luka 2 - buacou seiso no faeva esvʉtʉ

yayo 'o iesu

¹ ne mio, 'o honte to looma 'aukusutu. mo epeaski ho mashʉyʉ, te acʉha tposi na ongko no macocono emoo ta isi sko'pʉ'pʉya ta hpʉhpʉngʉ ta looma.

² na'e ohola ahoza tposi na ongko no macocono emoo. inemoso la sootoku ne siliya 'o kulenio.

³ mo acʉhʉ maine'e to iachi emooana ho tposi na ongko.

⁴ mo maezo i'mi to hosa to nazalo ne ngalilaya 'o yosefu ho emo'usnu ne yutaya, cu esmi to hosa to tavite, la yainca veculehemu; maica mo'so tma'usnu to suezopʉ to tavite 'o yosefu,

⁵ te iepoepohʉ tmopsʉ no ongko 'o tesi vcongʉ ci maliya. mohcu mahmahafo 'o maliya ne mio,

⁶ nemo seolʉa no yone veculehemu, cu mic'ʉhi 'o hiesi no yayo 'o oko to maliya,

⁷ peyafa 'o pehoza ci okosi, isi cfua to yʉteʉ, siya to teohku no 'uma, maica ho uk'a ci isi peelʉi poa yoneni to toosva.

tensi ho i'o lepocengi moatʉ'nʉ

⁸ to yafana ne veculehemu, piyo cila lepocengi moatʉ'nʉ mo nohi'u, yupaasuski pocengi to moatʉ'nʉ.

⁹ mo aopa'to 'o tensi to nooe'oca; 'o psoevohngʉ to nooe'oca isi akuyungva psoetiskovi 'o lepocengi moatʉ'nʉ, micu acʉhʉ na'no ma'sasmoyo.

¹⁰ at'inghi isi mi'usni to tensi ho yainca: <'ote smoyo! panto te'o eʉsvʉta muu ci mo ʉmnʉ ci e'e; 'e e'e eni tesi hafneni no meoino kokaekaebʉ 'e yatatiskova.

¹¹ maitan'e, ta 'ayumona ta hosa to tavite, 'o leto'usnumu - nooe'oca kilisto micu yayo!

¹² temu aiti 'o cihi ci oko, isi cfua to yʉteʉ ho oevoi to teohku no 'uma; 'aeno ic'o nate poa humzeni muu.>

¹³ akameosʉ, panto botngonʉ ci heetai ne pepe nʉthʉ 'o tensi ho yuyafo, tohmomoengʉ to hamo ho yainca:

¹⁴ na psoevohngʉ te ta'usna to sopepea ci hamo! na moususeomʉ te ta'usna ta isi ʉm'ʉmnʉa ci cou ta ceoa!

¹⁵ ne micu mongoi 'o tensi ho yuovei ne pepe, mo yupa mainca 'o lepocengi moatʉ'nʉ:

¹⁶ micu 'aumeumeusu ho emo'usnu maita'e, elʉa 'o maliya, yosefu, ho i'omo oevoi to teohku no 'uma ci foinana.

¹⁷ ataveisi ne ihecu aiti to lepocengi moatʉ'nʉ, ihecu eʉsvʉta tomo botngonʉ 'o ohe psoecʉ'ha to tensi ci a'a'ausna to oko.

¹⁸ 'o mo tmac'ʉhʉ to e'e to lepocengi moatʉ'nʉ mo acʉhʉ na'no yamci.

¹⁹ 'o maliya isi siya to 'tohʉngʉsi 'e acʉcʉhʉ ci a'a'ausna eni, ho ta'vavoveiya ta'to'tohʉngva.

²⁰ cu emoovei 'o lepocengi moatʉ'nʉ, nomio ta ihe talʉi ho aiti ci hi'hioa ho tohmomoengʉ to hamo, maica ho mo aʉlʉ totiski to ihe eʉsvʉta to tensi 'e mo esmi ci hi'hioa.

tos'ongki ho poa iesu

²¹ ataveisi no miveohi, sʉc'ʉhʉ 'o hiesi no mees'ehonga to oko, cu tos'ongki ho poa iesu; 'e ongko eni ohsi la tos'ongkeni to tensi ne o'amocu moso ngho'ʉ.

sʉ'teni to hamo

²² maito h'oesvʉta to hoolicu to moose, ataveisi no noc'ʉhi 'o hiesi no acocofkoya, hafa to yosefu 'o maliya ho i'o oko ho uhne 'elusalemu, tehe sʉ'teni to nooe'oca 'o oko.

²³ na eni isi poa fiho to hia tmopsʉ to hoolicu: <'e isi pehoza ci oko no hahocngʉ te acʉha sʉ'teni to nooe'oca.>

²⁴ tehe yaeza fihi 'o isi esvʉta to hoolicu, mofi tomo yuso ci puau ho yuso ci oko no hofoyu ho teyai sʉ'ta.

