Psonm 116 - Labib An Kreol Seselwa

Lapriyer En Dimoun ki'n Ganny Sove dan Lanmor

¹ Mon kontan SENYER akoz in antann mon lavwa ek mon siplikasyon.

² I ekout mwan avek atansyon; mon pou apel li tan ki mon vivan.

³ Lanmor ti'n fini anpay mwan; langwas lemonn lanmor ti'n sezi mwan. Lafreyer ek ladetres ti'n sezi mwan.

⁴ Alor, mon ti kriy non SENYER: Pitye SENYER! Sov mwan.

⁵ SENYER i bon e i zis. Nou Bondye i ranpli avek konpasyon.

⁶ SENYER i protez dimoun ki senp; ler mon ti feb, i ti vin sov mwan.

⁷ Mon retrouv mon repo, akoz SENYER in fer mwan bokou dibyen.

⁸ Wi! Ou'n delivre mwan dan lanmor; ou'n aret larm dan mon lizye; ou'n anpes mwan konny mon lipye.

⁹ Alor, mon ti kapab mars dan prezans SENYER, lo later bann vivan.

¹⁰ Mon pa ti perdi konfyans, menm ler mon ti dir: Mon tre malere.

¹¹ Dan mon dezespwar mon ti dir: Zonm i manter.

¹² Ki mon pou donn SENYER an retour pour tou sa kantite dibyen ki i'n fer pour mwan?

¹³ Mon pou lev lakoup delivrans; mon pou apel SENYER par son non.

¹⁴ Devan tou son pep, mon pou akonpli mon promes anver SENYER.

¹⁵ Lanmor son bann serviter i presye dan lizye SENYER.

¹⁶ SENYER! Mon ou serviter. Mon ou serviter, garson ou servant. Ou'n delivre mwan dan mon bann lasenn.

¹⁷ Mon pou ofer en sakrifis remersiman e envok non SENYER.

¹⁸ Devan tou son pep, mon pou akonpli mon promes anver SENYER;

¹⁹ dan lakour tanp SENYER, dan milye Zerizalenm. Loue SENYER!