Zozye 15 - Labib An Kreol Seselwa

Teritwar Tribi Zida

¹ Teritwar ki tribi bann fanmir Zida dapre sak klan ti gannyen, ti pran depi frontyer Edonm ziska dezer Sin, dan fon Sid.

² Zot frontyer Sid ti pran depi lanmer Mor, vizavi labe ki anfas avek Negev.

³ I ti kontinyen dan Sid, ver montanny Akrabim, an pasan par Sin, pour remont dan direksyon Sid avek Kades Barnea, pas par Hesronn, mont ver Adar, e tourn dan direksyon Karka.

⁴ Frontyer ti pas answit par Asmonn e ariv kot larivyer lo frontyer Lezip, pour debous dan lanmer Mediterane. Sa i ava ou frontyer Sid.

⁵ Dan Les, frontyer ti baliz avek lanmer Mor, ziska lanbousir larivyer Zourden. Lo kote Nor, frontyer ti pran depi labe dan lanbousir larivyer Zourden

⁶ Apre, i ti mont dan direksyon Bet-Hogla e pas Nor avek Bet-Araba, answit mont ziska Ros Bohann, dapre non enn bann garson Riben.

⁷ Apre, i ti mont ziska Debir an pasan par vale Akor, e al pli dan Nor, lo kote Gilgal, anfas avek kolin Adoumim, Sid avek larivyer. Frontyer ti pas answit pre avek bann sours delo Enn-Semes e debous lo Enn-Rogel.

⁸ Frontyer ti mont par vale garson Hinonm, lo kote lapant Sid bann Zebizit, setadir Zerizalenm. Apre, frontyer ti mont ziska latet montanny ki devan vale Hinonm dan Was, e lo bordir Nor avek vale bann Refait.

⁹ Depi latet montanny, frontyer ti tourn ver bann sours delo Neftoa, kontinyen ver bann lavil sitye lo montanny Efronn; apre, frontyer ti tournen dan direksyon Baala, setadir Kiryat-Yearim.

¹⁰ Depi Baala, frontyer ti tourn ver Was, ver montanny Seir, pas lo lapant Nor montanny Yearim, setadir Kesalonn, e desann ziska Bet-Semes e pas par Timna.

¹¹ Frontyer ti kontinyen lo lapant Nor lavil Ekronn; apre i ti tourn ver Sikeronn, pas par montanny Baala e abouti dan Yabneel, pour debous lo lanmer Mediterane.

¹² Frontyer Was, ti lanmer Mediterane avek son lakot. Sa ti bann frontyer dan tou kote, pour bann fanmir dan tribi Zida, dapre sak klan.

Laviktwar Kaleb lo Hebron ek Debir

¹³ Parey SENYER ti'n ordonn Zozye, Kaleb, garson Yefoune ti ganny en par parmi bann fanmir tribi Zida: Kiryat-Arba setadir Hebron-Arba ti zanset bann Anakit.

¹⁴ Kaleb ti sas sa trwa desandan bann Anakit ki ti reste la: Sesai, Ahimann, Talmai.

¹⁵ Depi la, i ti al atak bann zabitan Debir, lavil ki otrefwa ti apel Kiryat-Sefer.

¹⁶ Kaleb ti dir, “Mon ava donn mon fiy Aksa pour fanm, avek sa enn ki ava atak e kaptir Kiryat-Sefer.”

¹⁷ Otniel, garson Kenaz, e frer Kaleb ki ti pran lavil e Kaleb ti donn li son fiy Aksa pour marye.

¹⁸ Ler i ti ariv pre avek Otniel, i ti fer li demann son papa en morso later. I ti sorti lo son bourik, sot ater e Kaleb ti demann li, “Ki ou dezir?”

¹⁹ I ti reponn, “Akord mwan en faver. Ou'n donn mwan later isi dan rezyon Negev, alor, donn mwan osi bann sours delo.” Alor, Kaleb ti donn li bann sours delo dan leo ek dan leba.

