luka 1 - buacou seiso no faeva esvʉtʉ

ehoi

¹ einva ci ti'afuilo: micu 'enepio ci cou 'omoso tmopsʉ to tposʉ, psoyom'a 'emo esmi ta taicoto ci hi'hioa.

² 'o hiahe psoyom'o mo i'tohungu to ohela ahoza to ahoisi ho aʉla huceoevi ci hi'hioa, a'vinano etoyangza to moso la psoyaski ta e'e tan'e.

³ acʉcʉhʉ na eni o'ucula i'momhoma bumemeala eseiseita, ko'ko os'o yainca te'o etotoyangza ho mi'usnu suu ho eʉsvʉta,

⁴ na atuhcusi te poa cohivneni suu 'e ohsula yoyayaeza ci ceonʉ ho mio emio.

eyoca hote yayo 'o letoonono yohane

⁵ ne ohsin'a aʉt'ʉca to honte helote 'o yutaya, panto cihi ci saisi, zou zakalia 'o ongkosi, mo tma'usnu to saisi ci 'apia; zou 'ilisape 'o ongko to vcongʉsi, maezo mʉntʉ'ca to suezopʉ to 'along.

⁶ holasi aiti to hamo, mo aepohʉ mousngʉcʉ ci cou, ayʉyʉcʉ ho noyʉci 'o h'oesvʉta ho h'ofiha to hamo.

⁷ uk'a ci okohe; maica mo maitola o'te mev'ohʉ no oko 'o 'ilisape, aavaho cu aepohʉ mameoi 'emo yoso.

⁸ moso conci hie, seolʉa no yaahioa to seiten 'o zakalia, yonto tuhcu to hamo ho hioa 'ola hi'hioa to saisi.

⁹ maito lahe at'oca ci h'ofiha, to ataveisi no yu'siseiti, te meelʉ uhto seiten ho phomeo to hiu.

¹⁰ nemo seolʉa no phomeo to hiu, mo yonto yafana 'omo botngonʉ ci cou ho 'inoli.

¹¹ akameosʉ, panto tensi to nooe'oca mo yac'ʉ to vhona to 'oyona sʉ'tʉ ho aopa'to;

¹² isi teolʉi to zakalia, mo yamci ho ngoheʉngeʉ.

¹³ at'inghi isi mi'usni to tensi ho yainca:

¹⁴ teko 'aveoveoyʉ ho kokaekaebʉ; botngonʉ ci cou te maezo nomio hote yayo ho 'aveoveoyʉ.

¹⁵ ho lasi aiti to hamo, mo cihi cite taunona'vʉ ci cou. o'ala mimo to afu'u emi, ne moson'a ngho'ʉ isicu nongcʉngci to seilei.

¹⁶ tesi eahafa 'omo botngonʉ ci cou'isolaelu ho meeyovei to nooe'oca - to hamohe.

¹⁷ te papoevʉ to nooe'oca, 'ʉteʉ ho yaa tonʉa, mais'a 'o eyongensa 'iliya. tesi i'momhoma poa nanghia 'o amo ho 'o'oko, poa ma'vovei 'ola yu'hango, mito ceonʉ no toutʉs'ʉ ho coumoʉlʉlʉ; tesi to'usni 'e yatatiskova ho yungeou to nooe'oca.>

¹⁸ mi'usnu to tensi 'o zakalia ho yainca:

¹⁹ yainca to tensi:

²⁰ at'inghi, maica osko o'te taa'uiva 'e e'e'u, ho tac'u mic'ʉhi 'e hie ho esmi 'e isi engha, teko tmusngʉsngʉ, ac'ʉhʉ no hiesi ho tac'u esmi 'e os'o teomneni.>

²¹ ne mio, ihe toehunga totea 'o zakalia, o'a ihe cohivi mo mainci na'no noana'o ma'na'o to seiten.

²² ne micu yuyafo, o'amo meelʉ aomotʉ'ʉ tamo botngonʉ, ihecu cohivi homo baito no mavolosi homo yonto seiten. ho o'amo meelʉ aomotʉ'ʉ, c'o moezʉ boemi to emucu ho mi'usnu to botngonʉ ho meuoloʉngʉ.

²³ ne micu noc'ʉhʉ 'o hiesi homo yaahioa to seiten, cu maine'e 'o zakalia.

²⁴ o'amo noana'o, 'o vcongʉsi ci 'ilisape cu a'ʉmtʉ ngangho'ʉ, eimo no feohʉ ho o'amo emoyafo to phingi.

