Nehemi 10 - Labib An Kreol Seselwa

Pep Izrael I Promet pour Gard Lalwa

¹ Parmi bann ki ti met zot sele lo sa dokiman ti annan: Nehemi, gouverner, garson Hakalya, ek Sedesyas. Bann pret:

² Seraya, Azarya, Zeremi

³ Pasour, Amaria, Malkiya,

⁴ Hatous, Sebanya, Malouk,

⁵ Harim, Meremot, Abdyas,

⁶ Danyel, Ginetonn, Barouk,

⁷ Mesoulanm, Abiya, Miyamin,

⁸ Maazya, Bilgai, ek Semaya.

⁹ Bann levit: Zozye, garson Azanya, Binoui; bann garson Henadad, Kadmyel,

¹⁰ ek zot bann frer: Sebanya, Hodiya, Kelita, Pelaya, Hanann,

¹¹ Mise, Rehob, Hasabya,

¹² Zakour, Serebya, Sebanya,

¹³ Hodiya, Bani, Beninou.

¹⁴ Bann sef parmi lepep: Paros, Pahat-Moab, Elanm, Zatou, Bani,

¹⁵ Bouni, Azgad, Bebai,

¹⁶ Adoniya, Bigvai, Adin,

¹⁷ Ater, Ezekyas, Azour,

¹⁸ Hodiya, Hasoum, Betsai,

¹⁹ Harif, Anatot, Nebai,

²⁰ Magpias, Mesoulanm, Hezir,

²¹ Mesezabeel, Sadok, Yadoua,

²² Pelatya, Hanann, Ananya,

²³ Oze, Hananya, Hasoub,

²⁴ Lohes, Pilha, Sobek,

²⁵ Rehoum, Hasabna, Maaseya,

²⁶ Ahiya, Hanann, Hanann,

²⁷ Malouk, Harim, Baana.

Lalyans

²⁸ Leres lepep: Pret, levit, portye, santer, serviter tanp, ek tou bann ki ti'n separe avek bann pep lezot pei, pour swiv lalwa Bondye, ensi ki zot fanm, zot bann garson, zot bann fiy, e tou bann ki ti kapab konpran,

²⁹ ti zwenn ansanm avek zot bann frer, bann sef. Zot ti pret serman pour swiv lalwa ki Bondye ti donnen par lentermedyer Moiz, serviter Bondye e pour met an pratik tou bann komannman SENYER, nou SENYER, son bann regleman ek son bann lalwa.

³⁰ Nou ti promet pour pa donn bann zabitan sa pei okenn nou bann fiy, oubyen pran zot bann fiy pour nou bann garson;

³¹ pour pa aste okenn marsandiz oubyen legren ki bann zabitan sa pei ti anmennen pour vann zour saba, oubyen okenn lezot zour lafet. Nou pa pou fer okenn rekolt e nou pa pou egziz peyman okenn det tou le 7 an.

³² Nou ti osi fikse en lareg konmkwa sak lannen, nou pou donn en pyes larzan kat granm pour servis tanp nou Bondye.

³³ Sa don ava servi pour dipen, pour sakrifis konplet ek lofrann vezetal, pour bann saba, bann nouvellin, oubyen lezot zour lafet, pour lezot lofrann konsakre an loner Bondye ek bann sakrifis ofer par Izrael pour pardon zot pese, e osi pour tou bann travay dan tanp nou Bondye.

³⁴ Nou, bann pret, levit, ek lepep, nou ti tir osor pour konnen lekel fanmir ki devre fourni sak lannen, lo en dat fiks, dibwa ki pour bril lo lotel dan tanp SENYER, nou Bondye, parey in ekri dan lalwa.

³⁵ Nou ti promet pour anmenn dan tanp, sak lannen, tou bann premye prodwi nou later ek nou bann pye fri.

³⁶ Nou ti osi promet pour anmenn dan tanp nou Bondye e prezant avek bann pret ki servi dan tanp nou Bondye, bann premye ne parmi nou bann garson, nou bann zannimo: Bann premye ne parmi nou bann bef, mouton ek kabri, parey in ekri dan lalwa.

³⁷ Nou ti promet pour anmenn kot pret, dan bann lasal dan tanp Bondye, premye parti nou lapat lafarin, bann fri tou bann pye dibwa, diven nouvo ek delwil; Ladim lo tou prodwi later ki nou kiltive, ava ganny remet avek bann levit, akoz bann levit ki annan responsabilite pour resevwar ladim dan tou nou bann lavil.

³⁸ Pret, garson Aaron, ava akonpanny bann levit ler zot resevwar ladim. Bann levit ava pran en dizyenm parti ladim e anmenn dan tanp Bondye, dan bann lasal trezor.

³⁹ Bann Izraelit ek bann levit ava anmenn bann kontribisyon dible, diven, delwil, dan sa bann lasal, la kot i annan bann lobze tanp; la osi kot ek bann pret ki servi tanp, bann portye ek bann santer i reste. Konmsa, nou pa pou abandonn tanp nou Bondye.