Psonm 125 - Labib An Kreol Seselwa

Pep Bondye I an Sekirite

Kantik pelrinaz.

¹ Sa enn ki met son konfyans dan SENYER, i parey montanny Siyon: Personn pa kapab bouz li; i reste la pour touzour.

² Parey Zerizalenm i ganny antoure par bann montanny, SENYER i antour son pep depi ozordi e pour touzour.

³ En gouvernman malonnet pa pou touzour domin lo posesyon bann zis. Konmsa, dimoun ki zis pa pou tonm dan lemal.

⁴ SENYER! Fer dibyen pour bann ki bon, pour bann ki leker i drwat.

⁵ Me sas bann ki swiv move semen. Lape lo Izrael!