Nonm 26 - Labib An Kreol Seselwa

Dezyenm Resansman

¹ Apre sa lepidemi, SENYER ti dir Moiz ek Eleazar, garson pret Aaron:

² Fer en resansman dapre fanmir parmi pep Izrael, an kontan bann zonm aze depi 20 an, an montan, ki kapab al lager.

³ Moiz ek pret Eleazar ti rasanble tou dimoun dan sa group laz obor larivyer Zourden, vizavi Zeriko. Zot ti dir:

⁴ Kont tou dimoun ki annan 20 an, an montan parey SENYER in ordonn Moiz. La non pep Izrael ki ti sorti Lezip:

⁵ Tribi Riben, premye garson Izrael; klan Henok, Palou.

⁶ Hesronn, klan bann Hesronit; pour Karmi, klan bann Karmit.

⁷ Sa ti bann klan bann Ribenit. Ti annan an tou 43,730 zonm resanse.

⁸ Desandans Palou: Eliab.

⁹ Son bann desandan: Nemouel, Datann ek Abiranm. Sa menm Datann ek Abiranm ki ti'n ganny swazi par kominote; ki ti revolte kont Moiz ek Aaron, ansanm avek troup Kore, kan zot ti revolte, kont SENYER.

¹⁰ Later ti ouver e anval zot avek Kore, kan dife ti bril 250 parmi zot; zot ti vin en lavertisman pour lepep.

¹¹ Me bann zanfan Kore pa ti mor.

¹² Bann desandan Simeon, klan par klan: Nemouel, dan klan Nemouelit; Yamin, dan klan bann Yaminit; Yakin, dan klan Yakinit;

¹³ Zera, dan klan Zerait; Saoul, dan klan Saoulit.

¹⁴ Sa i bann klan bann Simeonit; an tou 22,200 zonm.

¹⁵ Bann zanfan Gad, dapre zot bann klan: Sefonn, dan klan Sefonit; Hagi, dan klan Hagit; Souni, dan klan Sounit;

¹⁶ Ozni, dan klan Oznit; Eri, dan klan Erit;

¹⁷ Arod, klan Arodit; Areli, dan klan Arelit.

¹⁸ Sa i bann klan Gad; an tou, ti annan 40,500 zonm resanse.

¹⁹ Bann garson Zida: Er ek Onann. Zot ti mor dan pei Kanaan.

²⁰ Bann desandan Zida dapre zot bann klan: Sela, dan klan Selanit; Peres, dan klan Parsit; Zera, dan klan Zarit.

²¹ Bann zanfan Peres: Hesronn, dan klan Hesronit; Hamoul sorti dan klan Hamoulit.

²² Sa ti bann klan dan Zida. Ti annan an tou 76,500 zonm resanse.

²³ Bann desandan tribi Isakar, klan par klan: Tola, dan klan Tolait; Pouva, dan klan Pounit;

²⁴ Yasoub dan klan Yasoubit; Simronn sorti dan klan Simronit.

²⁵ Sa ti bann klan Isakar. Ti annan 64,300 zonm resanse.

²⁶ Bann desandan tribi Zabilon dapre zot klan: Sered, dan klan Sardit; Elonn, dan klan Elonit; Yaleel, dan klan Yaleit.

²⁷ Sa ti bann klan dan tribi Zabilon. Ti annan an tou 60,500 zonm resanse.

²⁸ Desandans tribi Zozef: Ti annan de garson: Manase ek Efraim.

²⁹ Bann desandan tribi Manase: Makir, dan klan Makirit; Makir ti papa Galaad; Galaad ti sorti dan klan Galaadit.

³⁰ Bann desandan dan tribi Galaad: Yezer, dan klan Yezerit; Helek, dan klan Helekit.

³¹ Asriel dan klan Asrielit; Sikenm, dan klan Sikemit;

³² Semida, dan klan Semidait; Hefer, dan klan Hefrit.

³³ Selofad, garson Hefer ti napa garson, me zis fiy: Mala, Noa, Hogla, Milka, Tirsa.

³⁴ Ti annan an tou 52,700 zonm resanse.

