Psonm 111 - Labib An Kreol Seselwa

Louanz an Loner Senyer

¹ Loue SENYER! Mon pou loue SENYER avek tou mon leker parmi bann ki leker i pir.

² Sa ki SENYER i fer i merveye; tou dimoun ki rekonnet sa, i reflesir lo la.

³ Akoz i fer konnen son loner ek son mazeste, i reste touzour fidel.

⁴ I fer rapel son bann mervey. SENYER i bon e ranpli avek konpasyon.

⁵ I nouri sa bann ki annan respe pour li; i pa zanmen oubliy son lalyans.

⁶ I ti montre son pep lafors son bann aksyon kan i ti donn zot pei bann pep etranze.

⁷ Tou sa ki i fer avek son lanmen i vre e i zis. Tou son bann direktiv i sir.

⁸ Zot in ganny etabli pour touzour e ganny akonpli fidelman e avek drwatir.

⁹ In donn delivrans son pep; in donn li son lalyans pour touzour. Son non i sen e formidab.

¹⁰ Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.