looma 8 - buacou seiso no faeva esvʉtʉ

no'ayumonʉ to seilei ci h'oyunsova

¹ maitan'ecu, i'omo yaansou to 'ayumona to kilisto iesu ci cou o'ate topci no kuisi.

² maica 'o p'ofiha to seilei, 'ai'omoeno poa i'upu to kilisto iesu ho toehungu mayo no nsou, isicu i'mi to p'ofiha to kuisi ho ito mcoi hocu psoevoyunga a'to.

³ 'o hoolicu to moose maica mo i'mi no yu'ausna no yoz'u ta cou ho o'te peihcʉ'hi, isicu invonva aepʉnga to hamo. isi popeoskuna 'o iachisi oko, poa yaa totiski a'to ci yu'ausna no kuisi, akoeva no yʉsvʉta 'e yu'ausna no kuisi ta cou, hocu toveuca 'e kuisi.

⁴ ho isi yaica to hamo te poa esmi ta feango ta o'amito meo'uzo to emzosi to hoolicu, hoc'o meo'uzo to seilei ci cou.

⁵ mo'so maica, nala meo'uzo no yu'ausna ta cou la ma'usnu nola hioa ta feango; nala meo'uzo no seilei ci cou la ma'unu no lasi hioa to seilei.

⁶ nala ma'unu ta feango te mcoi; nala ma'usnu no seilei te yaa nsou ho soanono.

⁷ ko'koeno, nala ma'usnu ta feango ci cou la nahanga 'o hamo; maica ho o'ala meo'uzo no p'ofiha to hamo, a'ʉmtʉsi o'ate meelʉ meo'uzo.

⁸ nala meo'uzo ta feango ci cou o'ate meelʉ noa ʉm'ʉmnʉa to hamo.

⁹ inacu muu, ho mioeno yonta 'ayumonamu 'o piepiya to hamo, na h'oyunsovamu o'ana tesi eahahafa ta feango, lac'o tiou no atʉkca to seilei. namo uk'a piepiya to kilisto ci cou o'ate tma'usnu to kilisto.

¹⁰ at'inghi, hoci no'ayumonʉ muu 'o kilisto, 'upena hoci nomio no kuisi ho mcoi 'e feangomu, tesi poa yaansou to piepiya to hamo na muu, mo maica ho isicu poa coumoʉlʉlʉ to hamo na muu.

¹¹ 'o piepiya to hamo isi poa i'mi to mcoi ho smoevovei 'o iesu; hoci no'ayumonʉ muu 'e piepiya eni, 'emoso i'mi to mcoi ho poa smoevovei 'o kilisto ci hamo, tesi yaeza ieni tomo no'ayumonʉ muu ci seilei, pafeni tate ahtuo'te kuzo ci feangomu 'e nsou.

¹² i'mi tan'e, maanat'ohaesa, mito yaa yuevaha, at'inghi o'amito yuevaho ta yu'ausnato, hon'a eahafa ta yu'ausna.

¹³ hocimu meo'uzo ta yu'ausna, 'ate ahtuo'te mcoi; hocimu noe'ocʉ to seilei ho aapayo'a na peiskuisi, 'ate ahtuo'te yaansoua.

¹⁴ nala afu'u noa eahafa no piepiya to hamo ci cou zou acʉhʉ 'o'oko to hamo.

¹⁵ maica'sio, na lasi pafeni to hamo ci piepiya o'atesi soskuskunu na muu, hoc'on'a asngʉcʉ yono ma'sasmoyo, matesi poa yaa tma'upu no ongko no 'o'oko to hamo na muu. ieni to seilei, tetocu eyoho'ʉ to hamo ho mainca:

¹⁶ na piepiya to hamo ho ina piepiyato te iepoepohʉ soomei ho zou 'o'oko to hamo na a'to.

¹⁷ ho zoueno 'o'oko to hamo, tetocu tma'upu no ohsila ayocneni to 'o'oko to hamo ci ʉm'ʉmnʉ, maezo tma'upu no ohsi songacveni to kilisto; maica, hocito mako e'paevai no 'atutumzo to kilisto, tetocu maezo tma'upu no psoevohngʉsi.

psoevohngʉ no noana'o

¹⁸ os'o yainca no koyu'u, 'e ito esmiza ci 'atutumzo maitan'e. hoci patotiska 'e isi hupopayoi ci tenala faeni a'to ci psoevohngʉ ho noana'o. mate ahta tamza no cuma.

¹⁹ acʉcʉhʉ 'e ohola teyai mo acʉhʉ tongsoyʉ no mingeou to psoevohngʉ to hamo hoci i'mi ta mao'o'okosi ho epa'teni.

