hevulu 4 - buacou seiso no faeva esvʉtʉ

¹ ho isieno teomneni to hamo ho teto tma'upu to isi pafeni ci soanono, manteto yaa ma'sasmoyo ci 'tohʉngʉ, citehes'ala ta'unano pano mimu peispapayo'ʉ, ho o'tena meelʉ tma'upu no soanonosi.

² mitocu totiski ta micu tmac'ʉhʉ to fukuin. ne ohe talʉi 'e e'e, ma'imoso mayo no ʉmnʉsi, maica ne ohecu talʉi o'amo boemi no singkoo ho tiova.

³ 'emito tmaa'uzo ci cou te meelʉ tma'upu no soanono to hamo, aʉlʉ maito isi yainca: mi'o sʉ'no ho esvʉtʉ: tehin'i 'auesiesi o'te tma'upu to te'o pafeni ci soanono! ahoi ne ohsicu teoepʉngi to hamo 'e hpʉhpʉngʉ, e'vono isicu aepʉnga 'o hioasi. mioc'on'a maica 'e e'esi.

⁴ panto isi tposi to seiso ci isi engha na miptuhi, yainca:

⁵ tomo totiski ci hi'hioa to isi titha ci seiso isi i'vaha yainca:

⁶ 'emoso auyu tmac'ʉhʉ ta fukuin ci cou ho o'ate meelʉ tma'upu no soanono, mo maica ho o'amo tmaa'uzo; at'inghi panto h'unasi ci cou mo meelʉ tma'upu to soanonosi.

⁷ isi engha tan'e, 'o hamo maincis'a asvʉtʉ tamo h'unasi ci hie ho yainca . mohcu toaveiveiya isi ieni to e'e to tavite ho yainca. na'e e'e eni isicu tposi to seiso: maitan'e, hocimu tmac'ʉhʉ to fihngau to hamo, o'atemu yameomʉ.

⁸ hoci ohsicu hafa to yosiya 'o yatatiskova ho yʉmeʉmʉ to ohsi teomneni to hamo ci soanono, no ataveisi o'anantesi i'vaha engha to hamo namo h'unasi ci hie.

⁹ yaica ci hia baito. panon'a mocmo ci <'ansokunici>, tesi akoeva no songacveni ta 'o'oko to hamo ci soanono.

¹⁰ maica, namo afu'u yʉmeʉmʉ to ohsi teomneni to hamo ci soanono, 'aisicueno tosveni na iachisi hioa, aʉlʉ mais'a 'o hamo ho isi tosveni 'o hioasi.

¹¹ ko'koeno, nteto asno'zonʉ yʉmeʉmʉ to soanono to ic'o; maicac'o, 'upena na siya o'ate mais'a 'omo yutasufku to mashʉyʉ ci cou ho smopcuku ho peispapayo'ʉ.

¹² 'o e'e to hamo mo yoayokeo ho yaa a'a'ausna, mo feofeohe tomo aavai feofeo ci poyave, a'upu no piepiya ho hzoo, ma'vo'vokʉ ho hʉsʉ, acʉha peelʉi hopaezumi. tesi peelʉi honga 'e 'tohʉngʉ ho inala ta'koeva ta cou.

¹³ uk'a cimo conci hioa cite peelʉi mi'usneni to hamo ho efʉefʉnga; acʉcʉhʉ 'e oho noa teyai isi acʉha so'eumaesih'a to mcoosi. tenatola ahtuo'te acʉhʉ mi'usnu to hamo ho tuyafa na ohola hioa.

taisaisi iesu

¹⁴ homo maica. nteto tʉyʉca 'e ito ehohonga ci singkoo. maica mito yaa cihi ci taunona'vʉ ci taisaisi, 'ai'oeno oko to hamo ci iesu; micu yʉmeʉmʉ to tuhcu to hamo.

¹⁵ 'o taisaisito isieno o'te ta'cingha na yoz'uto. apuyu, 'o taisaisito mosola mais'a a'to ho sucaefi tamo mav'ov'o ci hʉsvʉta, at'inghi o'amosola peiskuisi.

¹⁶ ko'koeno, nteto smeesosonʉ ho uhto tuhcu to yaa mengumi ci suoca'ha to hamo, ko'ko tiou no angongohia ho ino mengumi, teyaineni note meelʉ osni to'usnu a'to.