'epeso 4 - buacou seiso no faeva esvʉtʉ

tmucni ci kiokai

¹ ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

² temula ma'einu, ma'cocacni, luaveica, boemi no himngonghi ho yupa peteongaso,

³ boemi no suseomʉ ho yupa yuecnguhu, pnanfi na tonʉ ho atʉkca na ohsi faeni to seilei cimo tmucni ci 'tohʉngʉ.

⁴ mo conic'o 'e feango, cihic'o 'o seilei, aʉlʉ mais'a 'o hamo ho isi eoho'a muu ho toehungu tma'upu no conci ta'usni.

⁵ moc'o cihi ci nooe'oca, conci singkoo, conci toonono.

⁶ mo cihic'o ci hamo, 'aeno 'o amo ta yatatiskova; mo no'ayumonʉ ta acʉcʉhʉ, poʉt'ʉca 'e acʉcʉhʉ. espopaezuma ta acʉcʉhʉ.

⁷ 'e mito macicihi mo acʉhʉ maino hiasi aangae to kilisto, tiou no afnaso ci mengumi.

⁸ aʉlʉ mais'a 'o isi engha to seiso: nemo ohpepe ho uhto sopepea, hafa 'o botngonʉ ci holeo; isi pafi no mengumi 'e cou.

⁹ zou cuma na e'a'ausnasi tan'e? 'a isieno yainca: mosola auyu ohpueho, uhne atva'esi mʉ'eona ta ceoa.

¹⁰ i'o moso 'a i'o moeno ho uhto mo pepehe ne maepepe cimo cihi; ho isi yaica 'atesieno nongcʉngci 'e acʉcʉhʉ.

¹¹ 'aeno i'omo maezo cimo cihi; isi esvʉta pano tena sitoo, panotena eyongensa. panotena psoyaski ta fukuin, panotena vokusi ho lema'cohio.

¹² na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

¹³ sotaveisi, tetocu yaa tohmʉskʉ ci singkoo ho bohngʉ to oko to hamo; teto yusuhci ho yʉepʉngi, ohcʉ'ho to h'aucucunu ci mi'a'ausna to kilisto.

¹⁴ maicac'o, nianteto o'te i'vaho mais'a foinana, mumzo to moezʉezʉhʉ ho meknuyu ci la buoyoifo ta cou, fiho tomo mav'ov'o ci motposʉ ho meavaevoezuhu.

¹⁵ apuyu, teto boemi no himngonghi ci 'tohʉngʉ ho mo'engho no eʉlʉ ci e'e, yono mo mav'ov'o ho mi'usnu to kilisto ho a'cʉ'cʉnʉ yusuhci. zou fnguu 'o kilisto;

¹⁶ te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

faeva ci nsou to 'ayumona to kilisto

¹⁷ maitan'e te'o epici to ongko to nooe'oca ho aʉ'ʉmta eucufna muu: 'otenala i'vaho maito lahe h'oyunsova to couyafana. la ma'ankʉ 'o koyuhe,

¹⁸ voecʉvcʉ 'o 'tohʉngʉ. mo yupa nahesa 'o isi faeni to hamo ci nsou; maica mo asansano nongonongo. ma'cachi ho yameomʉ.

¹⁹ ihe acʉha payo'a na ma'kokoe'i ci 'tohʉngʉ, 'aʉnpʉnpʉ, uk'a yumzi ho hioa 'omo mav'ov'o ci kuzo ho 'oha einu ci hi'hioa.

²⁰ at'inghi, 'o imu yoyayaeza to kilisto. o'amo maica.

²¹ o'ate ta'pepecvaza ho ohmucula talʉi 'o ohsila hi'hioa, hocu tesi to kilisto, yoyayaeza i'omoc'o no'ayumonʉ to iesu ci so'emio.

²² temula yungvo'a 'ola conino koa yunsou tote meaapayo'ʉ ci ; i'o noana'o ci a'o isi ieni to eepecvai to ma'konvosʉ hocu toapayo'ʉ.

²³ na 'to'tohʉngʉ ho koyumu la peʉezi no faeva,

²⁴ paceofa 'e ; 'e faeva ci a'o isi ieni to mi'a'ausna to hamo ho teyai, isi peiseafi ta mo i'mi to so'emio ho cmʉfeʉ ci moulʉlʉ ho cofkoya.

²⁵ ko'koeno, 'atemu i'vaho meknuyu! 'e macicihi tela mi'usnu to nanat'ot'ohaesa ho mo'engho no eʉlʉ ci e'e, maica 'e mito macicihi zou acʉhʉ maesoesou to feango to kilisto.

²⁶ hocimula ma'sosohpoi, 'ote i'mi ta sohpoi tan'e ho peiskuisi; maezo 'otela conohie ma'sʉsʉ'no,

²⁷ teav'ala poa ohsasko'ʉ na 'akuma.

²⁸ na mosola thokeainʉ ne noana'o, 'otenala i'vaho thokeainʉ; la boemi ta emucu ho peislʉlʉ yaahioa. nianteno meelʉ to'usnu nomo thi'cia ci cou.

²⁹ teav'a poa alolongʉ no mocmo na lamu pateafa ci e'e, lac'o mo'engho tote koa to'usnu, koa yusuhci to cou ci e'e, poa mayo no ʉmnʉsi namo tmalʉ ci cou.

³⁰ teav'a poa nac'o na seilei to hamo; maica 'e seilei zou to'honga no tanua to hamo na muu. hosoo ho tena cmʉ'ho na hiesi no psoevoyunga to hamo.

³¹ temu aapayo'a na afu'u ma'bubut'u, pak'i, ma'sʉsʉ'no; 'otenala i'vaho 'afeo'fu'u hocieno eayaezoyʉ; 'otenala i'vaho yaa mihango ci koyu.

³² la boemi no ma'cocacni ho yupa aʉt'ʉcʉ, yupa meteongaso, aʉlʉ totiski to hamo ho isi ieni to kilisto ho peteongasa muu.