Psonm 82 - Labib An Kreol Seselwa

Bondye I Pli Gran Sef

Psonm Asaf.

¹ Bondye i pran son plas dan lasanble bann bondye dan lesyel. I ziz zot:

² Kan eski zot pou arete donn bann zizman enzis e fer preferans pour bann ki koupab?

³ Defann drwa bann pov ek bann orfelen. Rann lazistis bann malere e bann ki napa nanryen.

⁴ Sov bann pov e bann ki dan bezwen. Delivre zot dan lanmen bann malfeter.

⁵ Zot pa konn nanryen e zot san konpran; zot konpletman koronpi. Napa nanryen ki zot fer ki anmenn lazistis lo later.

⁶ Mon deklare: Zot bann bondye, zot tou, zot garson Bondye Treo.

⁷ Sepandan, zot pou mor parey bann imen; zot lavi pou fini parey nenport ki sef.

⁸ Bondye leve! Vin ziz later, akoz ou met tou bann nasyon.