Zozye 19 - Labib An Kreol Seselwa

Teritwar Tribi Simeon

¹ Dezyenm tiraz osor ti al pour Simeon, tribi bann fanmir Simeon, klan par klan. Zot teritwar ti antoure par teritwar tribi Zida.

² Zot patrimwann ti sa bann lavil swivan: Berseba, Seba, Molada,

³ Asar-Soual, Bala, Esenm,

⁴ Eltolad, Betoul, Horma,

⁵ Siklag, Bet-Markabot, Asar-Sousa,

⁶ Bet-Lebaot e Sarouhen. An tou, 13 lavil avek zot bann vilaz:

⁷ Ain, Rimonn, Eter ek Asann. An tou, 4 lavil avek zot bann vilaz,

⁸ ansanm avek tou bann vilaz ki otour sa bann lavil, ziska Baalat-Beer e Ramat-Negev. Sa ti par tribi Simeon, klan par klan.

⁹ Par tribi Simeon ti ganny pran lo teritwar Zida, akoz teritwar tribi Zida ti tro gran pour zot. Pour sa rezon ki tribi Simeon ti ganny en par later ki ti dan teritwar Zida.

Teritwar Tribi Zabilon

¹⁰ Trwazyenm par tiraz osor ti tonm lo bann fanmir tribi Zabilon klan par klan. Frontyer zot par ti al ziska Sarid.

¹¹ Depi la, frontyer ti mont dan Was ziska Mareala, tous Dabeset e apre, larivyer ki pas devan Yokneanm.

¹² Depi Sarid, frontyer ti al dan Les, ver soley leve ziska limit Kislot-Tabor, i ti pas par Dabrat e mont ziska Yafia.

¹³ Answit, i ti pas dan Les par Gat-Hefer e par Et-Kasin, pour ariv Rimonn e tourn ver Nea.

¹⁴ Dan Nor, frontyer ti fer letour Hanatonn, e ariv dan vale Yifta-El.

¹⁵ An tou, 4 lavil: Katat, Nahalal, Simronn, Idala, Betlehenm, avek zot bann vilaz.

¹⁶ Sa ti par bann fanmir Zabilon, klan par klan, sa bann lavil avek zot bann vilaz.

Teritwar Tribi Isakar

¹⁷ Katriyenm par tiraz osor ti al pour tribi Isakar, pour bann fanmir Isakar, klan par klan.

¹⁸ Zot frontyer ti konpran Yizreel, Kesoulot, Sounenm,

¹⁹ Afaraim, Sihonn, Anaharat,

²⁰ Rabit, Kisyonn, Ebes,

²¹ Remet, Enn-Ganim, Enn-Ada, e Bet-Pases.

²² Frontyer ti tous avek Tabor, Sasaim, Bet-Semes e fini kot larivyer Zourden. An tou, 16 lavil avek zot bann vilaz pros.

²³ Sa ti teritwar tribi bann fanmir Isakar, klan par klan, bann lavil avek bann vilaz.

Teritwar Tribi Aser

²⁴ Senkyenm par tiraz osor ti tonm pour tribi bann fanmir Aser dapre klan.

²⁵ Zot frontyer ti konpran Elkat, Hali, Beten, Aksaf,

²⁶ Alamelek, Amad ek Miseal. Dan Was, frontyer ti tous avek montanny Karmel ek Sior-Libnat.

²⁷ Apre, i ti tourn Les, ver Bet-Dagonn, tous avek teritwar Zabilon ek vale Yifta-El ki Nor avek Bet-Emek ek Neiel. Answit, i ti kontinyen dan menm direksyon, par Kaboul,

²⁸ apre ver Abdonn, Reob, Amonn ek Kana, ziska gran lavil Sidon.

²⁹ Answit, frontyer ti vir dan direksyon Rama ziska Tir, lavil fortifye; answit, frontyer ti tourn ver Hosa pour debous kot lanmer, an pasan par Mahalab, Akzib,

³⁰ Ouma, Afek avek Reob. An tou, 22 lavil avek zot bann vilaz.

³¹ Sa ti teritwar bann fanmir dan tribi Aser, klan par klan, bann lavil ek bann vilaz.

Teritwar Tribi Neftali

³² Sizyenm par tiraz osor ti pour bann fanmir tribi Neftali, klan par klan.

³³ Son frontyer ti pran depi Elef, depi pye terebent ki trouve Tsanannim, Adami-Nekeb e Yabneel, ziska Lakoum e abouti kot larivyer Zourden.

³⁴ Apre, frontyer ti tourn Was, dan direksyon Aznot-Tabor, e kontinyen ziska Houkok, rezwenn Zabilon dan Sid, e Aser dan Was e Zida dan Les, kot larivyer Zourden.

³⁵ Bann lavil fortifye ti: Zidim, Ser, Amat, Rakat, Zenezaret,

³⁶ Adama, Rama, Asor,

³⁷ Kedes, Edrei, Enn-Hasor,

³⁸ Yireonn, Migadal-El, Orenm, Bet-Anat e Bet-Semes. An tou, 19 lavil avek zot bann vilaz.

³⁹ Sa ti teritwar bann fanmir dan tribi Neftali, klan par klan, bann lavil avek bann vilaz.

Teritwar Tribi Dann

⁴⁰ Setyenm par tiraz osor ti tonm pour bann fanmir tribi Dann, klan par klan.

⁴¹ Frontyer zot par ti konpran Sora Estaol, Ir-Semes,

⁴² Saalabin, Ayalonn, Yitla,

⁴³ Elonn, Timna, Ekronn,

⁴⁴ Elteke, Gibetonn, Baalat,

⁴⁵ Yehoud, Bene-Berak, Gat-Rimonn,

⁴⁶ Me-Yarkonn, Rakonn ek teritwar ki anfas avek Zafa.

⁴⁷ Ler bann desandan tribi Dann ti perdi zot teritwar, zot ti al atak Lesenm ki zot ti kaptire e masakre son bann zabitan; zot ti pran posesyon sa lavil kot zot ti enstal zot e apel li Dann, dapre non zot zanset Dann.

⁴⁸ Sa ti par bann fanmir dan tribi Dann, klan par klan, bann lavil ek bann vilaz.

⁴⁹ Ler zot ti'n fini resevwar sakenn son par pei, dapre son bann frontyer, pep Izrael ti donn Zozye, garson Noun, en par later parmi zot.

⁵⁰ Dapre lord SENYER, zot ti donn li lavil ki i ti'n demande, savedir Timnat-Sera dan rezyon montanny Efraim ki i ti rekonstri e i ti enstal li.

⁵¹ Sa i bann teritwar ki pret Eleazar ek Zozye, garson Noun ek bann sef fanmir tribi Izraelit, ti tir osor devan SENYER, dan lavil Silo, devan lantre Latant Rankont. Konmsa ki zot ti fini partaz pei.