kolinto 1 3 - buacou seiso no faeva esvʉtʉ

toehungneni yaahioa to hamo

¹ maanat'ohaesa, emza no a'ʉmtʉsi, cono hola'u mi'usnu muu ho ya'ei, o'amocu te ahta tamza no mimucu tma'usnu to seilei, ma os'oc'o ta'upa no mimu tma'usnu ta hpʉhpʉngʉ, ta singkoo to kilisto zouc'on'a foinana.

² te'oc'on'a paun'a na muu, o'amocu te p'ani no naveu, maica ho o'amocu mimu meelʉ bonʉ no naveu. 'upenaeno maitan'e, o'amocu temu h'unano meelʉ bonʉ no naveu,

³ maica mimuc'on'a asngʉcʉ fiho no svʉta ta cou ho yunsou. ta taicomu lean'a yaa smo'eubot'u, yaa youbobai; o'ates'aeno peelʉi soomei tan'e ho mimun'a tma'usnu ta hpʉhpʉngʉ, fiho ta svʉta ta cou ho yunsou?

⁴ ta taicomu. pantola mainca: ; pantola maezo mainca: . maicac'o, cuma na o'a mimu totiski tamo tma'usnu ta hpʉhpʉngʉ?

⁵ te tamza no cuma 'o 'apolo? tamza no cuma 'o poolo? 'amimzac'oeno noa soskuskunu to hamo, te engocha muu ho poa tmaa'uzo to hamo. 'e mimza macicihi ci cou moc'o acʉhʉ fiho no lasi skueni to nooe'oca ho yaahioa:

⁶ os'o emʉ'a, isi cohmi to 'apolo, at'inghi inamo poa yusuhci 'ai'oeno hamo.

⁷ inamo emʉm'ʉ ho inamo cohmo te koacuma; acʉcʉhʉ mo yono mo himhohioa ho poa yusuhci ci hamo.

⁸ i'omo emʉm'ʉ ho i'omo cohmo o'amo nama yupa naskuca, 'o hamo tesi ieni no ihe hioa ta macicihi ho tohnoi.

⁹ lasi toehungneni yaahioa to hamo a'mi; zou ezoezoyʉ to hamo na muu. isi yaeza p'eyac'a to hamo ci emoo na muu.

¹⁰ os'o titha 'o isi faeni a'o to hamo ci mengumi, mais'a cihi ci lemooyai emoo ho teongfongfeni no totnguca, tec'u yonta skoskopnasi na mocmo ho eemo. at'inghi 'emo macicihi te ianan'ou bumemealʉ te mainenu nate hia m'eac'ʉ ta skoskopna ta totnguca.

¹¹ maica 'o hamo isicu p'eyac'a 'o iesu kilisto ho teyai 'e moc'o aʉlʉ coni ci totnguca, uk'a cite meelʉ m'eac'ʉ nomo h'unasi ci totnguca.

¹² ta skoskopna ta totnguca tan'e. panote boemi to king ho nging, ho ino hooseki ho m'eac'ʉ no emoo; panto te boemi to evi, kukuzo, yas'i ho m'eac'ʉ no emoo.

¹³ ho tac'u esmi na hiesi no yʉsvʉta, na hia ʉmnʉ no isi teyai tamo macicihi tena acʉha hupopayoi; maica ina yafeu ci puzu tasi hʉsvʉta ho poa payoa na isi teyai tamo macicihi ci cou, tec'u yuyafoa namo a'ʉmtʉ ʉmnʉ.

¹⁴ 'e isi teyai ci emoo hoci yuszozʉ no hʉsvʉta no yafeu, tec'u meelʉ mayo no hnoo.

¹⁵ 'e isi p'eyac'a ci emoo hoci hoapayo'ʉ ta puzu, tesi a'hi'hisa. at'inghi te elʉ no to'usni, mais'a mo totiski no moso i'mi no puzu ho pkaako.

¹⁶ 'atemu ahtao'te cohivi, na muu zou seiten to hamo, na piepiya to hamo mo no'ayumonʉ muu.

¹⁷ ko'koeno, hoci panonte eon'oi ta seiten to hamo, 'atasi ahtao'te aapapayo'a to hamo 'e cou eni; maica 'e seiten to hamo mo socofkoya, na muu 'aeno seiten to hamo.

¹⁸ 'e cou o'ate peknui 'e iachi. ta taicomu hoci panonte fiho ta svʉta ta yatatiskova ho iachi ma'unano mo yaa moutʉs'ʉ, nte apuyu ʉmnʉ hoci nongonongo, tec'ueno a'ʉmtʉ yaa moutʉs'ʉa.

¹⁹ maica 'ela ma'unano mo yaa moutʉs'ʉ ta hpʉhpʉngʉ, ho lasi aiti to hamo. mo nongonongo. aʉlʉ maito isi yainca to seiso: <'o hamo isi poa mumzo to iachihe kuici koyu 'omo moutʉs'ʉ ci cou.>

²⁰ 'omo zocni ci seiso isi yainca:

²¹ ko'koeno, 'upena na siya o'ante etanveni 'e tec'o peelʉi peihcʉ'hi ta cou ci hi'hioa. na a'ʉmtʉsi. 'aimueno tanua 'e acʉcʉhʉ.

²² poolo, 'apolo, petelo, 'e hpʉhpʉngʉ eni, yaansou ho mcoi, maitan'e ho noana'o, 'e acʉcʉhʉ eni zou acʉhʉ nuumu;

²³ na muu mimu tma'usnu to kilisto, 'o kilisto mo tma'usnu to hamo.