yohane.

⁶ 'o yohane mo sʉ'eʉsʉ to m'um'u no lakuta ci yʉsʉ, smoeputu tomo feo'u ci snoeputa 'o cpʉh'osi; 'o lasi ana zou liu ho sʉhsi.

⁷ isi epeaska:

⁸ mi'o boemi ta chumu ho toononvi muu, ma tenasi titheni no seilei ho toononvi muu.>

noa toonono ho noa hʉsvʉta 'o iesu

⁹ o'a mo noana'o, mo i'mi to nazalo ne ngalilaya 'o iesu ho cmʉ'ho, cu yonto c'oeha ne yolutan 'o yohane ho toononvi 'o iesu.

¹⁰ ne micu tmo'poyapo to chumu 'o iesu aiti mo maavo 'e engʉca. mo mais'a hofoyu 'o seilei ho tma'pueho to feangosi.

¹¹ panto mo i'mi ne pepe ci fihngau, yainca:

¹² isi osnia popeocucufna to seilei 'o iesu ho uhto maepuepuhu.

¹³ mo mimsʉptʉhi to ic'o, noa hʉsvʉta to satan; mo noteuyunu 'o yuansou, at'inghi panto tensi cimo aʉt'ʉt'ʉcʉ.

eyoho'a to iesu 'omo sʉptʉ ci leeyayoskʉ

¹⁴ ataveisi ne ohecu poekotva to poo'usna 'o yohane, mo uhne ngalilaya 'o iesu, psoyaska 'o fukuin to hamo.

¹⁵ isi yainca:

¹⁶ mo smai'ofeihni to aaskiti to etʉpʉ ne ngalilaya 'o iesu, aiti 'omo yoso ci leeyayoskʉ - saimong ho i'o ohaesasi ci 'antole - mo yonto etʉpʉ ho tokeʉpʉ.

¹⁷ isi mi'usni to iesu ho yainca:

¹⁸ ihecu osnia teongasi 'o keʉpʉ no yoskʉ, cu to'ofeihni to iesu.

¹⁹ o'amo smaimcovhi, isi teolʉi to iesu 'o oko to sipitai ci yakovu ho i'o ohaesasi ci yohane; mo yonto 'apangʉ ho tmasuce to keʉpʉ no yoskʉ.

²⁰ ne isi eyoho'a to iesu, cu yʉnʉ'vi to 'apangʉ 'o amohe ho i'o mo to'usnu ci soskuskunu, cu to'ofeihni to iesu.

cihi ci isi ti'eopi to h'aokuv'o ci cou

²¹ mo esmi to hosa ne kapenong; ne micu 'ansokunici, mo yʉmeʉmʉ to kaitoo 'o iesu ho mo'ma'cohio to cou.

²² 'omo tmalʉ to hiasi mo'ma'cohio mo acʉhʉ na'no yamci, maica 'o hiasi mo'ma'cohio mo a'sʉftonʉ yaa tonʉa, o'a mo totiski to lema'cohio seiso.

²³ ne mio, panto cihi ci isi ti'eopi no h'aokuv'o ci cou mo esmi to kaitoo, moozoyʉ ho mainca:

²⁴

²⁵ isi pashʉi to iesu 'o h'aokuv'o: <'ote ptaʉngʉ, aupcio i'mi ta feango ta cou tan'e ho yuyafo!>

²⁶ isi kuici poa psoekeukeucu to h'aokuv'o 'o ic'o, tmunsohʉ tmuezonʉ, ataveisi micu mongoi to feango to ic'o.

²⁷ mo acʉhʉ kuici yamci 'o botngonʉ, yupa euc'oc'ou:

²⁸ 'o ongko to iesu micueno monmon'i psoengabo to mia'usnu to ngalilaya.

poa yov'o to iesu 'o botngonʉ cimo tma'congo

²⁹ ne micu mongoi to kaitoo, mo uhto emoo to saimong ho 'antole; 'o yohane ho i'o yakovu mo maezo fiho.

³⁰ 'o ba'i to saimong mo seolʉa no na'no cuveu ho oevoi to hopo; ne micu esmi 'o iesu, ihecu'so eʉsvʉta to iesu na a'a'ausna to tma'congosi.

³¹ isi usa to iesu ho aiti, tiemuca ho ec'ʉvi. micu tosvo 'o cuveusi, cu yʉc'ʉ ho aʉt'ʉt'ʉca 'omo cmʉcmʉ'ho.

³² cu yofna, ne micu meove 'o hie, 'enepio ci cou ihe hafa 'omo yaa mav'ov'o ci tma'congo ho i'o isi ti'eopi no hicu ci cou ho uhto tuhcu to iesu;

³³ 'o cou to cono hosa mo maezo esmi, yu'eteuyunu to tuhcu to phingi.

³⁴ isi poa yov'o to iesu 'omo mav'ov'o ci tma'congo to cou, yaeza peobanga 'omo 'enepio ci hicu. isi potani hoci ya'ei 'o hicu, maica ihe'so cohivi zou siya 'o iesu.

yone ngalilaya ho psoyaski to e'e

³⁵ taseonasi ne micu hucma, o'a mocu mo tiskova, micu yʉc'ʉ 'o iesu, mongoi to emoo, uhto mo no'caciku ci hpʉhpʉngʉ, yonto ic'o ho 'inoli.

³⁶ mo yuyafo 'o saimong ho i'o 'oahngʉsi ho i'ima 'o iesu;

³⁷ cu elʉa, ihe yainca:

³⁸ yainca to iesu:

³⁹ isicu saingaboa to iesu 'o hpʉhpʉngʉ ta ngalilaya, yonto makakaitoo ho psoyaski to fukuin, a'vinano meobango to hicu.

poa yov'o to iesu 'omo to'ho'ho ci cou

⁴⁰ panto cihi cimo tma'congo no to'ho'ho mo uhto tuhcu to iesu, pop'up'ungu ho mainca:

⁴¹ mo aot'ou 'o himcocoveoi ci 'tohʉngʉ to iesu, isi ho'usneni 'o emucusi ho peuasa, yainca: <'ate'o mimha, nahocu cofkoya!>

⁴² 'o to'ho'ho to feangosi micu osni mongoi, micu cofkoya.

⁴³ isi osnia poa e'ohʉ to iesu, a'vinano bumemeala eutotaveiya,

⁴⁴ yainca:

⁴⁵ at'inghi 'e cou eni ne micu yuyafo, isi psoengongaboa 'e hi'hioa eni, 'amakna o'anamo meelʉ apa'to yʉmeʉmʉ ta hosa 'o iesu, micuc'o moezʉ yonto mo no'caciku to yafana ta hosa; 'emo botngonʉ ci cou mioc'o i'vav'ov'o ta hpʉhpʉngʉ ho biebimi to iesu.