Amos 1 - Labib An Kreol Seselwa

¹ La bann parol Amos, en berze sorti Tekoa, dapre sa ki SENYER ti revel li konsernan rwayonm Izrael. Sa ti ariv 2 an avan tranblemandter, dan lepok lerwa Ozyas, lerwa Zida ek Zeroboanm, garson Zoas, lerwa Izrael.

² Amos ti dir: SENYER i kriye depi Siyon, e i fer antann son lavwa depi Zerizalenm. I annan dezolasyon dan laplenn. Latet montanny Karmel i sek.

Zizman Bondye kont bann Vwazen Izrael

³ La sa ki SENYER i deklare: Akoz sa gran kantite krim pep Damas, mon pa pou sanz mon desizyon: Akoz zot in kraz Galaad avek lenstriman an fer,

⁴ mon pou met dife dan pale Hazael, e i pou bril bann pale Benn-Hadad.

⁵ Mon pou fer sote laport Damas, e mon pou detri bann zabitan dan vale Aven, ensi ki lerwa ki renny dan vale Edenn; mon pou deport pep Siriyen dan rezyon Kir. SENYER ki deklare. Kont bann Filisten

Kont bann Filisten

⁶ La sa ki SENYER i deklare: Akoz sa kantite krim pep Gaza, mon pa pou sanz mon desizyon: Akoz zot in deport en pep antye e livre zot dan lanmen bann Edomit,

⁷ mon pou met dife kont miray Gaza, e detri son bann pale.

⁸ Mon pou detri bann zabitan Asdod; mon pou fer disparet lerwa Askelonn; mon pou tourn mon lanmen kont pep Ekronn, e leres bann Filisten pou disparet. Senyer BONDYE ki'n deklare. Kont bann Fenisyen

Kont bann Fenisyen

⁹ La sa ki SENYER i deklare: Akoz sa kantite krim pep Tir, mon pa pou sanz mon desizyon. Akoz zot in livre en pep antye dan lanmen bann Edomit, san menm mazin lalyans fraternel ant zot,

¹⁰ mon pou met dife kont miray lavil Tir e i pou detri tou son bann pale. Kont bann Edomit

Kont bann Edomit

¹¹ La sa ki SENYER i deklare: Akoz sa kantite krim pep Edonm, mon pa pou sanz mon desizyon. Akoz zot ti sas zot frer avek lepe, san pran okenn konpasyon, zot ti kontinyen dan zot lakoler e kontinyelman gard rankin.

¹² Alor, mon pou met en dife dan Temann, e i pou detri bann pale Bosra. Kont bann Amonit

Kont bann Amonit

¹³ La sa ki SENYER i deklare: Akoz sa kantite krim pep Amonit, mon pa pou sanz mon desizyon: Akoz zot in fann vant bann fanm ansent pour zot agrandi zot teritwar dan Galaad,

¹⁴ mon pou met dife dan Raba, e i pou detri tou son bann pale. Sa zour pou annan gran fraka lager, tanpet avek loraz.

¹⁵ Zot lerwa pou ganny deporte, e tou son bann sef avek li. SENYER ki'n deklare.