kolinto 1 12 - buacou seiso no faeva esvʉtʉ

mengumi to seilei

¹ maanat'ohaesa, e'usna no mengumi to seilei, os'o tata'za hocimu acʉhʉ bochio.

² ne mohmun'a tmaa'uzo to lahe peepeeseni to couyafana, la conino noa e'usna tomo emopeu ci ceonʉ, noa skotpʉta to o'amo yaansoua ci uacoua.

³ te'o eʉsvʉta muu, nala afu'u noa poot'ova to piepiya to hamo ci cou o'ate ahtu mainca . totiski, hocisi o'te eahafa no seilei, maezo uk'a cite meelʉ mainca .

⁴ mo mav'ov'o na mengumi. at'inghi isic'o acʉha pafeni tamo cihi ci seilei;

⁵ mo mav'ov'o na fifiho. at'inghi isic'o pafeni tomo cihi ci nooe'oca;

⁶ mo mav'ov'o 'ola hioa. at'inghi isi pafeni to moc'o cihi ci hamo na tonʉ no yaahioa.

⁷ akoeva no acʉha poa mayo no ʉmnʉsi. 'o seilei homo yonta feango tamo macicihi, mo maezo mav'ov'o na isi epa'teni.

⁸ 'o seilei isi pafi no moutʉs'ʉ ci e'e 'emo cihi, totiski ci seilei isi pafi no mau'to'tohʉngʉ ci e'e 'emo h'unasi ci cou.

⁹ totiski ci seilei isi pafi no singkoo 'emo cihi ci cou, pafi no tonʉ no aotothomʉ 'emo h'unasi ci cou.

¹⁰ 'o seilei isi pafeni ta cou tan'e na tonʉ no po'e, pafeni ta cou ta'e na mengumi no meemealʉ evaho no e'e to hamo, pafeni nomo cihi na tonʉ no bohbohngʉ no moipiepiya, isi faeni tamo h'unasi na tonʉ no epiepiya, isi i'vaha faeni tamo cihi na tonʉ no evaho tamo epiepiya.

¹¹ at'inghi, 'e acʉcʉhʉ eni mo i'mi tomo totiski ho aʉlʉc'o cihi ci seilei, isi ieni no iachisi 'tohʉngʉ, pafeni ta macicihi 'emo mav'ov'o ci mengumi.

conci feango man'i ci maesoesou

¹² 'o kilisto mo mais'a conci feango, ho yaa man'i ci maesoesou; 'e feango mo e'vono man'i ci maesoesou, mioc'o cono feango.

¹³ totiski, 'upena hoci zou couyutaya hocieno coungilisia na a'to. tolei hocieno ziu, moc'o acʉhʉ i'mi tamo cihi ci seilei ho tiou no toonono, hocu cono feango, a'vinano toehungu tma'upu ta cihi ci seilei.

¹⁴ 'e feango o'amoc'o anou conci esou, mamo i'mi tamo man'i ci esou hocu meelʉ feango.

¹⁵ hoci mainca 'e t'ango: , o'ate meelʉ i'mi tan'e ho yainca o'a 'oahngʉ ta feango.

¹⁶ hoci mainca 'e koyu: , maezo o'ate meelʉ i'mi homo maica ho yainca o'a 'oahngʉ ta feango.

¹⁷ hocic'o aucunu mcoo 'e feango, teeno meelʉ tmalʉ? hoci aucunu koyu 'e feango, teeno ahtu e'hongʉ?

¹⁸ ko'koeno, 'o hamo isi ieni no iachisi 'tohʉngʉ ho siya ta feango 'emo o'te totiski ci maesoesou.

¹⁹ 'e aucunu ci feango hocic'o conci esou, teeno tamza no feango?

²⁰ a'ʉmtʉsi, mo man'i 'e maesoesou, at'inghi 'e feango moc'o coni.

²¹ ko'koeno, 'e mcoo o'ate meelʉ mi'usnu ta emucu ho mainca: 'e fnguu o'ate meelʉ mi'usnu ta t'ango ho mainca:

²² apuyu, i'ola mais'a mo yoz'u ta maesoesou, la h'unano kuzo hoci uk'a.

²³ ita feangoto, i'ola mais'a ito o'te huecvʉhʉa, namateto afnasa aʉlʉlʉa; i'ola 'oha ʉmnʉ ho isi aiti nteto afnasa aimih'una.

²⁴ i'ola ake'i miyoyonghu o'ate namaci afnasa ayoyonghua. 'o hamo homo maica 'e hiasi matoyange ta maesoesou ta feangoto, 'aisieno apaevazneni nomo asuhcu meoisi ci psoevohngʉ 'e isi ake'a hukuzkuzoa ci maesoesou.

²⁵ ko'ko poa o'te apopaevai 'e cono feango, 'emo mav'ov'o ci maesoesou te meelʉ yupa aʉt'ʉt'ʉcʉ.

²⁶ hoci 'atutumzo 'emo conci esou, 'e afu'u maesoesou te acʉhʉ 'atutumzo; hoci psoevohngʉ 'emo conci esou, 'e afu'u maesoesou te acʉhʉ kokaekabʉ.

²⁷ na muu zou feango to kilisto, 'emo macicihi ci cou zou acʉhʉ maesoesou.

²⁸ ta 'ayumona ta kiokai, isi acʉha poa elʉ note hioa 'emo macicihi; i'o isi sotoyangza: 'emo coni zou sitoo, 'emo yuso zou eyongensa, 'emo tuyu zou lema'cohio; acnguhusi zou la meelʉ peispopo'e, acnguhusi, la yaa tonʉ no aotothomʉ. i'olac'u meemealʉ to'usnu to mocmo ci cou; 'ola meemealʉ tmasusuce to hi'hioa, i'ola meelʉ epiepiya.

²⁹ 'emo maicaci cou o'a acʉhʉ sitoo, o'a acʉhʉ eyongensa, o'a acʉhʉ lema'cohio; maezo o'ate acʉhʉ meelʉ peispopo'e,

³⁰ o'ate acʉhʉ meelʉ aotothomʉ, o'ate acʉhʉ meelʉ epiepiya, o'ate acʉhʉ meelʉ evaho ta epiepiya.

³¹ at'inghi, temu i'ima 'omo atva'esi meoisi ci mengumi. maitan'e te'o pa'cohivneni muu 'emo so'ʉmnʉa ci ceonʉ.