Zozye 12 - Labib An Kreol Seselwa

Bann Lerwa ki Moiz Ti Bate

¹ La non bann lerwa ki bann Izraelit ti bate e pran zot pei Les avek larivyer Zourden, depi larivyer Arnon ziska montanny Hermon, avek tou laplenn dezer dan Les:

² Sihonn, lerwa bann Amorit ki ti reste Hesbonn. I ti rennyen depi Aroer ki obor larivyer Arnon e lanmwatye Galaad, ziska larivyer Yabok frontyer bann Amonit;

³ laplenn dezer ziska lanmer Mor dan Les, dan direksyon Bet-Yesimot e dan Sid ziska anba montanny Pisga;

⁴ teritwar Og, lerwa Basann, enn bann dernyen Refait, ki ti reste Astarot ek Edrei.

⁵ I ti renny lo montanny Hermon, Salka, lo Basann antye, ziska frontyer bann Gesourit ek bann Maakatit, e lo lanmwatye Galaad ziska frontyer Sihonn, lerwa Hesbonn.

⁶ Moiz, serviter SENYER ansanm avek pep Izrael, ti ganny laviktwar lo zot. Moiz, serviter SENYER, ti donn sa pei avek bann Ribenit, Gadit e demi tribi Manase.

Bann Lerwa ki Zozye Ti Bate

⁷ La bann lerwa pei lo ki Zozye ek pep Izrael ti ganny laviktwar dan Was larivyer Zourden, depi Baal-Gad dan vale Liban, ziska montanny Alak ki mont dan direksyon Seir. Zozye ti donn zot pei an posesyon bann tribi Izrael, dapre partaz ki ti fer;

⁸ dan rezyon montanny, dan pei anba, dan laplenn dezer, dan bann vale e dan Negev: Bann Hitit, bann Amorit, bann Kananeen, bann Perizit, bann Hivit e bann Zebizit;

⁹ Bann lerwa ki ti ganny bate ti sorti dan sa bann lavil: Zeriko, Ai, lo kote Betel;

¹⁰ lerwa Zerizalenm, lerwa Hebron;

¹¹ lerwa Yarmout; lerwa Lakis;

¹² lerwa Eglonn, lerwa Gezer;

¹³ lerwa Debir; lerwa Geder;

¹⁴ lerwa Horma; lerwa Arad;

¹⁵ lerwa Libna; lerwa Adoulanm;

¹⁶ lerwa Makeda enn; lerwa Betel, enn;

¹⁷ lerwa Tapoua, enn; lerwa Hefer;

¹⁸ lerwa Afek; lerwa Lasaronn;

¹⁹ lerwa Madonn; lerwa Asor;

²⁰ lerwa Simronn-Meronn; lerwa Aksaf;

²¹ lerwa Taanak; lerwa Megido;

²² lerwa Kedes; lerwa Yokneanm, sitye Karmel;

²³ lerwa Dor, dan zanviron Dor; lerwa Goim, pre avek Gilgal;

²⁴ lerwa Tirsa. An tou 31 lerwa.