²⁵ ne mio, ta 'elusalemu panto cihi ci cou, zou siimen 'o ongkosi. la einu to hamo ci coumoulʉlʉ, conino tongsoyʉ hoci peelʉi to'usni 'e 'isolaelu. lasi conino no'upi to seilei;

²⁶ isi paavi to seilei 'e 'tohʉngʉsi, cohivi ho o'amocu te mongoi ta tiskova tesi toc'ʉha 'o ohsila teomneni to nooe'oca ci kilisto.

²⁷ i'mi no poot'ova to seilei, mo uhto seiten. ne mio, ihe aʉla pahsaha to maameoisi 'o iesu ho yʉmeʉmʉ, tehe peis'ofeihni 'o isi esvʉta to hoolicu ci hi'hioa.

²⁸ isi pahsaha to siimen 'o oko. tohmomoengʉ to hamo ho mainca:

²⁹ nooe'oca, oskocu peiseafi 'e ohsu la teomneni; maitan'e tekocu poa soanono ho maine'e 'e soskuskunusu.

³⁰ os'ocu aʉla huceoevi 'e to'usnusu,

³¹ 'ai'e oskoeno ayocneni ta yatatiskova:

³² tena tiskova no maavo ta couyafana, tenala psoevohngʉ ta 'o'okosu ci 'isolaelu.

³³ ihe tayamceni ta maameoi ta oko 'o isi engha to siimen cimo natʉ'ca ta oko ci hi'hioa.

³⁴ isi tooyokeoi to siimen, a'vinano mi'usnu to ino to oko maliya ho yainca: <'e oko eni isi epeiya to hamo, tesi poa botngonʉ ci cou ta 'isolaelu te meaapayo'ʉ, botngonʉ nate noa to'usni. tehe yaeza mi'usni ho eayaezoya tamo botngonʉ ci cou,

³⁵ te i'mizi no eceofi na mʉ'eona no 'tohʉngʉ tamo maica ci cou. na nac'o te mais'a feofeo ci poyave ho hopaezumi na 'tohʉngʉsu.>

³⁶ panto cihi ci eyongensa no mamespingi, zou 'anna 'o ongkosi, zou oko no mamespingi to faneili ci suezopʉ to 'aso. micu na'no mameoi, moso la mevcongʉ, toptuha ho mosola noepohʉ 'o vcongʉsi,

³⁷ ataveisi mohcula tuvcongʉ, micu tomvoevʉha uspotʉ maitan'e. o'amoso la ahtu mongoi to seiten. huhucmasi m'ohkuyu to hamo, tanzi, ho 'inoli.

³⁸ tuhcusi ne mio, mo maezo esmi, tohmomoengʉ to hamo, a'vinano mi'usnu tamo afu'u mooteo no to'usni no hamo ci yata 'elusalemu ho eʉsvʉsvʉta na a'a'ausna ta oko.

yuovei ne nazalo

³⁹ aepʉnga hioa to yosefu ho maliya 'o isi afu'a esvʉta to hoolicu ci nte hi'hioa, cu emomaine'e ne ngalilaya. yuovei to lahe anana'va 'oyona ci nazalo.

⁴⁰ ausuhcu yusasmoyʉskʉ 'o oko, yʉʉlʉlʉ ho moutʉs'ʉ; 'o mengumi to hamo lasi asngʉcva no'upi.

yonto seiten 'o oko iesu

⁴¹ 'o maameoi to iesu. la totovaha uhne 'elusalemu ho noʉyʉcʉ to meem'esa'o.

⁴² ne moso tomaska ueso 'o iesu, maito la anana'va hioa ho toa meesi.

⁴³ aepʉngʉ meesi, cu emomaine'e, mamo ma'na'o ne 'elusalemu 'o iesu; o'a ihe cohivi to maameoisi,

⁴⁴ ihe ta'unano mo to'ofeihni tomo botngonʉ ci cou, cu aʉlʉ cono hie homo coeconʉ. ihecu ahoza i'ima to 'ayumona to 'oahngʉhe.

⁴⁵ o'a ihe elʉa, micu yuovei ne 'elusalemu ho i'ima.

⁴⁶ cu aamzo miteuhi, petohʉya elʉa to 'ayumona to seiten. mo seolʉa no sutaico to masesensei ta yutaya, la tmalʉ ho tuucocosʉ;

⁴⁷ 'omo afu'u tmalʉ ci cou. mo acʉhʉ tmayamci to hiasi emau'to'tohʉngʉ ho yuutut'inghi.

⁴⁸ ihe aiti to maameoisi, mo na'no mau'no'na'o. isi mi'usni to inosi ho yainca:

⁴⁹ yut'ingi 'o iesu:

⁵⁰ at'inghi o'aihe asansana na e'a'ausna ta e'esi.

⁵¹ micu fiho to maameoisi 'o iesu ho maine'e ne nazalo, la aa'pucu meot'ʉt'ʉcʉ to maameoisi, 'o inosi isi acʉha angongohia ho siya ta 'tohʉngʉ 'e acʉcʉhʉ ci hi'hioa.

⁵² 'o feango ho moutʉs'ʉ to iesu. mo yuatatiski yusuhci, noa a'ʉmta angongohia to hamo ho ita cou.