²⁰ maica aucunu 'e ohola afu'a teyai micu acʉhʉ sveepʉ, mioeno i'mi no koyusi, mo i'mi no 'tohʉngʉ to hamo. at'inghi, 'e ohola teyai mioc'oso a'cʉ'cʉnʉ mingeou,

²¹ tenala yaa hiesi no momempuesu tate kuzo ci poomʉtʉ, meelʉ i'upu to 'o'oko to hamo ho tma'upu nomo taotofsi'i ci ziu.

²² ito cohivi, ac'ʉhʉ maitan'e, 'e ohola afu'a teyai mo acʉhʉ teoecengi, mais'a mo esmi no 'atutumzo hote yayo 'o foinana.

²³ o'a anouc'o 'e ohola teyai namo maica, 'e mito elʉ tamo ahoi fafʉhʉ ci beahci, 'aeno 'emo elʉ no seilei ci cou, leac'o maezo e'ʉyʉ ho teoecengi 'e 'tohʉngʉ, mooteo hocisi tiova to hamo ho teyai 'o'oko a'to, poa ziu 'e aucunu ci a'o.

²⁴ maica, i'mi no mingeou, mito elʉ no to'usni. inala teolʉi ci mingeou. o'ate tamza no mingeou. siya nate mingeou no isicu teolʉi?

²⁵ hocito mingeou no o'amocu isi teolʉi, 'ateto ahtao'te uveica totea.

²⁶ totiski, 'e yoz'uto panto seilei cimo to'usnu. o'aohtola cohivi te mainenu nate hia 'inoli; at'inghi i'o seilei mo boemi to o'aisi peelʉi yomza no e'e ci e'ʉyʉ ho mi'usnu to hamo ho eoho'neni a'to.

²⁷ i'ola smo'eusoyʉ ta 'tohʉngʉ ta cou ci hamo isi cohivi na 'tohʉngʉ to seilei, maica 'o seilei la fiho no 'tohʉngʉ to hamo, 'inolineni 'e 'o'okosi.

²⁸ ito cohivi, lasi poa yupa totoe'ocʉ to hamo 'emo mav'ov'o ci hi'hioa, poa elʉ no ʉmnʉsi 'emo himngonghi to hamo ci cou - 'ai'o isieno ieni to 'tohʉngʉsi ho eyoho'a ci cou.

²⁹ maica isi ayoca cohivi to hamo, isi ayoca epeiya, poa yaa totiski ci yu'ausna to okosi, ko'ko meelʉ yonta cono emoo to sinto 'o okosi ho sutmoyaevonʉ.

³⁰ 'o isi ayoca epeiya to hamo ci cou, isi eyoho'a; 'o isi eoho'a ci cou, isi esvʉta ho poa coumoʉlʉlʉ; 'o isi esvʉta ho poa coumoʉlʉlʉ ci cou, isi poa tma'upu no psoevohngʉ.

'o himngonghi to hamo mo i'mi to iesu ho peiseafi

³¹ homoeno maica, nteto peelʉi av'a? hoci bi'usnu a'to 'o hamo, siya nate meelʉ mihango a'to?

³² isi ac'ʉha to okosi ho o'te ngohia, faeni ta mito botngonʉ. homoeno maica, o'atesis'aeno yaeza acʉha taha'veni a'to 'e aʉcʉcʉhʉ?

³³ siya nate meelʉ ehpʉngʉ ta isi epeiya to hamo ci cou? isicu esvʉta to hamo ho yainca uk'aci kuisihe!

³⁴ homo maica, siya naten'a topco no kuisihe? o'ai'os'a kilisto iesu! 'o iesu zou 'o mohcula mcoi, a'ʉmtʉsi, nte'o yainca i'o mohcu smoevovei, ho seolʉa no yonto vhona to hamo ho mi'usnu to hamo ho 'inolineni a'to!

³⁵ homicueno maica, siya nate meelʉ tohesi a'to to himngonghi to kilisto? zou ngoveo? zou 'atutumio? zou akuzkuzoa? zou sieo? zou thi'cia? zou sokoeva? zou tiopoyavneni?

³⁶ mais'a 'o isi yainca to seiso: nomio suu, lamza conconohie yonta mo mcoi ci a'a'ausna; lahe hu'u'usna notena chua ci moatʉ'nʉ a'mi.

³⁷ acʉhʉ o'asa'a. yonta acʉcʉhʉ ci hi'hioa tan'e, mimza noe'ocʉ tomo himngonghi a'mi ci nooe'oca mimzacu a'sʉftonʉ atpʉtʉ!

³⁸ maica os'o asansana taa'uzva, uk'acite meelʉ tohesi no himngonghi to hamo. 'upena na mcoi, yaansoua; na tensi. nala atʉkcʉ ta moipiepiya; maitan'e, hocieno ho noana'o;

³⁹ ne pepe, ne moumsʉ'eonʉ; ta 'aymona ta ohola afu'a teyai ci mouhpʉhpʉngʉ, uk'a ci conci hi'hioa te meelʉ tohesi no ohsi ieni to nooe'oca kilisto iesu ho faeni a'to to hamo ci himngonghi.