²⁵ isi yainca:

eyoca hote yayo 'o iesu

²⁶ ne micu nomʉ no feohʉ 'o ngho'ʉ to 'ilisape, isi popeoskuna to hamo 'o tensi kapele ho uhtola yainca nazalo ci hosa ne ngalilaya,

²⁷ te evahi no e'e 'omo cihi ci oko no mamespingi, zou maliya 'o ongkosi; 'e oko no mamespingi eni. mohcula yupa esvʉtʉ no navconga 'o cono suezopʉ to tavite ci isi yainca yosefu 'o ongkosi.

²⁸ mo uhto tuhcu to mamespingi 'o tensi. yainca:

²⁹ i'mi to e'e to tensi, mo na'no yamci 'o maliya, ta'vavoveiya na e'ausna ta tuasoanono to tensi.

³⁰ isi mi'usni to tensi ho yainca:

³¹ teko ngangho'ʉ ho peyafa 'omo cihi ci oko, teko tos'ongki ho poa iesu.

³² tena taicini ci cou, tenala yainca oko to sopepea ci hamo. 'o nooe'oca - hamo tesi p'eyac'a ho poa suuski to suoca'ha honte to nia maameoisi ci tavite.

³³ te 'auesiesi honte to cono emoo to yakovu, na tonʉ to hpʉhpʉngʉsi uk'a ci tesi noca'cʉ'hi!>

³⁴ mo mi'usnu to tensi 'o maliya ho yainca:

³⁵ yut'inga to tensi:

³⁶ aiti 'o 'oahngʉsu ci 'ilisape, cu e'vono mameoi, lahe yainca o'anate meelʉ yaaokoa, at'inghi micu nomʉ no feohʉ 'o ngho'ʉsi maitan'e.

³⁷ maica 'o hamo uk'a cimo coni ci o'a tesi peihcʉ'hi ci hi'hioa.>

³⁸ yaica to maliya: micu mongoi to maliya 'o tensi.

baito to maliya 'o 'ilisape

³⁹ o'amo noana'o, cu e'ohʉ 'o maliya, 'aumeumeusu emo'usnu to mia'usnu to hcuyu, cu sʉc'ʉhʉ to mo conci hosa to yutaya.

⁴⁰ mo yʉmeʉmʉ to emoo to zakalia, mi'usnu to 'ilisape ho tuayokeo.

⁴¹ ne isicu talʉi to 'ilisape homo tuayokeo 'o maliya, micu aha'o aot'ou 'o ngho'ʉsi. isi nongcʉngci to seilei 'o 'ilisape.

⁴² tmunoi moozoyʉ:

⁴³ homo uhtan'e ho baito a'o 'e ino ta nooe'oca, ma te'oeno'so pasvo'ha?

⁴⁴ ne os'ocu talʉi ne miko tuayokeo, co ngho'ʉ'u micu bi'po'potʉ ho kokaekaebʉ.

⁴⁵ namo asansano tmaa'uzo hote esmi na e'e to nooe'oca ci mamespingi mo a'ʉmtʉ ʉm'ʉmnʉ!>

tohmomoengʉ to nooe'oca 'o maliya

⁴⁶ yainca to maliya: mo einu to nooe'oca co 'tohʉngʉ'u;

⁴⁷ co piepiya'u la nomio to hamo - to leto'usnu ci nooe'oca'u ho kaebʉ;

⁴⁸ maica ho lasi ta'cingha 'e soskuskunu nosi mamespingi. ahoi maitan'e. tehe toehunga yainca ta yatatiskova mi'o ʉm'ʉmnʉ,

⁴⁹ maica 'o sotonʉa ci hamo isi aepʉnga ta feango'u 'emo someoisa ci hi'hioa. na ongkosi mo socofkoya;

⁵⁰ la mi'usnu tamo einu to ongkosi ci cou ho pafi no himcocoveoi, acngucnguhu uk'a noc'ʉhi.

⁵¹ lasi hoʉsʉzneni 'o yaa tonʉa ci emucusi. popeoemo'a 'o lahe ta'koeva ci 'tohʉngʉ tola bobitano.

⁵² 'omo sotasoa ci honte isi popeoha to suoca'hasi; isi ec'ʉvi 'ola noaceaco ci cou.

⁵³ 'ola sieo ci cou lasi poa yoseʉ to mafe ci 'oanʉ, poa psasayae maine'e 'omo yuyupasʉ ci cou.

