Zenez 36 - Labib An Kreol Seselwa

Desandans Ezai

¹ La bann desandans Ezai, setadir Edonm.

² Ezai ti marye avek bann fanm Kananeen: Ada, fiy Elonn, en Hitit, Oholibama, fiy Ana, pti zanfan Sibeonn, en Hivit.

³ I ti annan osi en lot fanm, Basmat, fiy Ismael, ser Nebayot.

⁴ Ada ti ganny Elifaz; Basmat ti ganny Reouel;

⁵ Oholibama ti ganny Yeous, Yalanm, ek Kora. Sa ti bann garson Ezai ki ti ne dan pei Kanaan.

⁶ Ezai ti pran son bann fanm, son bann garson, son bann fiy, tou manm son fanmir, son troupo bef, tou son bann troupo zannimo, ek tou bann byen ki i ti'n gannyen dan Kanaan. Apre, i ti al dan en pei lwen avek son frer, Zakob.

⁷ Annefe, zot ti annan tro bokou byen pour zot reste ansanm. Sa rezyon kot zot ti pe reste, pa ti kapab nouri zot troupo.

⁸ Alor, Ezai ti al reste dan montanny Seir. Ezai, se li menm Edonm.

⁹ La bann desandan Ezai, papa bann Edomit ki reste dan bann montanny Seir.

¹⁰ La non bann garson Ezai: Elifaz, garson son fanm Ada; Reouel, garson son fanm Basmat.

¹¹ Bann garson Elifaz: Temann, Omar, Sefo, Gatanm, ek Kenaz.

¹² Timna, menazer Elifaz, garson Ezai ti ganny Amalek pour Elifaz. Sa ti non bann garson Ada, fanm Ezai.

¹³ La bann garson Reouel: Nahat, Zera, Sama, e Miza. Zot ti bann pti zanfan Basmat, fanm Ezai.

¹⁴ La bann garson Oholibama, fiy Ana, pti zanfan Sibeonn, fanm Ezai: Yeous, Yalanm, ek Kora.

¹⁵ La bann sef parmi bann garson Ezai: Bann garson Elifaz, lene garson Ezai: Temann, Omar, Sefo, Kenaz,

¹⁶ Kora, sef Gaetanm, ek sef Amalek. Sa bann sef dan fanmir Elifaz dan pei Edonm; zot bann garson Ada.

¹⁷ La bann garson Reouel, garson Ezai: Sef Nahat, sef Zera, sef Sama ek sef Miza. Sa i bann sef dan fanmir Reouel dan pei Edonm; zot bann pti zanfan Basmat, fanm Ezai.

¹⁸ La bann garson Oholibama, fanm Ezai: Yeous, Yalanm ek Kora. Zot bann sef dan fanmir Oholibama fiy Ana, fanm Ezai.

¹⁹ Sa i bann garson Ezai setadir Edonm. Zot ti bann sef.

Desandans Seir

²⁰ La bann garson Seir, en Horit, bann zabitan sa landrwa: Lotann, Sobal, Sibeonn, Ana,

²¹ Dison, Etser ek Disann, zot bann sef Horit, bann garson Seir, dan Edonm.

²² Bann garson Lotann: Hori ek Emanm. Timna ti ser Lotann.

²³ Bann garson Sobal: Alvann, Manahat, Ebal, Sefo, ek Onanm.

²⁴ La bann garson Sibeonn: Aya ek Ana. Ana ki ti trouv sa sours delo dan dezer, letan i ti pe vey bourik son papa, Sibeonn.

²⁵ Bann zanfan Ana: Disonn, e Oholibama.

²⁶ Bann garson Disann: Henmdann, Esbann, Yitrann ek Kerann.

²⁷ Bann garson Etser: Bilann, Zaavann, ek Akan.

²⁸ Bann garson Disann: Outs ek Arann.

²⁹ Bann sef Horit: Lotann, Sobal, Sibeonn, Ana,

³⁰ Disonn, Etser ek Disann. Sa i bann sef dapre zot klan dan Seir.

³¹ La bann lerwa ki ti renny dan pei Edonm, avan ki okenn lerwa ti renny lo bann Izraelit:

³² Bela, garson Beor, ti renny dan pei Edonm; son lavil ti apel Dinaba.

³³ Bela ti mor, e Yobab, garson Zera, ki sorti Bosra, ti vin lerwa dan son plas.

³⁴ Yobab ti mor, e Housanm, ki sorti dan pei Temanit ti vin lerwa dan son plas.

³⁵ Housanm ti mor, e Hadad, garson Bedad, ki ti bat Madyann dan pei Moab, ti vin lerwa dan son plas; son lavil ti apel Avit.

³⁶ Hadad ti mor, e Samla, ki sorti Masreka, ti vin lerwa dan son plas

³⁷ Sanmla ti mor, e Saoul, ki sorti Reobot lo Larivyer Efrat, ti vin lerwa dan son plas.

³⁸ Sail ti mor, e Baal-Hanann garson Akbor ti vin lerwa dan son plas.

³⁹ Baal-Hanann, garson Akbor ti mor, e Hadar ti vin lerwa dan son plas; son lavil ti apel Paou, son fanm Metabeel, fiy Matred, fiy Me-Zahab.

⁴⁰ La non bann sef dan desandans Ezai, dapre zot fanmir ek zot pei: Timna, Alva, Yetet,

⁴¹ Oholibama, Ela, Pinonn,

⁴² Kenaz, Temann, Mibsar,

⁴³ Magdiel, e Iranm; sa i bann sef Edonm dapre landrwa dan pei kot zot annan propriyete. Ezai ti zanset bann Edomit.