²⁰ Sa ti teritwar ki bann fanmir tribi Zida ti resevwar, klan par klan.

²¹ Bann lavil ki ti sitye dan fon Sid teritwar Zida, ver frontyer Edonm, dan Negev, ti Kabseel, Eder, Yagour,

²² Kina, Dimona, Adada,

²³ Kedek, Asor, Yitnann,

²⁴ Zif, Telenm, Bealot,

²⁵ Asor-Adata, Keriot-Hezronn, setadir Asor,

²⁶ Amanm, Sema, Molada,

²⁷ Asar-Gada, Hesmonn, Bet-Pelet,

²⁸ Asar-Soual, Berseba, Biziotia,

²⁹ Baala, Iyim, Esenm,

³⁰ Eltolad, Kesil, Horma,

³¹ Siklag, Madmana, Sansana,

³² Lebaot, Silim e Enn-Rimonn: An tou 29 lavil ek zot bann vilaz.

³³ Bann lavil sitye dan laplenn ti Estaol, Sorea, Asna,

³⁴ Zanoa, Enn-Ganim, Tapoua, Enanm,

³⁵ Yarmout, Adoulanm, Soko, Azeka,

³⁶ Saaraim, Aditaim, Gedera e Gederotaim: An tou 14 lavil avek zot bann vilaz.

³⁷ Osi Senann, Hadasa, Migdal-Gad,

³⁸ Dileann, Mispe, Yokteel,

³⁹ Lakis, Boskat, Eglonn,

⁴⁰ Kabonn, Lamas, Kitlis,

⁴¹ Gederot, Bet-Dagonn, Naama ek Makeda: An tou 16 lavil avek zot bann vilaz.

⁴² Osi Libna, Eter, Asann,

⁴³ Yifta, Asna, Nesib,

⁴⁴ Keila, Akzib ek Maresa: An tou nef lavil avek zot bann vilaz.

⁴⁵ Osi Ekronn, avek son bann lokalite avek bann vilaz;

⁴⁶ depi Ekronn dan Was, tou bann lavil pre Asdod avek bann vilaz.

⁴⁷ Asdod, bann lokalite avek bann vilaz; Gaza avek bann lokalite avek bann vilaz, ziska larivyer Lezip, e ziska lakot Mediterane.

⁴⁸ Dan montanny: Samir, Yatir, Soko,

⁴⁹ Dana, Kiryat-Sana, ki apel osi Debir,

⁵⁰ Anab, Estemoa, Anim,

⁵¹ Gosenn, Holonn e Gilo: An tou 11 lavil avek zot bann vilaz.

⁵² Ti annan osi Arab, Douma, Eseann,

⁵³ Yanoum, Bet-Tapoua, Afeka,

⁵⁴ Houmeta, Kiryat-Arba, ki apel osi Hebron, Sior: An tou 9 lavil avek zot bann vilaz.

⁵⁵ Maonn, Karmel, Zif, Youta,

⁵⁶ Yizreel, Yokdeanm, Zanoa,

⁵⁷ Kain, Gibea, e Timna: An tou 10 lavil avek zot bann vilaz.

⁵⁸ Haloul, Bet-Sour, Gedor,

⁵⁹ Maarat, Bet-Anot, e Eltekonn: An tou sis lavil avek zot bann vilaz.

⁶⁰ Kiryat-Baal, ki apel osi Kiryat-Yearim, e Raba: An tou 2 lavil avek zot bann vilaz.

⁶¹ Ti annan bann lavil sitye dan dezer: Bet-Araba, Midin, Sekaka,

⁶² Nibsann, Ir-Mela e Enn-Gedi: An tou 6 lavil avek zot bann vilaz.

⁶³ Me Tribi Zida pa ti reisi sas bann Zebizit ki ti reste Zerizalenm. Pour sa rezon, bann Zebizit pe viv akote bann fanmir Zida.