^54-55 isi noyʉci 'o ohsila afu'a teomneni to nia maameoito ci e'esi, e'oca 'o soskuskunusi ci 'isolaelu. isi ta'cingha 'o 'avulahamu, mi'usni ho pafeni na himcocoveoisi, a'vinano ac'ʉha to mʉntʉ'casi, ac'ʉhʉ no 'auesiesi!

⁵⁶ mo asonʉ tuyu no feohʉ homo no'upu to 'ilisape 'o maliya, ataveisi cu maine'e.

yayo 'o letoonono yohane

⁵⁷ micu mic'ʉhi 'o hiesi no yayo 'o ngho'ʉ to 'ilisape, cu yayo 'o mo cihi ci oko no hahocngʉ.

⁵⁸ ihe tac'ʉhi to ehuehungusi ho ito 'oahngʉsi ho isi fii tamo maica meoino mengumi to hamo, mo maezo acʉhʉ toehungu 'aveoveoyʉ.

⁵⁹ miptuhi ne mohcu yayo 'o oko, ihecu hioa 'o mees'ehonga, a'vinano 'ucia e'ofeihna to ongko to amosi ho poa zakalia.

⁶⁰ at'inghi isi yainca to inosi:

⁶¹ ihe mi'usni to 'oahngʉsi ho yainca:

⁶² ihecu peuoloʉngva 'o amosi, tuocosi cuma na tesi poa ongkoneni ta oko.

⁶³ micu m'ene to h'atpʉskʉ no taopica 'o zakalia, isi tposi ho yainca: <'o tesi ongko zou yohane.> ihe toehunga na'na yamceni.

⁶⁴ tuhcusi ne mio, cu ivaho meelʉ aomotʉ'ʉ 'o zakalia, cu maavo 'o ngayosi ho tohmomoengʉ to hamo.

⁶⁵ mo acʉhʉ na'no yamci 'o ehuehungu. 'e eni micu psoengaboa to mia'usnu to mauhcuhcuyu to yutaya;

⁶⁶ i'o mo tmac'ʉhʉ mo acʉhʉ mainca no koyuhe: maica isi husansana ho isi no'upi no tonʉ to hamo.

eyongen to zakalia

⁶⁷ 'o amo to yohane zakalia isi nongcʉngci no seilei, cu psoecʉ'ha 'o e'e to hamo, yainca:

⁶⁸ teto'so tohmomoengʉ to nooe'oca - hamo ta 'isolaelu! isi mʉʉt'ʉci 'e mao'o'okosi, psoevoyunga 'e 'o'okosi.

⁶⁹ isi i'mi ta emoo to soskuskunusi ci tavite, nomio a'to ho p'eyac'a 'emo cihi ci yaa tonʉ ci leto'usnu.

⁷⁰ ne noana'o, ohsicula ieni to eyongensa to hamo ho yainca:

⁷¹ tesi to'usni a'to ho poa momeesih'i to hangʉ, poa momengvo'ʉ no tonʉ tola afu'u mihango a'to ci cou.

⁷² te mi'usnu to nia maameoito ho hioa na meoino himcocoveoi, a'vinano talʉa na cofkoya ci ohsila esvʉta.

^73-75 isi teomneni to nia maameoito ci 'avulahamu. esvʉta ho to'usni a'to ho poa momengvo'ʉ no hangʉto. ta conoto yunsou. o'te poa ngoheʉngeʉ hote yonto tuhcusi. boemi no socofkoya ho mousngʉcʉ ho fifiho to hamo.

⁷⁶ oko'u, teko noa yainca zou eyongensa to sopepea ci hamo. teko papoevʉ to nooe'oca. ayocneni no tesi miya ci ceonʉ;

⁷⁷ la eʉsvʉta to 'o'okosi: maica ho isicu peteongasa na kuisihe, te meelʉ noa to'usni.

⁷⁸ 'o hamoto mo ma'cocacni ho himcocoveoi; isi poa psoecʉ'heni to tiskova no mengumisi a'to,

⁷⁹ isin'a i'mi ta pepe ho psoetiskovi 'emo afu'u yaansou ta isi pe'ongki no mcoi ci cou, engocha a'to ho poa smaimio no moususeomʉ ci ceonʉ.

⁸⁰ micu ausuhcu yusasmoyʉskʉ 'o oko, yuayayokeo 'e feango ho 'tohʉngʉsi. la yone maepuepuhu, ac'ʉhʉ ne mohcu la apa'to aut'ot'ou ta taico ta 'isolaelu.