Psonm 136 - Labib An Kreol Seselwa

Kantik Remersiman

¹ Loue SENYER akoz i bon! Son fidelite i dire pour touzour.

² Loue Bondye ki pli gran ki tou bondye! Son fidelite i dire pour touzour.

³ Loue SENYER ki pli gran ki tou senyer! Son fidelite i dire pour touzour.

⁴ Li tousel ki fer bann gran mervey; son fidelite i dire pour touzour.

⁵ In fer lesyel avek lentelizans; son fidelite i dire pour touzour.

⁶ In plas later lo bann losean; son fidelite i dire pour touzour.

⁷ In kree bann gran lalimyer; son fidelite i dire pour touzour.

⁸ Soley pou gouvern lizour; son fidelite i dire pour touzour.

⁹ Lalin avek bann zetwal pour gouvern lannwit; son fidelite i dire pour touzour.

¹⁰ I ti touy bann premye ne bann Ezipsyen; son fidelite i dire pour touzour.

¹¹ I ti fer Izrael sorti Lezip; son fidelite i dire pour touzour.

¹² Avek en lanmen for e lebra leve; son fidelite i dire pour touzour.

¹³ I ti separ lanmer Rouz an de, son fidelite i dire pour touzour.

¹⁴ I ti fer Izrael pas atraver; son fidelite i dire pour touzour.

¹⁵ I ti detri Faraon ek son larme dan lanmer Rouz, son fidelite i dire pour touzour.

¹⁶ I ti kondwir son pep atraver dezer, son fidelite i dire pour touzour.

¹⁷ I ti detri bann gran lerwa; son fidelite i dire pour touzour.

¹⁸ I ti touy bann lerwa pwisan; son fidelite i dire pour touzour.

¹⁹ Siyonn, lerwa bann Amorit; son fidelite i dire pour touzour.

²⁰ Og, lerwa Basann; son fidelite i dire pour touzour.

²¹ I ti donn zot pei koman en patrimwann; son fidelite i dire pour touzour.

²² En patrimwann pour son serviter Izrael; son fidelite i dire pour touzour.

²³ I pa oubliy nou dan nou labesman; son fidelite i dire pour touzour.

²⁴ I ti delivre nou dan lanmen nou bann lennmi; son fidelite i dire pour touzour.

²⁵ I donn manze tou bann kreatir; son fidelite i dire pour touzour.

²⁶ Loue Bondye ki dan lesyel, akoz son fidelite i dire pour touzour.