Psonm 47 - Labib An Kreol Seselwa

Bondye I Kontrol tou

Pour sef lakoral. En psonm sorti kot fraternite Kore.

¹ Tou bann pep! Bat lanmen. Loue Bondye avek kantik lazwa!

² SENYER, Bondye Treo i formidab. I en gran lerwa lo later antye.

³ In soumet bann pep anba nou dominasyon; in met bann nasyon anba nou kontrol.

⁴ In swazir en patri pour nou, ki fer lafyerte Zakob ki i kontan.

⁵ Bondye i monte dan milye bann laklamasyon. SENYER i avanse avek lanmizik tronpet.

⁶ Sant pour Bondye! Sante! Sant pour nou lerwa! Sante!

⁷ Bondye i lerwa later antye. Sant en zoli psonm pour loue li.

⁸ Bondye i renny lo bann nasyon; in asiz lo son tronn sakre.

⁹ Tou sef bann nasyon in rasanble avek pep Bondye Abrahanm. Tou pouvwar ki lo later i sorti kot Bondye. I par lao tou.