³⁵ Bann desandan tribi Efraim, klan par klan: Soutela, dan klan Soutelit; Beker, dan klan Bakrit; Tahann, dan klan Tahanit.

³⁶ Bann garson Soutela: Erann, dan klan Eranit.

³⁷ Sa ti bann klan Efraimit. Ti annan an tou 32,500 zonm resanse. Zot ti bann desandan Zozef, klan par klan.

³⁸ Bann desandan Benzamen klan par klan: Bela, sorti dan klan Belait; Asbel, sorti dan klan Asbelit; Ahiranm sorti dan klan bann Ahiramit;

³⁹ Soufanm, sorti dan klan Soufamit; Houfanm sorti dan klan Houfamit.

⁴⁰ Bann garson Bela: Ard ek Naaman, sorti dan klan Ardit ek bann Naamanit.

⁴¹ Zot ti bann desandan Benzamen. Ti annan an tou 45,600 zonm resanse dan sa klan.

⁴² Bann desandan tribi Dann, klan par klan: Souhanm, dan klan Souhanmit. Zot ti bann klan sorti dan tribi Dann kan sa resansman ti ganny fer.

⁴³ Ti annan an tou 64,400 zonm resanse dan klan Souhanmit.

⁴⁴ Bann desandan dan tribi Aser, klan par klan: Yimna, dan klan Yimnit; Yisva, dan klan Yisvit; Beria, dan klan bann Berit.

⁴⁵ Bann garson Beria: Heber, dan klan bann Heberit; Malkiel, dan klan bann Malkielit.

⁴⁶ Fiy Aser ti apel Sera.

⁴⁷ Zot ti bann klan bann garson Aser. An tou ti annan 53,400 zonm resanse.

⁴⁸ Bann desandan dan tribi Neftali, klan par klan: Yaseel, dan klan Yaseelit; Gouni, dan klan Gounit;

⁴⁹ Yeser, dan klan Yeserit; Silenm, dan klan Silemit.

⁵⁰ Sa ti bann klan Neftali, klan par klan, dapre resansman. Ti annan an tou 45,400 zonm.

Direktiv pour Partaz Pei

⁵¹ An tou, ti annan 601,730 Izraelit.

⁵² SENYER ti dir avek Moiz:

⁵³ Diviz pei Kanaan par tribi dapre zot popilasyon e zot grander.

⁵⁴ Partaz later dapre grander sak tribi. En gran morso later pour sa ki pli gran, en pli pti morso pour sa ki pli pti. Partaz dapre rezilta resansman.

⁵⁵ Partaz ava ganny fer lo tiraz osor, dapre non sak tribi, zot zanset.

⁵⁶ Later ava ganny divize par tiraz osor. Donn en pli gran morso tribi ki pli gran, en par pli pti pour tribi ki pli pti, dapre rezilta resansman.

Resansman bann Levit

⁵⁷ La tribi Levi par klan dapre resansman: Gersonn, sorti dan klan Gersonit; Keat, dan klan Keatit; Merari, dan klan Merarit.

⁵⁸ La klan bann Levit: Bann Libnit, Hebronit, Malit, Mousit e bann Koreit. Keat ti papa Anmranm.

⁵⁹ Fanm Anmranm ti apel Yokebed. I ti fiy Levi ki ti ne Lezip. I ti ganny de garson ek en fiy: Aaron, Moiz e zot ser Mirianm.

⁶⁰ Aaron ti ganny kat garson: Nadab, Abihou, Eleazar e Itamar.

⁶¹ Nadab ek Abihou ti mor akoz zot ti prezant en dife ordiner devan SENYER.

⁶² Bann garson ki ti annan en mwan an montan, ti ganny konte apar. Zot pa ti ganny en par dan partaz later. Ti annan 23,000 zot an tou.

⁶³ Tou sa bann klan ti ganny resanse par Moiz ek Eleazar dan laplenn Moab, obor larivyer Zourden, vizavi Zeriko.

⁶⁴ Tou dimoun ki ti dan premye resansman ki Moiz ek Aaron ti'n fer dan dezer Sinai, ti'n mor.

⁶⁵ SENYER ti'n dir ki zot tou, zot pou mor dan dezer, eksepte Kaleb garson Zefoune ek Zozye, garson Noun.