Psonm 122 - Labib An Kreol Seselwa

Louanz pour Zerizalenm

Kantik pelrinaz.

¹ Mon ti dan lazwa kan zot ti dir mwan: Annou al dan tanp SENYER.

² Zerizalenm! Nou lipye in aret devan ou laport.

³ Zerizalenm i en lavil byen bati ki form en linite parfe.

⁴ La kot bann tribi i monte, bann tribi SENYER. Zot vin selebre non SENYER dapre lareg ki'n ganny etabli pour Izrael.

⁵ La kot zot osi asiz pour rann zizman lo tronn desandan David.

⁶ Demann lape pour Zerizalenm. Bann ki kontan ou ava viv trankil.

⁷ Demande ki i annan lape anndan ou bann miray, e trankilite dan ou bann pale!

⁸ Pour lanmour mon bann frer ek mon bann zanmi, mon pou dir: Mon swet ou lape.

⁹ Akoz tanp SENYER nou Bondye, mon swete ki ou ava ere.