Nonm 1 - Labib An Kreol Seselwa

Premye Resansman Pep Izrael

¹ SENYER ti koz avek Moiz dan dezer Sinai, dan Latant Temwannyaz, lo premye zour, dezyenm mwan, dezyenm lannen, apre ki zot ti'n sorti dan pei Lezip. I ti dir li:

² Fer en resansman lo kominote pep Izrael, par klan e par fanmir; pran zot non enn par enn.

³ Kont bann ki annan 20 an, an montan, tou sa bann ki pare pour servi dan larme Izrael. Ou ek Aaron ava kont zot tou, klan par klan.

⁴ Pran avek ou, en zonm dan sak tribi, sef dan fanmir son klan.

⁵ La non sa bann zonm ki pou asiste ou: Dan tribi Riben: Elisour garson Sedeour;

⁶ dan tribi Simeon: Seloumiel, garson Sourisadai;

⁷ dan tribi Zida: Nasonn garson Aminadab;

⁸ sorti dan tribi Isakar: Netaneel garson Souar;

⁹ dan tribi Zabilon: Eliab garson Helonn;

¹⁰ dan tribi Efraim garson Zozef; Elisama garson Amihoud, e sorti dan tribi Manase: Gamalyel garson Pedasour;

¹¹ dan tribi Benzamen: Abidann garson Gidoni;

¹² dan tribi Dann: Ahiezer garson Amisadai;

¹³ dan tribi Aser: Pagiel garson Okrann;

¹⁴ dan tribi Gad: Eliasaf garson Deouel;

¹⁵ dan tribi Neftali: Ahira garson Einann.

¹⁶ Sa ti non bann ki ti'n ganny swazir parmi kominote Izrael, bann dirizan dan zot tribi; zot ti sef dan zot klan.

¹⁷ Moiz ek Aaron ti pran sa bann zonm ki ti'n ganny nonmen.

¹⁸ Lo premye zour, dezyenm mwan, zot tou ti rasanble pour fer anrezistre zot non, enn par enn, dapre zot klan e par fanmir. Zot ti anrezistre tou bann zenn garson 20 an, an montan.

¹⁹ Parey SENYER ti'n ordonn Moiz, i ti kont zot tou dan dezer Sinai.

²⁰ Dan tribi Riben, premye ne Izrael, son desandan par sak klan ek fanmir, tou zonm ki'n ganny 20 an, an montan, tou sa ki kapab servi pour lager dan larme:

²¹ An tou, 46,500 zonm ti ganny resanse dan tribi Riben.

²² Dan tribi Simeon, son desandan par klan ek fanmir, tou zonm ki'n ganny 20 an, an montan, tou sa ki kapab servi pour lager dan larme:

²³ An tou, 59,300 zonm ti ganny resanse dan tribi Simeon.

²⁴ Dan tribi Gad, son desandan par klan ek fanmir, tou zonm ki ti'n ganny 20 an, an montan, tou sa ki kapab servi pour lager dan larme:

²⁵ An tou, 45,650 zonm dan tribi Gad.

²⁶ Dan tribi Zida, son desandan par klan ek fanmir, tou zonm ki'n ganny 20 an, an montan, tou sa ki kapab servi pour lager dan larme:

²⁷ An tou, 74,600 zonm dan tribi Zida.

²⁸ Dan tribi Isakar, son desandan par klan ek fanmir, tou zonm ti'n ganny 20 an, an montan, tou sa ki kapab servi pour lager dan larme:

²⁹ An tou, 54,400 zonm dan tribi Isakar.

³⁰ Dan tribi Zabilon, son desandan par sak klan ek fanmir, tou zonm ti'n ganny 20 an, an montan, tou sa ki kapab servi pour lager dan larme:

³¹ An tou, 57,400 zonm dan tribi Zabilon.

³² Dan tribi Efraim garson Zozef, son desandan par klan ek fanmir, tou zonm ki'n ganny 20 an, an montan, tou sa ki kapab servi pour lager dan larme:

³³ An tou, 40,500 zonm dan tribi Efraim.

³⁴ Dan tribi Manase, son desandan par klan ek fanmir, tou zonm ki'n ganny 20 an, an montan, tou sa ki kapab servi pour lager dan larme:

³⁵ An tou 32,200 zonm dan tribi Manase.

³⁶ Dan tribi Benzamen, son desandan par sak klan ek fanmir, tou zonm ti'n ganny 20 an, an montan, tou sa ki kapab servi pour lager dan larme:

³⁷ An tou 45,400 zonm dan tribi Benzamen.

³⁸ Dan tribi Dann, son desandan par klan ek fanmir, tou zonm ti'n ganny 20 an, an montan, tou sa ki kapab servi pour lager dan larme:

³⁹ An tou 62,700 zonm dan tribi Dan.

⁴⁰ Dan tribi Aser, son desandan par klan ek fanmir, tou zonm ki'n ganny 20 an, an montan, tou sa ki kapab servi pour lager dan larme:

⁴¹ An tou 41,500 zonm dan tribi Aser.

⁴² Dan tribi Neftali, son desandan par klan ek fanmir, tou zonm ki'n ganny 20 an, an montan, tou sa ki kapab servi pour lager dan larme:

⁴³ An tou 53,400 zonm dan tribi Neftali.

⁴⁴ Sa i lakantite zonm ki Moiz ek Aaron ti konte avek led sa 12 sef ki sorti dan sak tribi.

⁴⁵ Tou pep Izrael, resanse par fanmir, tou zonm aze 20 an, an montan ki kapab al dan larme Izrael

⁴⁶ ti fer en total 603,550 zonm.

⁴⁷ Me bann Levit pa ti ganny konte dapre lezot tribi.

⁴⁸ Annefe, SENYER ti'n dir avek Moiz,

⁴⁹ “Pa bezwen kont tribi Levi, e pa bezwen fer resansman lo zot parmi bann tribi Izrael.

⁵⁰ Plito apwent zot pour pran ansarz Latant Temwannyaz e lo tou son bann lobze ek tou lezot propriyete Latant. Zot bezwen pran swen avek Latant e otour kan.

⁵¹ Sak fwa ki Latant i ganny deplase, bann levit ava bezwen demont li, e sak fwa ki zot arete pour kanpe, bann levit ava remont li. Si en dimoun i aprose, i devret ganny met anmor.

⁵² Bann tribi Izraelit i bezwen diviz zot par klan ler zot enstal zot latant, sakenn dan son prop klan anba bannyer son fanmir.

⁵³ Me bann levit ava pik zot latant toultour Latant Temwannyaz pour anpes maler tonm lo bann Izraelit. Bann levit i responsab pour pran swen avek Latant Temwannyaz.”

⁵⁴ Bann Izraelit ti fer tou parey SENYER ti'n ordonn Moiz.