Psonm 123 - Labib An Kreol Seselwa

Lapriyer pour Demann Pitye

En kantik pelrinaz.

¹ Mon lev mon lizye ver ou ki asize lo ou tronn dan lesyel.

² Parey en serviter ki gard son lizye fikse lo lanmen son met; parey en servant ki pa kit lanmen son met; nou osi, nou lev nou regar ver SENYER nou Bondye, ziska ki i pran pitye pour nou.

³ Pran pitye pour nou, SENYER, pran pitye, akoz nou'n ganny ase maltrete.

⁴ Nou'n rasazye avek lensilt bann ensolan, avek lensolans ek imilyasyon bann arogan.