Psonm 127 - Labib An Kreol Seselwa

Louanz anver Bondye ki Donn Tou

Kantik pelrinaz.

¹ Si SENYER pa konstri lakaz, bann konstrikter i travay anven. Si SENYER pa gard lavil, bann gardyen i vey anven.

² I pa vo lapenn lev granmaten e al dormi tar. Ou fatige travay pour ganny manze! SENYER i donn otan son bann zanmi kan zot dan zot sonmey.

³ Zanfan i en trezor ki SENYER i donnen; en rekonpans pour en manman.

⁴ Bann garson ou lazenes i parey lans dan lanmen en gerye.

⁵ Byennere, sa zonm ki annan bokou zanfan. I pa pou kanmi kan i pou bezwen afront son lennmi devan laport lavil.