Nehemi 12 - Labib An Kreol Seselwa

Lalis bann Pret ek bann Levit

¹ La bann pret ek bann levit ki ti retourn avek Zorobabel, garson Sealtiel, e avek Zozye: Seraya, Zeremi, Esdras,

² Amaria, Malouk, Hatous,

³ Sekanya, Rehoum, Meremot,

⁴ Ido, Ginetoi, Abiya,

⁵ Miyamin, Maadya, Bilga,

⁶ Semaya, Yoyarib, Yedaya,

⁷ Salou, Amok, Hilkiya, Yedaya. Sa ti bann gran pret ek zot bann frer dan lepok Zozye.

⁸ Lo kote bann levit: Zozye, Binoui, Kadmyel, Serebya, Zida, Matanya, ki, avek son bann frer, ti diriz sante pandan lapriyer;

⁹ Zot frer, Bakboukya ek Ouni ti ganny plase anfas avek zot.

¹⁰ Zozye ti papa Yoyakim, Yoyakim ti papa Eliasib, Eliasib ti papa Yoyada,

¹¹ Yoyada ti papa Zonatan, e Zonatan ti papa Yadoua.

¹² Dan lepok Yoyakim, la bann pret, bann sef fanmir. Pour Seraya: Meraya; pour Zeremi: Hananya;

¹³ pour Esdras: Mesoulanm; pour Amaria: Yohanann;

¹⁴ pour Melouki: Zonatan; pour Sebanya: Zozef;

¹⁵ pour Harim: Adna; pour Merayot: Helkai;

¹⁶ pour Ido, Zakari; pour Ginetonn, Mesoulanm;

¹⁷ pour Abiya: Zikri; pour Minyamin ek Moadya: Piltai;

¹⁸ pour Bilga: Samoua; pour Semaya: Zonatan;

¹⁹ pour Yoyarib: Matnai; pour Yedaya: Ouzi;

²⁰ pour Salai: Kalai; pour Amok: Heber;

²¹ pour Hilkiya: Hasabya; pour Yedaya: Netaneel.

²² Dan lepok Eliasib, Yoyada, Yohanann, ek Yadoua, bann levit ti ganny enskri koman sef fanmir, e pandan renny Dariis, lerwa Pers, bann pret osi ti ganny anrezistre:

²³ Bann garson Levi, bann sef fanmir ti ganny anrezistre dan liv listwar, ziska lepok Yohanann, garson Eliasib.

²⁴ Bann sef bann levit: Hasabya, Serebya ek Zozye, garson Kadmyel avek zot bann frer anfas zot, pour loue e selebre SENYER, group par group, dapre lord David, serviter Bondye.

²⁵ Bann portye Matanya, Bakboukya, Abdyas, Mesoulanm, Talmonn ek Akoub, ti vey bann magazen kot laport tanp.

²⁶ Zot ti viv dan lepok Yoyakim, garson Zozye, garson Yosadak, dan lepok ki Nehemi ti gouverner e Esdras ti pret e skrib.

Linogirasyon Miray Zerizalenm

²⁷ Pour linogirasyon miray Zerizalenm, zot ti fer apel bann levit dan tou bann landrwa kot zot ti reste pour zot vin Zerizalenm pour selebre linogirasyon dan lazwa par bann san ek lapriyer, avek lakonpannyman senbal, lir ek laarp.

²⁸ Bann santer ti rasanble sorti dan zalantour Zerizalenm, bann vilaz

²⁹ depi Bet-Gilgal ek zalantour Geba ek Azmabet, akoz bann santer ti'n konstri bann vilaz dan zalantour Zerizalenm.

³⁰ Bann pret ek bann levit ti pirifye zot, e pirifye lepep, bann laport ek miray.

³¹ Mon ti fer tou bann sef Zida mont lo miray e mon ti form de gran lakoral. Premye group ti konmans mars lo kote drwat lo miray, dan direksyon laport Fimyen.

³² Oze ti mars deryer zot avek lanmwatye bann sef Zida,

³³ Azarya, Esdras, Mesoulanm,

³⁴ Zida, Benzamen, Semaya, ek Zeremi,

³⁵ bann garson bann pret avek bann tronpet, Zakari, garson Zonatan, garson Semaya, garson Matanya, garson Mise, garson Zakour, garson Asaf,

³⁶ avek son bann frer, Semaya, Azarel, Milalai, Gilalai, Maai, Netaneel, Zida ek Hanani, avek bann lenstriman lanmizik David, serviter Bondye. Skrib Esdras ti mars devan.

³⁷ Kot laport Sours e drwat devan zot, zot ti mont bann mars lavil David lo miray par lao lakaz David, ziska laport Delo, lo kote Les.

³⁸ Dezyenm lakoral ti mont lo kote gos. Mon ti par deryer li lo miray avek lot lanmwatye lepep. Parlao tour bann Four, mon ti al ziska kot miray ti elarzi.

³⁹ Apre, par lao laport Efraim, Vye laport, laport Pwason, tour Hananeel, tour Mea, ziska laport Mouton. Nou ti aret kot laport Gard.

⁴⁰ Sa de lakoral ti aret dan tanp Bondye. Mwan osi, avek bann mazistra ki ti avek mwan, nou ti fer parey;

⁴¹ Bann pret Eliakim, Maaseya, Minyamin, Mise, Eliohenai, Zakari, Hananya, avek bann tronpet,

⁴² e Maaseya, Semaya, Eleazar, Ouzi, Yohanann, Malkiya, Elanm ek Ezer. Bann santer ti sante anba direksyon Yizraya.

⁴³ Sa zour, lepep ti ofer en kantite sakrifis, e anmiz zot, akoz Bondye ti'n donn zot en gran lokazyon pour rezouir. Bann fanm avek bann zanfan ti osi dan lazwa; tapaz selebrasyon ti ganny tande lwen an deor Zerizalenm.

Bann Pret ek bann Levit I Reganny Zot Par

⁴⁴ Sa lepok, zot ti nonm bann zonm pour sirvey bann lasal kot ti konserv bann lofrann bann premye fri, bann premye rekolt avek bann ladim. Zot ti ganny lord pour kolekte, dan teritwar antye, dan bann lavil, bann par ki dapre lalwa, ti al pour bann pret ek bann levit, akoz Zida ti kontan ki bann pret ek bann levit ti pe byen fer sa travay.

⁴⁵ Zot ti pe asir tou sa ki ti konsern servis anver zot Bondye ek servis pirifikasyon, ensi ki bann santer ek bann portye, dapre lord ki David ek son garson Salomon, ti'n donnen.

⁴⁶ Annefe, dan sa lepok, dan letan David ek Asaf, ti annan bann sef lakoral, ki ti diriz bann san pour loue e selebre Bondye.

⁴⁷ Dan lepok Zorobabel ek Nehemi, dapre lord sak zour, pep Izrael antye ti donn bann santer ek bann portye zot par. Zot ti osi donn bann levit zot porsyon sakre, e bann levit ti donn bann garson Aaron zot porsyon sakre.