1 Kronik 5 - Labib An Kreol Seselwa

Desandans Riben

¹ Riben ti premye garson Izrael. Me akoz i ti'n mank respe anver fanm son papa, son drwa lene garson ti ganny pase avek bann garson Zozef, garson Izrael. Pour sa rezon, i pa'n ganny anrezistre dan resansman dapre son drwa lene garson.

² Menm si Zida ti enportan parmi son bann frer e ki dan son desandans in sorti en sef, se Zozef ki ti'n ganny drwa lene garson.

³ La bann garson Riben lene garson Izrael: Henok, Palou, Hesronn, ek Karmi.

⁴ Bann garson desandan Zoel: Semaya, garson Zoel, Gog, garson Zoel, Simei, garson Zoel.

⁵ Mise, garson Simei, Reaya, garson Mise, Baal, garson Reaya,

⁶ Beera, garson Baal, ki Tilgat-Pilneser, lerwa Asiri, ti anmennen koman prizonnyen; i ti en sef dan tribi bann Ribenit.

⁷ Bann frer Beera klan par klan, parey zot in ganny anrezistre dan resansman, dapre zot desandans: Premye Yeyel, Zakari,

⁸ Bela, garson Azaz, garson Sema, garson Zoel; i ti reste Aroer ziska Nebo ek Baal-Meonn.

⁹ Lo kote Les, i ti reste ziska lantre dezer, depi larivyer Efrat, akoz zot zannimo ti'n ogmante dan pei Galaad.

¹⁰ Dan lepok Sail, zot ti fer lager avek bann Hagarit ki ti ganny detri dan zot lanmen. Zot ti reste dan latant, dan tou rezyon Les Galaad.

Desandans Gad

¹¹ Bann desandan Gad ti reste lo kote Nor dan rezyon Basann, ziska Salka.

¹² Zoel, sef, Safanm dezyenm, Yanai ek Safat, dan Basann.

¹³ Bann lezot fanmir: Mikael, Mesoulanm, Seba, Yorai, Yakann, Zia ek Eber; set an tou.

¹⁴ La bann garson Abihail, garson Houri, garson Yaroa, garson Galaad, garson Mikael, garson Yesisai, garson Yado, garson Boaz:

¹⁵ Ahi, garson Abdiel, garson Gouni, ki ti sef zot fanmir.

¹⁶ Zot ti reste Galaad, Basann e dan alantour Saronn, ziska kot son balizaz.

¹⁷ Zot tou, zot ti ganny anrezistre dan resansman dan lepok Yotanm, lerwa Zida e lepok Zeroboanm, lerwa Izrael.

¹⁸ Bann Ribenit, bann Gadit ek demi tribi Manase ti annan bann brav gerye ki ti port boukliye ek lepe e servi fles; zot ti bann eksper dan lager; 44,760 an tou ki ti kapab lager.

¹⁹ Zot ti lager avek bann Hagarit depi Yetour, Nafis ek Nodab.

²⁰ Zot ti ganny led kont bann Hagarit e tou bann ki ti avek zot, ti ganny livre dan zot lanmen. Pandan konba, zot ti priy Bondye ki ti ekout zot, akoz zot ti annan konfyans dan li.

²¹ Zot ti sezi bann zannimo: 50,000 samo, 250,000 mouton, 2,000 bourik. Zot ti osi pran 100,000 prizonnyen.

²² Bokou ti tonbe akoz Bondye ki ti fer sa lager. Zot ti reste la dan zot plas ziska zot ti al annegzil.

Desandans Manase

²³ Desandans demi tribi Manase ti reste dan sa pei, depi Basann ziska Baal-Hermon, Senir ek dan montanny Hermon; ti annan bokou zot.

²⁴ La bann sef zot fanmir: Efer, Yisei, Eliel, Azriel, Zeremi, Hodavya, ek Yadyel. Zot ti bann vayan gerye, bann zonm renonmen, sef zot fanmir.

²⁵ Me zot pa ti fidel anver Bondye zot papa e zot ti tonm dan prostitisyon avek bondye bann nasyon sa pei ki Bondye ti'n detri devan zot.

²⁶ Alor, Bondye Izrael ti boulvers lespri Poul, lerwa Asiri, lespri Tilgat-Pilneser ki ti deport bann Ribenit, bann Gadit ek demi tribi Manase; i ti anmenn zot Hala, Habor, Hara pre larivyer Gozann, kot zot in reste ziska ozordi.