kolinto 1 5 - buacou seiso no faeva esvʉtʉ

smoc'ou ci hi'hioa ta 'ayumona ta kiokai

¹ os'o asansana tac'ʉhi mo yaa smoc'ou ci hi'hioa ta 'ayumonamu; 'emo maica ci smoc'ou o'a lahe h'unasa uveica to o'ala tmaa'uzo ta kiokai ci cou. os'o tac'ʉhi pano la noepohʉ na pop'einoasi!

² cuma na temun'a peelʉi etanveni? mantemu apuyu cong'e 'tohʉngʉ, saapayo'a ta taicomu emoo peismi tamo maica ci cou.

^3-4 inacu a'o, e'vono na'no nomcovhi muu 'e feango'u, na 'tohʉngʉ'u la no'upu muu. mi'ocu boemi to ongko to nooe'oca iesu ho yʉsvʉta 'emo peismi tamo maica yaa kuisi no smoc'ou ci cou, totiski no mais'a mi'o no'upu muu. ho lamu yu'eteuyunu, la maezo no'upu muu co 'tohʉngʉ'u. noe'ocʉ to tonʉ to nooe'ocamia ci iesu,

⁵ 'antemu faeni no satan 'e cou eni. poa aapayo'neni no satan 'e feangosi. teeno peelʉi to'usni na piepiyasi ho tena yuovei 'o nooe'oca.

⁶ o'amo emio ho mimu etano! imu cohivi pantomo maica ci e'e: <'omo okosi ci smoof'o tasi aucunva poa smoesuhcu 'o tungva.>

⁷ te acʉha toʉlʉi 'o noana'o ci smoof'o no kuisi, temucueno a'sʉftonʉ cofkoya. maicac'o, temucu mais'a uk'a smoof'o ci faeva ci tungva; a'ʉmtʉsi, mantemu anana'o uk'a smoof'o. i'ote eabobonʉa to meem'esa'o isicu ae'ayoca, i'o moatʉ'nʉ to meem'esa'o ci kilisto micu mcoi ho sʉ'teni 'o feangosi.

⁸ ko'koeno, ho teto noyʉci 'e meesi eni, o'ate titho nomo noana'o ci smoof'o, 'ai'oeno mo yaa smoof'o no kokuzo, te tithohe to o'amo yaa smoof'o ci pang, 'ai'o moeno yaa cofkoya ho so'emio ci pang.

⁹ to o'ula pa'i'usna muu ci tengami ne auyusi, o'ucu etngoeva muu ho yainca 'otela yupa'u'uso 'ola smoc'ou ci cou.

¹⁰ o'as'a i'ola smoc'ou, ma'konvosʉ, meo'eoi, hocieno m'ohkuyu to uacoua ci o'ala tmaa'uzo ci cou na os'o mituhci; mac'o ci mongoi ta hpʉhpʉngʉ, o'ate peihcʉ'hi hoci aʉlʉ yupa ateno tamo maica ci cou.

¹¹ na a'ʉmtʉ'u 'tohʉngʉ: 'otela yupa'u'uso 'ola iachi mainca zou sinto ho peis'usnu no smoc'ou, ma'konvosʉ, m'ohkuyu to uacoua, 'o'ekvo'ʉ to mocmo, momoyomo, hocieno meo'eoi ci cou; ac'ʉhʉ no o'ate to'upu bonʉ tamo maica ci cou.

^12-13 'e te'o hioa o'amo yono yʉsvʉtʉ no cou ta yafana ta kiokai, tasila iachia yʉsvʉta to hamo. at'inghi. o'antemus'aeno yʉsvʉta 'e cou ta 'ayumona ta kiokai? aʉlʉ mais'a 'o isi yainca to seiso: