Ruaih Loah Muoi 1 - Parnai Yiang Sursĩ - Kinh Thánh tiếng Bru

Tễ Dỡi Adam Toâq Dỡi A-praham

¹ Adam la mpoaq Sêt; Sêt la mpoaq Ê-nôih; Ê-nôih la mpoaq Kê-nan;

² Kê-nan la mpoaq Maha-lalê; Maha-lalê la mpoaq Yaret;

³ Yaret la mpoaq Ê-nóc; Ê-nóc la mpoaq Mê-thu-sala; Mê-thu-sala la mpoaq Lamec;

⁴ Lamec la mpoaq Nô-ê. Cớp Nô-ê bữn con samiang pái náq, ramứh Sem, Ham, cớp Yaphêt.

⁵ Tỗp con samiang Yaphêt ramứh Cô-mêr, Macoc, Madai, Yavan, Tubal, Mê-siec, cớp Ti-rat. Máh cũai nâi cỡt achúc achiac máh tỗp ca ĩt ramứh alới tê.

⁶ Tỗp con samiang Cô-mêr la At-canat, Ri-phat, cớp Tô-cama.

⁷ Tỗp con samiang Yavan la E-li-sah, Tar-sit, Kit-tim, cớp Rô-danim.

⁸ Tỗp con samiang Ham la Cut, Mit-rêm, Put, cớp Cana-an. Máh cũai nâi cỡt achúc achiac máh tỗp ca ĩt ramứh alới tê.

⁹ Tỗp con samiang Cut la Si-ba, Havi-la, Sap-ta, Ramah, cớp Sap-taca. Con samiang Ramah la Sê-ba cớp De-dan.

¹⁰ Cut bữn muoi lám ễn con samiang, ramứh Nim-rôt. Nim-rôt la cũai dâu lứq cỡt rangoaiq lứq rachíl tâng cutễq nâi.

¹¹ Tŏ́ng toiq Mit-rêm la tỗp Lut, tỗp Anam, tỗp Lê-hap, tỗp Nap-tu,

¹² tỗp Patru, tỗp Catlu, cớp tỗp Cap-tôr. Máh cũai Catlu nâi cỡt tỗp Phi-li-tin ễn.

¹³ Con samiang clúng Cana-an la Sadôn. Cana-an la achúc achiac máh cũai Hêt.

¹⁴ Cana-an cỡt achúc achiac máh tỗp neq: Yê-but, Amô-rit, Kir-casit,

¹⁵ Hê-vit, Ar-kit, Si-nit,

¹⁶ Ar-vat, Sê-marit, cớp Hamat.

¹⁷ Tỗp con samiang Sem la E-lam, Asur, Apac-sat, Lut, cớp Aram. Con samiang Aram la Usơ, Hul, Kê-tơ, cớp Mê-siec. Máh cũai nâi cỡt achúc achiac máh tỗp ca ĩt ramứh alới tê.

¹⁸ Apac-sat la mpoaq Sê-lah, cớp Sê-lah la mpoaq Ê-bêr.

¹⁹ Ê-bêr bữn con samiang bar lám, muoi noaq ramứh Pê-léc, yuaq tâng dỡi tamoong án dũ náq cũai tâng cốc cutễq nâi caryoah cỡt miar tỗp. Cớp con samiang bar la ramứh Yôc-tan.

²⁰ Tỗp con samiang Yôc-tan la neq: Amô-dat, Sê-lep, Hasar Mavêt, Yê-rah,

²¹ Hadô-ram, Usal, Dic-la,

²² E-bal, Abi-mel, Sê-ba,

²³ Ô-phia, Havi-la, cớp Yô-bap.

²⁴ Tŏ́ng toiq tễ Sem toau toâq Apram la neq: Sem, Apac-sat, Sê-lah,

²⁵ Ê-bêr, Pê-léc, Rêu,

²⁶ Sê-ruc, Nahor, Thara,

²⁷ cớp Apram (Ramứh tamái án la A-praham.)

Tŏ́ng Toiq It-ma-el

²⁸ A-praham bữn bar lám con samiang, ramứh I-sac cớp It-ma-el.

²⁹ It-ma-el bữn muoi chít la bar náq con samiang, ramứh neq: Nê-bayôt, Kê-da, At-bil, Mip-sam,

³⁰ Mit-ma, Duma, Masa, Hadat, Tê-ma,

³¹ Yê-tur, Naphit, cớp Kêt-ma. Nâi la máh con samiang It-ma-el.

³² A-praham bữn muoi lám lacuoi cỗiq ramứh Kê-tura. Mansễm nâi canỡt con samiang tapoât lám, ramứh Sim-ran, Yôc-san, Mê-dan, Madian, It-bac, cớp Suah. Yôc-san bữn bar lám con samiang, ramứh Sê-ba cớp De-dan.

³³ Madian bữn con samiang sỡng náq, ramứh E-pha, E-phơ, Hanoc, Abi-da, cớp El-da. Nâi la máh con samiang Kê-tura.

Tŏ́ng Toiq Ê-sau

³⁴ I-sac la con samiang A-praham; án bữn bar lám con samiang, ramứh Ê-sau cớp Yacốp.

³⁵ Tỗp con samiang Ê-sau ramứh neq: E-li-phat, Ruol, Yuih, Yalam, cớp Cô-ra.

³⁶ Tỗp con samiang E-li-phat ramứh neq: Tê-man, Ô-mar, Sê-phô, Catam, Kê-na, Tim-na, cớp A-maléc.

³⁷ Cớp Ruol cỡt achúc achiac tỗp neq: Nahát, Sê-rah, Samah, cớp Mit-sa.

Cũai Proai Ca Ỡt Dâu Lứq Tâng Cruang Ê-dôm

³⁸ Cũai proai tâng cruang Ê-dôm la máh tỗp con samiang Sêr, ramứh neq: Lô-tan, Sô-bal, Si-bê-ôn, Anah, Di-sôn, E-sơ, cớp Di-san.

³⁹ Lô-tan cỡt achúc achiac sâu Hô-ri cớp Hô-mam. Lô-tan bữn a‑ễm mansễm ramứh Tim-na.

⁴⁰ Sô-bal cỡt achúc achiac máh sâu neq: Al-van, Mana-hat, E-bal, Sê-phi, cớp Ô-nam. Si-bê-ôn bữn bar náq con samiang, ramứh Ai-ya cớp Anah.

⁴¹ Con samiang Anah la Di-sôn. Di-sôn bữn con samiang pỗn lám, ramứh Hem-dan, Et-ban, I-tran, cớp Khê-ran.

⁴² Tỗp con samiang E-sơ la Bil-han, Savan, cớp Ai-can. Di-san bữn con samiang bar lám, ramứh Usơ cớp Aran.

Máh Cũai Puo Cruang Ê-dôm

⁴³ Nâi la máh ramứh puo ca cỡt sốt tâng cruang Ê-dôm tễ nhũang tỗp I-sarel cỡt sốt cruang alới. Bê-la con samiang Bê-ô, án cỡt puo tâng vil Din-haba.

⁴⁴ Tữ Bê-la cuchĩt, Yô-bap con samiang Sê-rah tễ vil Bô-tra ễn chỗn cỡt puo pláih án.

⁴⁵ Tữ Yô-bap cuchĩt, Husam tễ vil Tê-man ễn chỗn cỡt puo pláih án.

⁴⁶ Tữ Husam cuchĩt, Hadat con samiang Be-dat tễ vil Avit ễn chỗn cỡt puo pláih Husam. Hadat la cũai khoiq chíl riap tỗp Madian tâng cruang Mô-ap.

⁴⁷ Tữ Hadat cuchĩt, Sam-la tễ vil Mat-rê-ca ễn chỗn cỡt puo pláih án.

⁴⁸ Tữ Sam-la cuchĩt, Sau-lơ tễ vil Rê-hô-bôt yoah tooh crỗng Ơ-phơ-rat ễn chỗn cỡt puo pláih án.

⁴⁹ Tữ Sau-lơ cuchĩt, Ba-al Hanan con samiang Ac-bôr ễn chỗn cỡt puo pláih Sau-lơ.

⁵⁰ Tữ Ba-al Hanan cuchĩt, Hadat cũai tễ vil Pau ễn chỗn cỡt puo pláih án. Lacuoi Hadat la Mahê-tabêl con mansễm Matrêt, châu Mê-sahap.

⁵¹ Ntun ễn Hadat cuchĩt tê. Máh cũai proai Ê-dôm caryoah cỡt sa‑ữi tỗp, bữn neq: Tim-na, Al-va, Yê-het,

⁵² Ô-hô-li-bama, E-lah, Pi-nôn,

⁵³ Kê-na, Tê-man, Mip-sar,

⁵⁴ Mac-diel, cớp I-ram. Nheq tữh máh cũai nâi cỡt cũai sốt tâng cruang Ê-dôm.